5. Mose 11:23 - O Debleskro Drom 2021 (Sinte)

²³ palle tradell o baro Dewel i menshen dran kal tsele themma glan tumende win. Un tumer lenn i themma sawe menshendar tumenge dren, kai hi budeder un sorleder har tumer.

O Debleskro Lab 2024 (Sinte-Manouche)

²³ palle tradell o baro Devel i menshen dran kal tsele themma glan t'mende vin. Oun t'mer lenn i themma save menshendar t'menge dren, kay hi boudeder oun zorleder har t'mer.

5. Mose 11:23 Referans Kwoze

5. Mose 4:38

un tradas menshen win dran lengre themma glan tumende, natsjone, kai bareder un sorleder hi har tumer, te dell lo tumende lengro them, jaake har kowa kanna hi.

5. Mose 9:1

Shunenn, tumer menshe Israel! Tumer djan kau diwes pral o pani Jordan, te lenn themma tumenge dren kol menshendar, kai hi bareder un sorleder har tumer. Lengre forja hi bares, un bare massurja djan trul lende pre an o bolepen.

5. Mose 9:5

Hi gar doleske, te wans latche menshe un tumen wals i djudjo dji, te wenn tumer an ko them, te lenn les tumenge dren. Na-a, tumaro baro Dewel tradell kol menshen win ko tchilatchepaske, hoi le kran, te rikrell job koi sowel dren, hoi lo tumare phurende, o Abrahames un o Isaakes un o Jakobes, das.

2. Mose 34:11

Me tradau kol Amorarja, Kanaanitarja, Hetarja, Perisarja, Hiwarja un Jebusarja dran lengro them un dau les tumende. Rikrenn kal laba, hoi me penau tumenge kau diwes!

Josua 23:9

O baro Dewel tradas bare un sorele natsjone glan tumende win. Kek nai stakras glan tumende pre, un nai was sorleder har tumer, bis ap kau diwes.