5. Mose 17:8 - O Debleskro Drom 2021 (Sinte)

⁸ Te well tchomone glan i tchatchepangre anlo, hoi hi jaake phares lenge, te djinenn le gar, hoi te krenn, – sawo koowa, te das jek i wawares mulo, oder dukas les, oder tchingepen pral kowa, hoi o jekeske oder o wawareske hi, palle krenn tumen ap o drom un djan ap koi platsa, hoi tumaro baro Dewel peske win rodell.

O Debleskro Lab 2024 (Sinte-Manouche)

⁸ Te vell čomone glan i čačepangre anlo, hoy hi yaake phares lenge, te djinenn le gar, hoy te krenn, – savo koova, te das yek i vavares moulo, oder doukas les, oder čingepen pral kova, hoy o yekeske oder o vavareske hi, palle krenn t'men ap o drom oun djan ap koy platsa, hoy t'maro baro Devel peske vin rodell.

5. Mose 17:8 Referans Kwoze

5. Mose 12:5

Mangenn o baro Debles ap i platsa an, hoi job peske win rodell mashkral an o them Israel, te djiwell lo kote. Kote djan, te mangenn les an.

Haggai 2:11

Kowa penell o baro Dewel, ko rai pral o bolepen un i phub: Putch i rashajen, hoi jon penenn an kau koowa:

5. Mose 1:17

Un dikenn gar koi pre, koon glan tumende tardo hi! Shunenn i tiknen un i baren! Ma darenn kekestar! Krenn jaake o tchatchepen win, har te krals kowa o Dewel! Sawo koowa, hoi tumenge phares hi, kowa anenn pash mande, te shunap me kowa.”

Maleachi 2:7

Kowa hi i rashajengri budi: Jon hunte penenn o Debleskro lab an o tchatchepen, te nai djan i menshe pash lende, te kamenn le te djinell, hoi o baro Dewel lendar kamella. I rashaja hi i bitchepangre o baro Deblestar, ko rajestar pral o bolepen un i phub.

5. Mose 19:17

palle wenn kol dui, kolen tchingepen pentsa hi, pash o baro Debleskro kheer, glan i rashajende un glan i tchatchepangre murshende, kolla an kol diwessa koi hi.

5. Mose 19:4

Sawo foro hi koleske, kai das jekes mulo un kamas kowa gar, un les his kek choli ap leste. Kowa nai nashell koi, te atchell lo djido.

4. Mose 35:16

Te das jek i wawares mit i kotar saster jaake, te merell job, hi lo i marepaskro un hunte well mulo dino.

4. Mose 35:11

hunte rodenn tumer forja win, kai nai hakeno dren djala, kai naashepaskro hi, un jekes mulo das, un kamas kowa gar.

2. Mose 22:2

Djas o kham pre, har phagas lo dren, hi koles, hoi les mules das, i doosh ap leskro rat. I tchorepaskro hunte dell lauter pale, hoi job tchoras. Te nai krell job kowa gar, palle well lo bikedo un well i pandlo budepaskro.

2. Mose 21:28

Te dell i grumni i murshes i dap, jaake te merell lo, palle witsrenn i grumjat i barrentsa mules! Kowa well ninna jaake kerdo, te dell i grumni i djuwjat i dap, te merell li. Kek chal o mass koi grumjatar! Un koleske koi grumni hi, kowa lell kek phagi.

2. Mose 21:22

Te tchingrenn pen dui mursha, un i romni, hoi an wawar koowa hi, lell i dap, jaake te nashrell li peskro ternepen, un joi well pale sasto, palle hunte plaissrell kowa, hoi das lat koi dap, lowe. Glan i tchatchepangre hunte plaissrell lo jaake bud lowe, har lakro rom mangella.

2. Mose 21:20

Te dell jek peskro budepaskres i kashteha, jaake te merell lo, palle lell lo i phagi. Kowa well ninna jaake kerdo pash i budepaskretsa.

2. Mose 18:26

Kolla rakran pral i menshende o tchatchepen win. Pral i tikno tchingepen rakran jon kokres o tchatchepen win. Un o bareder koowa anan le glan o Mose.

2. Mose 18:15

Un o Mose penas ap leste: “I menshe wenn pash mande, te nai putchenn le o Deblestar, hoi job lendar kamella.

2. Mose 22:8

Kote, kai dui mursha tchingrenn pen pral i grumni, i burika, i bakro, i ripen, ninna pral wawar koowa, hoi nashedo was, kote hunte wenn kol dui glan o Debleste. Un kones o Dewel i doosh dell, kowa dell ko wawares dui kope jaake bud pale.

5. Mose 12:11

Palle hi wawartchandes har kanna: Palle anenn kowa, hoi denn o baro Debleste, ap koi platsa, hoi job peske win rodas, te well lo kote an-mangedo. Kote anenn lauter, hoi me tumenge penau: kol viechen, hoi kamenn leske te marell, sawe, hoi wenn leske tseles chatchedo un sawe, hoi chan khetne. Kote anenn ninna o deshto kotar kolestar, hoi dren anan, un ko wawar koowa, hoi glan tchinlo hi, un kowa hoi denna jaake har tumen sowel dan.

5. Mose 25:1

Te well i tchingepen mashkral mursha pre, un jon glan tchatchepangre murshende stakrenn, un o tchatchepen well win kerdo, palle well pral koleste, kai an o tchatchepen his, glan halauterende win rakedo, te hi job an o tchatchepen. Un pral koleste, koles doosh his, well glan halauterende win rakedo, te hi les doosh.

Ezekiel 44:24

Te well i tchingepen glan lende anlo, hi jon i tchatchepangre mursha un hunte penenn o tchatchepen win, un hunte djan pal mire tchatchepaskre laba. Un jon hunte krenn, te wenn mire bare diwessa ap o tchatcho tsiro jaake dren rikedo, har me penom, te well kowa kerdo. Ninna denn le jak, te well o Debleskro diwes dren rikedo.

5. Mose 12:14

Kokres ap koi platsa, hoi o baro Dewel win rodell an tumaro them, kote anenn kol viechen, hoi kamenn leske te chatchrell, un kote krenn halauter, hoi me tumenge penau.

5. Mose 21:5

Palle stakrenn i rashaja dran o kheer Levi glan. Kolen rodas tumaro baro Dewel win, te krenn le leskri budi, un te rakrenn le leskri bacht win pral i menshende. Un an i tchingepen un pal i marepen rakrenn le o tchatchepen win.

2. Samuel 15:2

Ninna djas o Absalom taissarlake ap o drom, un was pash o foreskro wudar. Un te his jekes tchingepen i wawareha un doleske pash o baro rajeste djas, te rakrell job o tchatchepen pral lende win, palle das o Absalom les pash peste gole, un putchas: “Dran hawo foro hal tu?” Un te penas kowa: “Tiro budepaskro hi kalla un kolla menshendar dran Israel”,

1. Familjakro liil 26:29

Dran o kheer Jizhar lan le o Kenanja un leskre mursh tchawe, te wenn jon pralstune un tchatchepangre mursha an Israel.