5. Mose 15:6 - O Debleskro Drom 2021 (Sinte)

⁶ Job rikrell peskro lab, hoi lo tumende das, un dell tumen jaake bud, te nai patsenn tumer lowe i menshenge dran wawar themma. Tumer hunte patsenn tumenge kekestar lowe. Tumer wenn i raja pral i menshende an bud wawar themma. Pral tumende well kek wawar them o rai.

O Debleskro Lab 2024 (Sinte-Manouche)

⁶ Yob rikrell peskro lab, hoy lo t'mende das, oun dell t'men yaake boud, te nay patsenn t'mer love i menshenge dran vavar themma. T'mer hounte patsenn t'menge kekestar love. T'mer venn i raya pral i menshende an boud vavar themma. Pral t'mende vell kek vavar them o ray.

5. Mose 15:6 Referans Kwoze

Louka 6:35

Me penau tumenge: Awenn latches kolenge, kai hi tchilatcho ap tumende! Krenn kolenge latchepen! Patsenn tumare lowe win ap kolende, kai tumer gar djinenna, te lenn tumer lendar tchomone pale! Te krenna tumer kowa lauter, palle dell o Dewel tumen peskro brawlepen an o bolepen, un tumer wenn o baro Debleskre tchawe. O Dewel hi ninna latches ap kol menshende, kai tchilatche hi, un kai parkrenn pen gar pash leste.

Gosewe laba 22:7

O brawelo hi o rai pral o tchorweleste. Un kowa, kai patsell peske lowe, hunte budrell koleske, pash koleste job sijaan hi.

Debleskri gili 37:21

O tchilatcho patsell peske lowe, un plaissrell gar pale. Kowa, kai an o tchatchepen tardo hi, krell peskro dji pre un della.

Esra 4:20

Ninna his sorele bare raja an o foro Jerusalem, kai his i raja pral halauter, hoi ap i wawar rig o panjestar Eufrat djiwella, jaake kai was lenge hunte themeskre lowe dino, ninna foreskre lowe un wawar koowa.

Nehemia 9:27

Doleske dal tu len an o wast kolendar, kai lenge i pharo djipen kran. Un har len bari daar his, dan le gole ap tute. Un tu shunal len dran o bolepen, un kral tiro dji lenge pre, un bitchral lenge murshen, kai len win lan dran i tchilatche wasta.

Debleskri gili 112:5

Mishto djal koleske, kai krell peskro dji pre, un patsell i wawaren win, un krell peskro koowa jaake har tchatcho hi.

Debleskri gili 37:26

O tselo tsiro krell job peskro dji pre un patsella, un ap leskre tchawende well o Debleskri bacht diklo.

2. Familjakro liil 9:26

Un job his o baro rai pral i tsele rajende pral i themma mank o baro pani Eufrat un o them, kai i Filistarja djiwan un bis pash o them Egiptia.

5. Mose 28:44

Jon patsenn tumenge lowe, tumer patsenn lenge nai kek lowe. Jon wenn o shero, tumer wenn o pori.

1. Familjakro liil 17:27

Kanna tchip tiri bacht pral mande un mire menshende, te atchenn le glan tute hako tsiro. Ap koneste tu tiri bacht tchiwal, ap koleste atchell tiri bacht tchiddo hako tsireske.”