5. Mose 15:9 - O Debleskro Drom 2021 (Sinte)

⁹ De tut jak, te well tuke gar an o dji, te dess les tchi doleske, kai ko eftato bersh gar buder dur hi. Ma pen tuke: ‘Palle hunte mukap leske koi tseli sijaan.’ Un jaake dikeh tchilatches ap leste un deh leste tchi. Un job dell gole ap o baro Debleste pral tute. Un ap tute well i doosh!

O Debleskro Lab 2024 (Sinte-Manouche)

⁹ De tout yak, te vell touke gar an o dji, te dess les či doleske, kay ko eftato bersh gar bouder dour hi. Ma pen touke: Palle hounte moukap leske koy tseli siyaan. Oun yaake dikeh čilačes ap leste oun deh leste či. Oun yob dell gole ap o baro Debleste pral toute. Oun ap toute vell i doosh!

5. Mose 15:9 Referans Kwoze

5. Mose 24:15

Ap ko emligo diwes dess tu les peskre lowe i budjake, hoi lo tuke budras, glan te djas o kham tele. Job hi tchorwelo, un les hunte well kol lowe djipaske. De len leste, te dell lo gar gole ap o baro Debleste pral tute, un jaake doosh ap tute well.

Mateo 20:15

Me krau nai mire lowentsa, hoi me kamau. Hoske hal tu tchilatcho ap mande, te hom me latcho?

Jakobo 5:9

Mire phrala, ma rakrenn chojemen jek pral o wawareste, te lenn kek phagi o Deblestar! O Dewel, kai rakrell o tchatchepen win pral i menshende, hi kanna glan o wudar tardo.

Jeremia 17:10

Me, o baro Dewel prindjrau o mensheskro dji, un dikau dur dren an kowa, hoi an leste hi, un dau hakeneste pal kowa, hoi job kras.

2. Mose 22:23

Un me taprau sawi bari choli, te dau tumen o chareha temerl, jaake te hi palle tumare djuwjen buder kek rom un tumare tchawen buder kek dades.

Jakobo 5:4

Shunenn! Tumer chochran tumare budepangren, kai budran ap tumaro them, un dan len kek lowe. Kolla denn gole ap o bolepen. Lengri gole shunell o Dewel, ko rai pral o bolepen un i phub.

Mateo 15:19

Dran o mensheskro dji well o tchilatcho koowa, hoi an leskro shero trujel djal. Dran leskro dji well, te dell lo i wawares mulo. Te chochell i mursh peskri romjat, well kowa dran leskro dji. Te chochell i djuwel peskro romes, well kowa dran lakro dji. Dran o dji wella o wi-ladjedo koowa, o tchorepen, o chochepen, un o praassepen.

Gosewe laba 28:22

Koles, kai bok pal i lowe hi, nashell o brawlepen palla, un djinell gar, te well jaake o tchorwlepen pral leste.

Gosewe laba 23:6

Ma cha ko maro, hoi i tchinlo tute dell. Muk tiro dji gar pal leskro latcho chapen te nashell!

Hiob 34:28

Jon djan jaake tchilatches i tchorwelentsa trujel, te dan jon gole ap o Debleste. Un job shunas koi gole kolendar, kai tele rikedo wan.

2. Mose 3:7

Un o baro Dewel penas: “Me dikom har djungelo mire menshenge djala an o them Egiptia. Me shunom lengri gole, har dan i pralstune chale len dawa. Me prindjrau lengre duka.

1. Petro 4:9

Lenn jek o wawares kamles an peskro kheer! Un choirenn tumen gar pral koi budi, hoi tumen hi!

Jakobo 4:17

Koon djinell o latchepen, un krell les gar, kowa anell doosh ap peste.

Jakobo 4:5

O Debleskro lab penell gar tchitcheske: O Debleskro Ducho, kai an mende khere hi, kamell men peske kokres.

Gosewe laba 24:9

Kowa, kai mukell pes tchi te penell, lell peske sawo koowa glan, hoi anell les o Debleskro dromestar tele. Un i menshe dikenn chojedes ap koleste, koles i pre-phurdo dji hi.

Gosewe laba 21:13

Kowa, kai jaake krell, har te shunell lo gar koi gole ko tchorwelestar, leske djala jaake, kai dell job ninna gole un kek shunell les.

Gosewe laba 4:23

De jak ap kowa, hoi patseh dur an tiro dji! Kolestar well o djipen.

Debleskri gili 9:12

Giwenn o baro Debleske, kai ap i berga Zion khere hi! Penenn i menshenge an wawar themma, hoi job lauter kras!

5. Mose 15:1

Hake efta bersha, hunte mukenn tumer koi sijaan, hoi jekes pash tumende hi.

Debleskri gili 12:5

un penenna: “Mer haiwah te rakrell. Maro rakepah ham soreles. Koon hi o pralstuno pral mende?”

Debleskri gili 101:3

Rikrau man pale te krap chocheno koowa, un kamau gar khetne te well kolentsa, kai bango koowa krenn. Sawo koowa kamau gar glan i jaka te dikell.

2. Mose 22:22

Te kreh tu lenge o djipen phares, un jon denn ap mande gole, shunau me len.

5. Mose 31:10

O Mose penas ap lende: “Hake efta bersha, an ko bersh, kai well i sijaan muklo, hunte denn i laba an kau liil win gole glan i tsele Israelitarja. Kowa krenn ap ko tsiro, kai wenn le khetne glan tumaro baro Debleste ap koi platsa, hoi job peske win rodell, an kol bare diwessa, kai djiwenn le an patjengre khera.

Gosewe laba 14:21

Kowa kai ap o wawareste tele dikell, anell doosh ap peste. Bachtelo well kowa, koles i dji i tchorwelenge hi.

Jeremia 34:14

te mukell hakeno peskro ginlo budepaskres te djal, kowa, kai i wawar Israelitari hi, un kai bikras pes leske, un budras leske shob bersha. An o eftato bersh hunte mukas lo les te djal. Tumare phure shunan gar ap mande, un rikran pen gar ap mire laba.