5. Mose 11:21 - O Debleskro Drom 2021 (Sinte)

²¹ Palle atchenn tumer an kau them, kolestar tumaro baro Dewel glan tumare phurende pes sowel das, te dell lo les tumende, un djiwenn kote jaake rah har o bolepen pral i phub hi.

O Debleskro Lab 2024 (Sinte-Manouche)

²¹ Palle ačenn t'mer an kava them, kolestar t'maro baro Devel glan t'mare phourende pes sovel das, te dell lo les t'mende, oun djivenn kote yaake rah har o bolepen pral i phoub hi.

5. Mose 11:21 Referans Kwoze

Gosewe laba 4:10

Shun miro tchawo, un de jak ap miro rakepen, jaake te djiwess i lengsto djipen.

Gosewe laba 3:2

Jaake well tut i lengsto djipen, un tire djipaskre bersha wenn pherdo latchepen.

Gosewe laba 9:11

Me, o goswepen, dau tut i lengsto djipen, krau, te djiweh bud bersha.

Debleskri gili 72:5

Muk les te djiwell jaake rah har o kham un o tchon ap o bolepen hi, un jaake rah har menshe ap i phub hi!

5. Mose 4:40

Denn jak ap kowa, hoi job tumendar kamella, un djiwenn pal leskre laba, hoi tumenge kau diwes penau. Palle djal mishto tumenge un tumare tchawenge pal tumende, un tumer djiwenn i rah tsiro an kau them, hoi tumaro baro Dewel tumenge della, te atchell les tumenge hako tsireske.

Debleskro tsiro 20:6

Bachtele hi kolla, kai hi mank kolende, kai wenn glanstunes i mulendar djido. Jon hi o Debleskre menshe, un merenn gar o duito kopo. Jon hi i rashaja o baro Deblestar un o Jesus Kristestar. Un khetne leha hi le raja pral lauter jek sero bersh.

Jesaja 65:20

Un kote dell buder kek ternepen, kai gar bud diwessa phuro well, un kek phuro, kai merell glan peskro tsiro. O terneder lendar well sheel bersh phuro. Un kowa, kai merell un his kek sheel bersh phuro, kolestar penenn le, te was pral leste i bibacht win rakedo.

Gosewe laba 3:16

An peskro tchatcho wast, rikrell o goswepen i lengsto djipen tuke, peskro serwo wasteha dell lo tut brawlepen un railepen.

5. Mose 5:16

Dik ap tiro dadeste un ap tiri date, te djal lenge mishto. Jaake djiweh i rah djipen an ko them, hoi tut tiro baro Dewel della.

5. Mose 6:2

jaake te rikrenn tumaro baro Debles glan i jaka tumaro tselo djipen, un denn jak ap halauter, hoi lo tumendar kamella, ap leskre tsele laba, hoi me tumenge penau, te rikrenn tumen ap lende, tumer un tumare tchawe un tchawengre tchawe. Jaake djiwenn tumer i rah tsiro an tumaro them.

5. Mose 11:9

Un tumer djiwenn i rah tsiro an ko latcho un brawelo them, hoi o baro Dewel pes glan tumare phurende sowel das, te dell lo les lende un lengre tchawende pal lende.

Debleskri gili 89:30

Hako tsiro well jek leskre tchawendar, kai pal leste wenna, o baro rai pral o them, jaake rah har o bolepen koi hi.