5. Mose 13:10 - O Debleskro Drom 2021 (Sinte)

¹⁰ Na-a, tu dess les mulo. Tu wess o ersto, kai lell i bar an peskro wast, te witsress ap leste, un pal tute i tsele wawar.

O Debleskro Lab 2024 (Sinte-Manouche)

¹⁰ Na-a, tou dess les moulo. Tou vess o ersto, kay lell i bar an peskro vast, te vitsress ap leste, oun pal toute i tsele vavar.

5. Mose 13:10 Referans Kwoze

Josua 7:25

Un o Josua penas: “Jaake har tu men an i bibacht anal, jaake anell tut o baro Dewel kanna an i bibacht!” Un i tsele Israelitarja hadan barra pre un witsran len ap lende, te meran le. Un palle chatchran le len pre.

2. Familjakro liil 24:21

Koi rakran le pen mank pende tele, te marenn le les, un witsran les i barrentsa mulo ap i glanstuni platsa glan o baro Debleskro kheer. Jaake penas les lenge o baro rai, o Joash.

5. Mose 21:21

Un i tsele mursha dran ko foro hunte witsrenn barra ap leste, bis te hi lo mulo. Jaake witsrenn tumer o tchilatchepen dran tumende win. Un i tsele Israelitarja hunte shunenn kolestar un darenn.

3. Mose 24:23

O Mose penas kowa i Israelenge. Un jon kran jaake, har penas o baro Dewel ap o Moseste, un anan ko murshes, kai o baro Debles praassas, win glan koi platsa, kai i Israelitarja his, un witsran les i barrentsa mulo.

3. Mose 20:27

Hako mursh un haki djuwel, kai durkrell oder putchell i mulen, hunte hidjrell peskri phagi un merell. Tumer hunte witsrenn len mulo i barrentsa.

3. Mose 20:2

Pen ap i Israelitarja: Koon tumendar jek peskre tchawendar o chocheno debleste, o Moloch, das, kowa hunte merell. I tsele menshe hunte witsrenn les i barrentsa mulo. Kowa hi ninna jaake, te krell sau koowa i wi-themari, kai pash tumende djiwell.

2. Mose 20:2

Me, o baro Dewel, hom tiro Dewel, koon tut win las dran o them Egiptia, kai tu i pandlo budepaskro hals.

5. Mose 4:19

Te hadenn tumare jaka pre pash o bolepen un dikenn o kham un o moonto un i tsele bolepangre momlia, ma mukenn tumen kolendar krik te tserdenn, te tchiwenn tumen tele glan lende un mangenn len an. Tumaro baro Dewel das len i menshenge an i wawar themma ap i phub.

5. Mose 13:5

Leske djan palla! Rikrenn les tumenge glan i jaka pash halauter, hoi krenn! Lauter, hoi job penas, krenn! Shunenn ap leste! Mangenn les an! Un rikrenn tumen ap leste!

2. Mose 32:27

Un job penas ap lende: “O baro Dewel, o Dewel pral o Israel, penell tumenge: ‘Lenn hakeno peskro charo, un djan pral koi tseli platsa, kate te kote! Hakeno lell peskro phrales, peskro males, un koles, kai langs leste djiwell, un dell les mulo.’”

5. Mose 17:5

palle lenn ko murshes oder koi djuwjat, un anenn len win glan tumaro foro, un witsrenn barra ap lende bis te hi le mulo.

5. Mose 17:7

Kolla, kai dikan ko djungelo koowa, wenn i glanstune, te witsrenn le barra ap lende. Un pal lende wenn kol wawar, kai glan o foro wan, un witsrenn len mulo. Jaake lenn tumer o tchilatchepen mashkral tumende krik.

2. Rajengro liil 11:18

Palle djan i tsele menshe dran o them Juda an o kheer ko deblestar Baal, un kran kol tsele figure paash, hoi les sikran. Un kol chatchepangre, kai viechen un wawar koowa leske chatchedo wan, phagan le tele. Un glan kol chatchepangre maran le leskro rashajes, o Mattan. Un o rashai Jojada bitchras klisten, te denn le jak ap o baro Debleskro kheer.