5. Mose 16:4 - O Debleskro Drom 2021 (Sinte)

⁴ Un efta diwessa well kek shutlo jarro pash tumende diklo an tumaro tselo them. Un ko mass ko viechestar, hoi tumer an koi rat maran, hunte chan tumer an koi emligi rat. Tchi te atchell pral ap i tsalla.

O Debleskro Lab 2024 (Sinte-Manouche)

⁴ Oun efta divessa vell kek shoutlo yarro pash t'mende diklo an t'maro tselo them. Oun ko mass ko firhestar, hoy t'mer an koy rat maran, hounte rhan t'mer an koy emligi rat. Či te ačell pral ap i tsalla.

5. Mose 16:4 Referans Kwoze

2. Mose 34:25

Te marenn tumer i vieches mange, anenn leskro rat gar glan mande khetne o shutlo mareha! Ko viecho, hoi tumer marenn mange ap o diwes, hoi kharella Passa, kolestar hunte atchell tchi pral o wawar diweske.

2. Mose 12:10

Tchi kolestar atchell pral bis ap o wawar diwes. Te atchas tchomone pral, hunte chatchrenn kowa.

2. Mose 13:7

Kol efta diwessa chan tumer maro, kai kek shutlo jarro dren hi. Un kek shutlo jarro, witar kek shutlo maro, well pash tumende diklo, kote kai djiwenna.

2. Mose 12:15

Efta diwessa chan tumer maro, kai kek shutlo jarro dren hi. Ap o ersto diwes tchiwenn tumer o shutlo jarro krik. Kowa, kai an kol efta diwessa maro chal, kai shutlo jarro dren hi, kowa well pale-tchiddo, un hunte djiwell buder gar mank i Israelitarja.

2. Mose 12:8

Ko mass well peklo pral i jag. Un jon hunte chan les an koi rat khetne o maro, kai kek shutlo jarro dren hi. Un shutlo senlepen chan le pashel.

Mateo 13:33

Un pale penas o Jesus lenge laba, kai i khatedo tchatchepen dren hi: Un job penas: Kote, kai o Dewel i menshen pash peste gole della, te djan le ap leskro drom, hi kowa jaake har pash i kotar shutlo jarro, hoi las i djuwel un tchiwas les mashkral an i baro tcharo parno jarro. Un ko tikno kotar shutlo jarro kras ko tselo jarro shutlo.

2. Mose 12:6

Un rikrenn les pash tumende bis ap o deesh-te-starto diwes. Rati ap ko diwes, hunte marell haki Israeltikri familja peskro bakro.

2. Mose 23:18

Te mareh tu i viecho o Debleske, palle dess tu kek maro pashel, hoi shutlo jarro dren hi. Un o thulepen o viechestar, hoi maral tu o Debleske, hunte well ko diwes chatchedo un atchell gar pral i rat tchiddo.

5. Mose 16:5

Tumer nai marenn gar kol viechen o chapaske Passa an tumare gaba un forja, kolen tumaro baro Dewel tumen dell, te djiwenn kote.