5. Mose 16:16 - O Debleskro Drom 2021 (Sinte)

¹⁶ Triin kope an o bersh hunte wenn tumare tsele mursha glan tumaro baro Debleste ap koi platsa, hoi job peske win rodell: ap kol bare diwessa, kai chan kek maro dran shutlo jarro, un ap ko baro diwes, kai anenn o baro Debleske o newo djobestar, hoi tumer dren anan, un ap kol diwessa, kai djiwenn an patjengre khera. Un kek well, koles tchi pash peste hi, hoi job o baro Debleske anella.

O Debleskro Lab 2024 (Sinte-Manouche)

¹⁶ Triin kope an o bersh hounte venn t'mare tsele morsha glan t'maro baro Debleste ap koy platsa, hoy yob peske vin rodell: ap kol bare divessa, kay rhan kek maro dran shoutlo yarro, oun ap ko baro dives, kay anenn o baro Debleske o nevo djobestar, hoy t'mer dren anan, oun ap kol divessa, kay djivenn an patyengre khera. Oun kek vell, koles či pash peste hi, hoy yob o baro Debleske anella.

5. Mose 16:16 Referans Kwoze

Debleskri gili 96:8

Krenn leskro lab bares jaake har job moldo hi! Awenn glan leskro kheer, un anenn leske shukar koowa!

Haggai 1:9

Tumer kamenn bud, un gar bud hi, hoi lenn tumer. Un te kamenn kowa khere te anell, lau les tumendar. Hoske kowa? penell o baro Dewel, ko rai pral o bolepen un i phub. Miro kheer hi paash dino un tchiddo an kotja. Un hakeno tumendar dikell kokres ap peskro kheer.

Mateo 2:11

Un jon djan an ko kheer, un dikan kote o ternepas un leskri dat, i Mariat. Un jon witsran pen glan leste tele, mangan les an, un tchiwan ko kutch brawlepen glan leste, hoi dan le leste. Un kowa his sonakai, kutch kasht, hoi sungella mishto, ninna wawar kutch kasht, hoi wella djet lestar kerdo.

2. Mose 34:20

Te hi o ternepen i burikakro ternepen, dess tu man leske i terno bakro. Kamenn tumer kowa gar, palle phagenn koi terni burika i meen! Tumare phureder mursh tchawe, ma marenn len! Kolenge denn mange i viecho, hoi mange marenn. Kek well an miro Debleskro kheer i wastentsa, kai tchi dren hi.

1. Rajengro liil 9:25

Un o Salomo anas triin kope an o bersh viechen o Debleske, te wenn le chatchedo ap koi chatchepaskri, hoi lo leske kras. Kolla his sawe vieche, hoi wan tseles chatchedo un sawe vieche, kolendar chatchran le o thulepen, un chan ko wawar mass. Ninna sungepaskro koowa chatchras lo glan o baro Debleste. Jaake was an o kheer kowa kerdo, koleske o kheer kerdo was.

Jesaja 23:18

Un kol lowe, hoi le dren lenn, well o baro Debleste dino. Kol lowe well gar khetne anlo an i brawlepaskro kheer. Na-a, kol lowe lenn kolla, kai pash o baro Debleskro kheer djiwenn, te well len doha chapaske un latche koola an-ripaske.

Markus 12:3

Un i hache dan les kek drake. Jon tapran les, dan les dawa un bitchran les krik.

Johanni 7:2

I tikno tsiro glan kol biboldengre bare diwessa, hoi kharenna Sukkot, penan leskre phrala ap leste: “Ma atch an o them Galilea! Dja an o them Judea, te dikenn ninna tire mala, hawo baro koowa tu kreh!

2. Mose 34:24

Me tradau i tsele wawar menshen glan tumende krik, un krau tumaro them bareder. Jaake well kek an tumaro them, te lell lo peske i kotar them ap ko tsiro, kai djan tumer triin kope an o bersh pash tumaro baro Debleste, te wenn khetne glan leste.

3. Mose 23:34

Pen ap i Israelitarja: An o eftato tchon hi kol bare diwessa, kai djiwenn tumer an patjengre khera efta diwessa, te well o baro Dewel sharedo. Ko ersto diwes hi o 15. (deesh-te-pantchto) diwes an kau tchon.

5. Mose 16:15

Efta diwessa chan un awenn bachteles glan tumaro baro Debleste ap koi platsa, hoi job peske win rodell. Job tchiwas peskri bacht ap halauter, hoi ap tumari phub bares was un ap tumari tseli budi. Doleske awenn bachtelo!

5. Mose 16:17

Hakeno della pal kowa, hoi leskro wast nai pre anella, jaake har tumaro baro Dewel leste peskri bacht das.

1. Samuel 1:3

Un ko mursh djas hako bersh win dran peskro foro, te mangell lo an o foro Shilo o baro Debles an, ko rajes pral o bolepen un i phub, un te anell lo leske i vieches, hoi well leske maredo. Kote his dui phrala o baro Debleskre rashaja: o Hofni un o Pinhas. Kolengro dad his o Eli.

1. Samuel 6:3

Un jon penan ap lende: “Te bitchrenn tumer o mochton o Israeleskro Deblestar pale, palle bitchrenn tchomone peha. Denn les tchomone, te well lauter pale mishto mank tumende un leste! Palle wenn tumer sasto. Jaake djinenn tumer ninna, hoske leskro wast tumendar gar krik djas.”

2. Familjakro liil 8:13

Un kowa was jaake kerdo har tchinlo his an o Moseskre lila. Kote dren hi tardo, hoi hunte well hako diwes chatchedo, ninna ap i Debleskre diwessa, un ap kol diwessa, kai well o newo tchon diklo, un ap kol bare diwessa, kai halauter khetne wenn, triin kope an o bersh: Kolla hi kol diwessa, kai chan le maro, kai kek shutlo jarro dren hi, ninna kol diwessa, kai well o newo djob anlo, un kol diwessa, kai djiwenn i Israelitarja an patjengre khera.

Nehemia 8:15

Jaake dan le win gole an pengre tsele forja, ninna an Jerusalem, un penan: “Djan win ap i berge un anenn kashta i djeteskre rukendar, ninna i diwje djeteskre rukendar, un i mirtetikre rukendar un i palmtikre rukendar un wawar rukendar, kolen bud patria hi. Un krenn kolendar tikne khera dran patria, jaake har an o Moseskro liil tchinlo hi.”

Debleskri gili 84:7

Te djan le an o tato them, nashell kote pani lenge win. Un o brishin mukell lauter senelo un baro te well.

Debleskri gili 122:4

Kote djan bud menshe pre, kol tsele menshe, kai o baro Debles an-mangenn. Kote sharenn le les, jaake har job lenge penas.

Esra 3:1

Un har o 7. (eftato) tchon was un i Israelitarja an pengre forja his, wan i tsele menshe har jek mursh khetne an o foro Jerusalem.

Debleskri gili 84:8

Pale te pale lenn le newi soor, bis te dikenn le o tchatcho Debles ap i berga Zion.

Jesaja 33:20

Dik ap ko foro Zion, kai mer khetne wah ap i bare diwessa. Dik, har i Jerusalem i foro hi, kai djiwenn i menshe kek darjah. Ko foro hi har i plachteno kheer, hoi buder gar tele phagedo well. Kol saster, hoi les rikrenn, wenn gar buder win tserdedo, un lengre shelle djan gar buder paash.

Ezekiel 36:38

An kol forja, kolendar kanna tchi har barra koi hi, djiwenn palle jaake bud menshe, har his bakre an o foro Jerusalem an kol bare diwessa, har kol bakre o baro Debleske maredo un chatchedo wan. Un jon dikenn un haiwenn palle, te hom me o baro Dewel.