5. Mose 12:7 - O Debleskro Drom 2021 (Sinte)

⁷ Un tumer un tumare familje chan i chapen kote glan tumaro baro Debleste, un awenn bachtelo pral halauter, hoi tumenge khetne anan, ap koleste tumaro baro Dewel peskri bacht tchiwas.

O Debleskro Lab 2024 (Sinte-Manouche)

⁷ Oun t'mer oun t'mare familye rhan i rhapen kote glan t'maro baro Debleste, oun avenn barhtelo pral halauter, hoy t'menge khetne anan, ap koleste t'maro baro Devel peskri barht čivas.

5. Mose 12:7 Referans Kwoze

5. Mose 12:18

Kowa well anlo glan tumaro baro Debleste ap koi platsa, hoi job peske win rodell. Kote chan tumer les, tumer un tumare tchawe un tcha, un tumare budepangre, mursha har djuwja, un i Levitarja, kai pash tumende djiwenn. Awenn bachtelo glan tumaro Debleste pral halauter, hoi tumare wastentsa khetne lan.

5. Mose 14:26

un gin tuke halauter, hoi tiro dji kamell: grumja, bakre, mool un wawar sorelo pipen, oder wawar koowa, hoi tiro dji kamell, un cha kote glan tiro baro Debleste! Un ab bachtelo, tu un tiri familja un tire budepangre,

3. Mose 23:40

Ap o ersto diwes lenn shukar rukengre, hoi ap i ruka bares wan, ninna palmtikre patria, pappeltikre kashta pengre patjentsa un wawar kashta bud patjentsa, un awenn efta diwessa bachteles glan tumaro baro Debleste.

5. Mose 12:12

Kote glan tumaro baro Debleste awenn bachteles, tumer un tumare tchawe un tcha un tumare budepangre, mursha un djuwja, ninna i Levitarja, kai djiwenn an tumare forja, kolen kek them mank tumende hi.

Filiparja 4:4

Awenn bachtelo hako tsiro! Tumari bacht well o Jesusestar, maro rajestar. Awa, awenn bachtelo!

5. Mose 27:7

un wawar, kolengro rat leske win tchoredo well, un kolengro mass tumer khetne chan, un bachteles han glan leste.

5. Mose 15:20

Glan tiro baro Debleste chas len tu un tiro tselo kheer hako bersh ap koi platsa, hoi o baro Dewel peske win rodell.

5. Mose 14:23

An ko deshto kotar tiro djobestar, tiri moljatar un tiro djetestar glan tiro baro Debleste ap koi platsa, hoi job peske win rodella, te well lo kote an-mangedo. An leske ninna kol grumja, bakre un busja, kai hi o phureder lengre dajendar. Cha kote ko chapen un ko mass kal viechendar. Jaake bistreh gar, te djiwess tiro baro Debleha tiro tselo djipen.

Bičepangre 2:46

Hako diwes wan le khetne an o Debleskro baro kheer. Jon chan o maro khetne an i khera. Un jon his bachtelo, te dan jon nai i phralen ninna te chal. Kowa kran le o djijestar.

Maleachi 2:13

Koi hi gomme i wawar koowa, hoi tumer kran: Te wenn tumer glan o baro Debleste, un o baro Dewel dikell gar latches ap kowa, hoi leske anenna, un kamell tchi dran tumare wasta te lell, palle rowenn tumer un denn gole, un tumare swa tchakrenn leskri chatchepaskri.

Jesaja 23:18

Un kol lowe, hoi le dren lenn, well o baro Debleste dino. Kol lowe well gar khetne anlo an i brawlepaskro kheer. Na-a, kol lowe lenn kolla, kai pash o baro Debleskro kheer djiwenn, te well len doha chapaske un latche koola an-ripaske.

5. Mose 26:11

Ab bachtelo pral ko tselo latcho koowa, hoi job tut un tiri familja das. De ninna kolestar kol Levitarjen un kol wi-themarjen, kai mank tumende hi.

5. Mose 12:8

Ma krenn jaake, har mer kau diwes kate krah, kai hakeno krell, har an leskre jaka mishto hi.

5. Mose 28:47

Tumaro baro Dewel das tumen bud latcho koowa, awa, budeder har doha lauterestar. Un tumer hans gar leske koi i bachtelo djijeha.

Nehemia 8:9

Un i tsele menshe rowan, har shunan le kol laba, hoi an o Moseskro liil tardo his. Un o Nehemia, kowa his o moskro pral o foro Jerusalem, un o rashai Esra, kowa his o sikepaskro, un kol Levitarja, kai i menshenge penan, hoi o Debleskro lab kamell te penell, kolla penan ap lauterende: “Kau diwes hi i baro diwes o baro Debleske, kai tumaro Dewel hi. Doleske mukenn tumare djia gar phares te well! Un ma rowenn!”

Sikepaskro 3:12

Doleske penom mange: Tchi hi feteder o mensheske, har te djiwals lo i shukar djipen un hi bachtelo koi pashel.

Sikepaskro 3:13

Jaake nai penah: Mer te chas, pijas un budras i bachtelo djijeha. Kowa lauter well men o Deblestar.

Sikepaskro 5:18

Te dell o Dewel i menshes brawlepen un latcho kowa, te nai chal lo un pijella, un te nai mukell lo peske mishto te djal, un leskro dji sal pral halauter, hoi leske dran peskri phari budi was, palle hi kowa tchomone, hoi o Deblestar was.

Joel 1:16

Mare jakentsa dikam, har maro chapen krik lino was, un gipen un khelepen dran maro Debleskro kheer.

Joel 2:26

Tumen well doha chapaske, un tumer sharenn o baro Debles, kai tumaro Dewel hi, un kras bud sorelo koowa mank tumende. Un tumer, mire menshe, wenn buder gar praassedo.

1. Familjakro liil 29:22

Un jon chan un pijan ap ko diwes glan o baro Debleste. Un o duito kopo kharan le win, kai o Davideskro tchawo, o Salomo, o baro rai hi. Un jon tchoran djet ap leskro shero, te well job o baro Debleske koi. Ninna tchoran le djet ap o shero o murshestar Zadok, te well job o rashai.

Jesaja 62:9

Awa, kolla, kai o djob dren anan, kolla chan les ninna un sharenn o baro Debles. Un kolla, kai i drake dren anan, kolla pijenn ninna i mool lendar ap i platse glan miro kheer.

Ezekiel 44:3

Kokres o rai pral Israel nai djal dren, un beshell koi, un chal kote glan mande peskro kotar kolestar, hoi mange, o baro Debleske anlo was. Te well lo kote, hunte djal lo an i wudareskri halla dren un ninna kote pale win.