Biblia Todo Logo
Bib sou entènèt

- Piblisite -




5. Mose 1:1 - O Debleskro Drom 2021 (Sinte)

1 Kalla hi i laba, hoi o Mose ap i tsele Israelitarja penas, har his le an o mulo tato them ap i wawar rig o panjestar Jordan, an ko telstuno kotar them pash Suf mashkral o foro Paran ap jek rig un kol forja Tofel, Laban, Hazerot un Di-Sahab ap i wawar rig.

Gade chapit la Kopi

O Debleskro Lab 2024 (Sinte-Manouche)

1 Kalla hi i laba, hoy o Mose ap i tsele Israelitarya penas, har his le an o moulo tato them ap i vavar rig o panyestar Yordan, an ko telstouno kotar them pash Souf mashkral o foro Paran ap yek rig oun kol forya Tofel, Laban, Hazerot oun Di-Sahab ap i vavar rig.

Gade chapit la Kopi




5. Mose 1:1
29 Referans Kwoze  

Un o Samuel meras, un o tselo Israel was khetne un rowas kote pral leste. Un palle paskran le les an o foro Rama, kai lo khere his. Pal kowa djas o David an o mulo them Paran.


O Mose das o paash kol menshendar dran o kheer Manasse o them Bashan, te well lo lengro. Ko wawar paash das o Josua lengro them mank lengre phralende ap koi rig o panjestar Jordan, kai o kham tele djal. Un har mukas o Josua kolen te djal, kai ap i wawar rig o panjestar Jordan khere hi, un o Debleskri bacht pral lende win rakras,


Kanna kras tumaro baro Dewel, te nai lan tumare phralen lengro them ninna dren, un jon nai djiwenn kote an o latchepen, jaake har lo kowa lenge penas. Doleske rissrenn kanna trujel, un djan pash tumare plachtene khera an ko them, hoi tumenge dino was, te well lo tumenge – ko them, hoi das tumen o Mose, koles o baro Debleskro tchatcho wast his, ap i wawar rig o panjestar Jordan.


un ninna halauter, hoi job kol dui bare rajentsa pral i Amorarja kras, kai ap i wawar rig o panjestar Jordan djiwan, ko rajeha Sihon, ko baro rajeha pral o foro Heshbon, un ko rajeha Og, ko baro rajeha pral o them Bashan, koon an o foro Astarot djiwas.


Un kowa, hoi i Israelitarja kran, shunan i tsele bare raja, hoi ap i wawar rig o panjestar Jordan djiwan, an o pralstuno them un ninna an o telstuno them un pash o Baro Pani bis pash i berge Libanon. Kal bare raja his i raja pral o them Het, pral o them Amor, pral o them Kanaan, pral o them Peris, pral them Hiw un pral o them Jebus.


O baro Dewel was un rakras mentsa pash i berga Sinai. Job was jaake har o kham pre djal pral i berge Seir. Mer dikam leskro railepen har hams pash i berga Paran. Khetne leha wan bud serja bolepangre. Ap leskri tchatchi rig his i jag.


triin ap kai rig o panjestar Jordan, un triin an o them Kanaan.


Mer lah mare chare un djah glan o baro Debleste an o them Kanaan, te las maro kotar them kate ap kai rig o panjestar Jordan.”


Mer kamah gar lentsa i kotar them te lell ap i wawar rig o panjestar Jordan. Maro them lah ap kai rig o panjestar Jordan, kai o kham pre djal.”


Te hal menge latcho, de men kau them, te hunte djas mer gar pral o pani Jordan.”


Un o Mose kras jaake har o baro Dewel leske penas, un rodas deesh-te-dui murshen win, kai pralstune hi mank i Israelitarja, un bitchras len dran o mulo tato them Paran an o them Kanaan.


djan le dureder, mukan Hazerot pal pende, un djiwan an o mulo tato them Paran.


Un jon mukan Kibrot-Taawa pal pende un djan dureder an Hazerot, un jon atchan kote.


Un kol Israelitarja djan dran ko mulo tato them Sinai. Un koi wolka djas glan lende un atchas tardo an ko mulo tato them Paran.


Un job djiwas an ko mulo tato them, hoi kharella ‘Paran’. Un leskri dai las leske i romni dran o them Egiptia.


Un wan pash o Mose un o Aron un pash kol tsele Israelitarja, kai atchan an o mulo tato them Paran pash i panjeskro kotar them, hoi kharella Kadesh. Un jon penan lenge kowa, hoi jon dikan, un sikran lende kol drake, phabja un faige dran ko them.


O Dewel well dran o them Teman, dran kol berge, hoi kharenn Paran. O bolepen hi pherdo leskro railepen. Un ap i tseli phub sharenn les i menshe.


Jaake djam dureder un mukam mare phralen pal mende, kol menshen, kai wan o Esaestar, un djiwenn ap i berge Seir. Un mer mukam o drom, hoi djal dran i forja Elat un i Ezjon-Geber an i tala Jordan bis pash o Mulo Baro Pani, un rissram un lam o drom, hoi djal an o mulo tato them Moab.


An ko tsiro his le ap koi rig o panjestar Jordan, kai o kham pre djal, wergel o foro Bet-Peor an o them, kai his o Sihon o rai pral i Amorarja. Kowa djiwas an o foro Heshbon. Koles maran o Mose un i Israelitarja, har djan le dran o them Egiptia win.


atchas o pani, hoi pralstunes lendar his, tardo har i kheer dur pral pash o foro Adam, hoi pash Zaretan tchiddo hi. Un ko pani, hoi telstunes lendar his un tele an o Londo Baro Pani nashell, kowa nashas buder gar pal un djas krik. Un jaake nai djan i tsele menshe ap i wawar rig, pash ko foro Jericho.


Un jon wan an o them Midian, un djan dureder an o mulo them Paran. Un dran Paran lan le murshen pentsa, un wan an o them Egiptia pash o Farao, ko rai pral Egiptia. Kowa das o Hadadeste i kheer, chapen un i kotar phub.


Un o Mose das i tsele menshen Israel khetne gole, un penas ap lende: Shun Israel kowa, hoi o baro Dewel kamell tumendar, leskre tsele tchatchepaskre laba, hoi kau diwes glan tumare kanna penom. Rikrenn len an o shero, un denn jak ap lende, un djiwenn pal lende!


Un o Mose khetne i phureder murshentsa dran Israel penas ap i Israelitarja: Denn jak ap i tsele laba, hoi me tumenge kau diwes penom!


Un o Mose mukas i tsele Israelitarjen gole te dell, un penas ap lende: Tumer dikan halauter, hoi o baro Dewel glan tumare jaka kras an o them Egiptia, ap o Faraeste un ap leskre bare murshende, un ap o tselo them:


O Mose rakras pale i Israelentsa un penas kal laba:


Swiv nou:

Piblisite


Piblisite