5. Mose 12:12 - O Debleskro Drom 2021 (Sinte)

¹² Kote glan tumaro baro Debleste awenn bachteles, tumer un tumare tchawe un tcha un tumare budepangre, mursha un djuwja, ninna i Levitarja, kai djiwenn an tumare forja, kolen kek them mank tumende hi.

O Debleskro Lab 2024 (Sinte-Manouche)

¹² Kote glan t'maro baro Debleste avenn barhteles, t'mer oun t'mare čave oun ča oun t'mare boudepangre, morsha oun djouvya, ninna i Levitarya, kay djivenn an t'mare forya, kolen kek them mank t'mende hi.

5. Mose 12:12 Referans Kwoze

5. Mose 12:7

Un tumer un tumare familje chan i chapen kote glan tumaro baro Debleste, un awenn bachtelo pral halauter, hoi tumenge khetne anan, ap koleste tumaro baro Dewel peskri bacht tchiwas.

5. Mose 26:12

Hako triinto bersh aness tu o deshto kotar khetne halauterestar, hoi ap tiri phub bares was. Un tu dess les i Levitarjen un i wi-themarjen un kol tchawen, kolen kek dad buder hi, un kol romjen, kolengro rom meras, te well jon ninna doha chapaske an tiro foro.

5. Mose 10:9

Doleske well i Levitarjen kek them har lengre phralen. Kowa hoi jon lenna, well dran lengri budi o baro Debleske. Kowa penas lenge tumaro baro Dewel.

5. Mose 14:29

Palle nai wenn i Levitarja, kolen kek phub hi, kai an tiro foro djiwenn, ninna i wi-themarja, i tchawe, kolen kek dad buder hi, un i djuwja, kolengro rom meras, un jon te chan un wenn tchales. Te krenn tumer jaake, tchiwell tumaro baro Dewel peskri bacht ap halauter, hoi krenna.

5. Mose 12:19

Ma bistrenn i Levitarjen un denn lende, hoi len hunte well, jaake rah har an tumaro them djiwenn.

Debleskri gili 147:1

Halleluja! Sharenn o baro Debles! Latcho hi, te giwas gilja maro Debleske! Shukar un mishto hi, te bashras leske.

2. Familjakro liil 29:36

O Hiskija un i tsele Israelitarja his bachtelo pral kowa, kai mukas o baro Dewel peskre menshen kawa lauter te krell. Kek patsas, kai kowa jaake sik wella.

1. Rajengro liil 8:66

Un o wawar diwes mukas o Salomo i menshen khere te djal. Un jon parkran pen pash leste un djan bachteles khere. Lengro dji giwas pral ko tselo latchepen, hoi kras o baro Dewel ap leskro budepaskro, o Davideste, un ap peskre menshende Israel.

Josua 14:4

Hakeno o Josefeskre dui tchawendar was jek bari familja: o kheer Manasse un o kheer Efrajim. Un o kheer Levi las kek kotar them, kokres forja, kai le dren djiwenn, un koi phub, kai lengre vieche chan.

Josua 13:33

I menshenge dran o kheer Levi was kek kotar them dino. Kowa, hoi len hunte well djipaske, well lengro baro Deblestar, kai o Israeleskro Dewel hi. Jaake penas lo lenge.

4. Mose 18:20

Un o baro Dewel penas ap o Aroneste: Ap ko tsiro, kai wenn i Israelitarja an lengro them, leh tu kek kotar phub, hoi djal o dadestar ap o tchaweste dureder, jaake har kowa i wawar Israelitarja lenna. Me hom tiro, un hom tiro brawlepen.

Josua 13:14

I menshenge dran o kheer Levi was kek kotar them dino. Jon lenn pengro kotar kol viechendar, hoi i Israelitarja o baro Debleske anenna, kai o Israeleskro Dewel hi. Jaake well kowa, hoi i Levitarjen hunte well djipaske, o baro Deblestar. Jaake penas lo les lenge.

4. Mose 18:26

Pen ap i Levitarja: Te anenn tumen i Israelitarja o deshto kotar kolestar, hoi ap lengre hachetikri phub bares was, – kowa hi, hoi dau tumenge, – palle hunte denn tumer kolestar mande ninna o deshto kotar.

5. Mose 18:6

Te kamell i Levitari ko foro te mukell, kai djiwell lo an Israel, un kamell ap koi platsa te djal, hoi o baro Dewel peske wi-rodell,

5. Mose 16:14

chan un awenn bachtelo, tumer un tumare tchawe un tcha, tumare budepangre un i Levitarja un wi-themarja, kai pash tumende djiwenn, ninna i tchawe, kolen kek dad buder hi, un kol djuwja, kolengro rom meras.

Johanni 13:8

Penas o Petro ap leste: “An kek tsiro kamau me, te thowess mire pire!” “Te thowau tut gar,” penas o Jesus, “hal tu gar miro.”

Bičepangre 8:21

Kau koowa, hoi mer krah, hi o Debleskro koowa un gar tiro koowa. Tiro dji hi gar tchatcho glan o Debleste.

5. Mose 12:18

Kowa well anlo glan tumaro baro Debleste ap koi platsa, hoi job peske win rodell. Kote chan tumer les, tumer un tumare tchawe un tcha, un tumare budepangre, mursha har djuwja, un i Levitarja, kai pash tumende djiwenn. Awenn bachtelo glan tumaro Debleste pral halauter, hoi tumare wastentsa khetne lan.

5. Mose 26:11

Ab bachtelo pral ko tselo latcho koowa, hoi job tut un tiri familja das. De ninna kolestar kol Levitarjen un kol wi-themarjen, kai mank tumende hi.

Nehemia 8:9

Un i tsele menshe rowan, har shunan le kol laba, hoi an o Moseskro liil tardo his. Un o Nehemia, kowa his o moskro pral o foro Jerusalem, un o rashai Esra, kowa his o sikepaskro, un kol Levitarja, kai i menshenge penan, hoi o Debleskro lab kamell te penell, kolla penan ap lauterende: “Kau diwes hi i baro diwes o baro Debleske, kai tumaro Dewel hi. Doleske mukenn tumare djia gar phares te well! Un ma rowenn!”

3. Mose 23:40

Ap o ersto diwes lenn shukar rukengre, hoi ap i ruka bares wan, ninna palmtikre patria, pappeltikre kashta pengre patjentsa un wawar kashta bud patjentsa, un awenn efta diwessa bachteles glan tumaro baro Debleste.

5. Mose 27:7

un wawar, kolengro rat leske win tchoredo well, un kolengro mass tumer khetne chan, un bachteles han glan leste.