5. Mose 1:29 - O Debleskro Drom 2021 (Sinte)

²⁹ Kote penom me ap tumende: “Ma mukenn tumenge daar te krell un ma trashenn lendar!

O Debleskro Lab 2024 (Sinte-Manouche)

²⁹ Kote penom me ap t'mende: “Ma moukenn t'menge daar te krell oun ma trashenn lendar!

5. Mose 1:29 Referans Kwoze

4. Mose 14:9

Ma perenn o baro Deblestar tele, un trashenn gar kol menshendar an ko them! Mer kamah len pre te chal har maro. Lengro dewel, kai das jak ap lende, mukas len. O baro Dewel hi mentsa. Ma trashenn lendar!”

5. Mose 1:28

Kai djas koi? Mare phrala kran mare djia darenes, har penan le ap mende: Kolla menshe hi sorleder un bareder har mer, lengre forja hi baro un lengre massurja djan pre bis pash o bolepen. Un ninna dikam mer o Anakarja kote!’

5. Mose 1:30

Tumaro baro Dewel djal glan tumende win un kurell pes tumenge, jaake har lo glan tumare jaka an o them Egiptia tumenge kras.

5. Mose 31:6

Awenn soreles un ma trashenn! Ma darenn tchi un trashenn kekestar! Tumaro baro Dewel hi kowa, kai djal tumentsa. Job atchell pash tumende un mukell tumen gar kokres.

Nehemia 4:14

Tumer te shunenn koi phurdepaskri, djan koi un awenn kote mentsa khetne. Un maro Dewel kurell pes menge.”

5. Mose 7:18

Palle ma darenn lendar! Ma bistrenn, hoi tumaro baro Dewel ap o Farao un ap i tsele Egiptarja kras.

5. Mose 20:1

Te djan tumer win an o kurepen, te kurenn tumen kolentsa, kai kamenn tumen gar an o them, un tumer dikenn lengre graja un kurepaskre wurdja un lengre lurden, kai hi bud budeder har tumer, palle ma darenn lendar! Tumaro baro Dewel hi tumentsa, kowa kai tumen dran o them Egiptia win anas.

2. Familjakro liil 20:15

Un o Jahasijel penas: “Shunenn mishto, menshale dran o them Juda un dran o foro Jerusalem, un tu, baro rai Josafat! Kawa penell o baro Dewel tumenge: Ma darenn, un denn gar tiknes palla glan kol bud lurdende, kolen tumer dikenna! Kau kurepen hi gar tumaro kurepen, o Debleskro kurepen hi.

Nehemia 4:8

Un har lengri daar dikom, djom pash lende un penom ap i pralstunende un ap i tchatchepangre murshende un ap i tsele murshende: “Ma darenn lendar! Dikenn ap o Debleste, kai hi baro un jaake sorelo, te darell hunte hakeno lestar! Un djan an o kurepen tumare phralenge, un tumare tchawenge un tchenge, tumare romjenge un tumare kherenge!”