4. Mose 6:3 - O Debleskro Drom 2021 (Sinte)

³ palle hunte pijell kowa kek mool un soreli chatchedi, witar kek wawar pipen, hoi dran drake kerdo was. Job hunte chal witar kek drake, kek, hoi pesso hi, witar kek, hoi truk hi.

O Debleskro Lab 2024 (Sinte-Manouche)

³ palle hounte piyell kova kek mool oun zoreli rhačedi, vitar kek vavar pipen, hoy dran drake kerdo vas. Yob hounte rhal vitar kek drake, kek, hoy pesso hi, vitar kek, hoy trouk hi.

4. Mose 6:3 Referans Kwoze

Louka 1:15

Un job wella bares glan o Debleskre jaka. Mool un wawar sorelo pipen pijell job gar. Un har job gomme gar boldo hi, hi lo pherdo Debleskro Ducho.

1. Timoteo 5:23

Tu te pijeh pani, palle tchore ninna mool dren! Kowa hi mishto tiro pereske. Tu hal jaake bud nasselo.

Efesarja 5:18

Ma pijenn jaake bud mool, te wenn mato! Te han mato, palle krenn tumer hako dinelo koowa. Mukenn o Debleskro Ducho o rai an tumende te well, un wenn pherdo lestar!

Amos 2:12

Un hoi krenn tumer: Tumer denn kolen mool te pijell, kai mange koi hi! Un ap mire rakepangre penenn tumer: Ma rakrenn an o Debleskro lab!

Čačepangre 13:14

Lauterestar, hoi ap o drakengro ruk bares was, chal li tchi. Un mool un sorelo pipen pijell joi gar. Un pale-tchiddo chapen chal li gar. Kawa lauter, hoi lake penom, hunte rikrell li.”

3. Mose 10:9

“Tu un tire mursh tchawe, ma pijenn mool un sorelo pipen, te kamenn an miro kheer te djal, te hunte merenn gar. Ap kowa hunte rikrenn tumen un tumare tchawe kanna un hako tsiro.

1. Tessalonikarja 5:22

Rikrenn tumen pale dran hako tchilatcho koowa!

Louka 21:34

“Denn garda, te well tumaro dji gar pherdo phubjakro koowa, jaake te bistrenn o Debles! Pijenn tumen gar mato! Ma darenn tumaro djipaske! Denn jak, te well ko diwes gar ap jek kopo ap tumende jaake, te han tumer tapedo!

Hebrearja 9:10

Ninna rikrenn pen i menshe ap laba, kai penenna, hoi te chan le gar, un hoi te pijenn le gar, un har te thowenn le pen. Kol laba hi menshengre laba. Kowa lauter his mishto jaake rah, har sikras len o Dewel gomme gar o feteder drom, te nai wenn jon pash leste.

4. Mose 6:4

Jaake rah har job koi sowel das, hunte chal job tchi, hoi i drakengro rukestar wella, witar kek drake, hoi jalo hi, witar kek, hoi pral o tsiro ap o ruk hi.

Čačepangre 13:4

De jak, un ma pi mool, witar kek wawar sorelo pipen! Un ma cha tchomone, hoi pale-tchiddo hi!

Amos 2:11

Tumare mursh tchawendar rodom sawen win, kai wan mire rakepangre. Un tumare terne murshendar rodom mange murshen win, kai mange kokres koi hi. Tumer Israelitarja, penenn mange: Hi kowa gar jaake? penell o baro Dewel.