5. Mose 10:19 - O Debleskro Drom 2021 (Sinte)

¹⁹ Tumer hans ninna wi-themarja an o them Egiptia. Doleske hunte kamenn tumer i wi-themarjen ninna o tselo djijestar.

O Debleskro Lab 2024 (Sinte-Manouche)

¹⁹ T'mer hans ninna vi-themarya an o them Egiptia. Doleske hounte kamenn t'mer i vi-themaryen ninna o tselo djiyestar.

5. Mose 10:19 Referans Kwoze

2. Mose 22:21

Ma krenn o djipen i djuwjenge phares, kolenge o rom meras! Ma krenn o djipen i tchawenge phares, kolen kek dad buder hi!

Galatarja 6:10

Doleske kras latcho koowa jaake bud, har krah nai, hake menshenge, budeder kol patslenge.

Louka 17:18

Hi kek wawar koi, kai was pale pale, te sharell lo o Debles har kau Samaritari?”

Louka 6:35

Me penau tumenge: Awenn latches kolenge, kai hi tchilatcho ap tumende! Krenn kolenge latchepen! Patsenn tumare lowe win ap kolende, kai tumer gar djinenna, te lenn tumer lendar tchomone pale! Te krenna tumer kowa lauter, palle dell o Dewel tumen peskro brawlepen an o bolepen, un tumer wenn o baro Debleskre tchawe. O Dewel hi ninna latches ap kol menshende, kai tchilatche hi, un kai parkrenn pen gar pash leste.

5. Mose 23:7

Ma rodenn koi pal, te djal kol menshenge mishto an i themma Moab un Ammon, un te wenn le brawelo.

Ezekiel 47:22

Kau them hi tumare familjenge, un well o dadestar ap o tchaweste dureder dino. Te witsrenn tumer kashta, hoi sikrenn, koon hawo kotar them lella, palle bistrenn gar kol wi-themarjen, kai mank tumende djiwenn, un kolenge pash tumende tchawe boldo wan! Jon hunte wenn tumenge har jek fun tumendar Israelitarja. Un khetne tumentsa lenn le pengro kotar them, un kowa atchell an lengre familje.

Ezekiel 47:23

Un hakeno lendar lell peskro kotar them pash ko Jakobeskro tchaweste, kai job djiwell. Kawa penell o baro Dewel, maro rai.

5. Mose 23:8

I Edomarjen tchiwenn gar pale! Jon hi tumare phrala. Witar gar tchiwenn i Egiptarjen pale. An lengro them djiwan i rah tsiro.