4. Mose 4:23 - O Debleskro Drom 2021 (Sinte)

²³ Le halauter kolen, kai mank trijanda un paash-sheel bersha phuro hi. Un de lauteren, kai wenn budepaske lengre budi ap o Debleskro kheer.

O Debleskro Lab 2024 (Sinte-Manouche)

²³ Le halauter kolen, kay mank triyanda oun paash-sheel bersha phouro hi. Oun de lauteren, kay venn boudepaske lengre boudi ap o Debleskro kheer.

4. Mose 4:23 Referans Kwoze

4. Mose 4:3

Le kokres kolen, hoi mank trijanda un paash-sheel bersha phuro hi, halauter kolen, kai nai wenn budepaske ap o Debleskro kheer.

2. Timoteo 4:7

Me budrom phares o Jesuseske un dom miro patsepen gar pre. Me nashom jaake ap o Jesuseskro drom, har te woms i naashepaskro, kai nashell i rah drom. Kanna nashom o tselo drom.

1. Timoteo 1:18

Miro tchawo Timoteo, kowa penau tuke, te rikress tu kowa an tiro dji. Ma biste kol laba, hoi glan i tsiro pral tute glan-wi penlo wan! Kolla laba denn tut i soor, te mukess gar tele te krell o Debleskri budi, jaake har i latcho kurepaskro gar pre dell an o kurepen.

Galatarja 5:24

Kolla, kai djiwenn o Jesus Kristeha, kolla anan ko tsele tchilatcho koowa, hoi jon kran, pash o Jesuseste. Un kanna penenn le ‘na-a’ ap o djungelo koowa, hoi kamell an lengro dji te well.

Galatarja 5:17

Kowa, hoi an mende hi, kamell gar kowa, hoi o Debleskro Ducho kamella. Un kowa, hoi o Debleskro Ducho kamella, hi gar kowa, hoi an mende hi. Kol dui sorja tchingrenn pen jaake, kai nai krenn tumer gar ko latchepen, hoi kamenn tumer te krell.

2. Korintarja 6:7

Mer penah i menshenge o Debleskro tchatchepen un rakrah dran leskri soor. Kowa, hoi krah un rakrah, hi tchatcho. Jaake hi maro djipen un maro rakepen har i charo, koleha i kurepaskro kurell pes peskro rajeske.

1. Korintarja 9:7

Kek tserdella an o kurepen un plaissrell pes kokres. Kek tchiwell i drakengre ruka an i phub, un chal gar i drake. Kek dell peskre bakren senlepen te chal, un pijell gar lengro thud.

1. Familjakro liil 23:27

I tsiro pal kowa, glan peskro merepen, penas o David, te wenn kol Levitarja pre tchinlo an i liil, kai hi biish bersh un phureder.

1. Familjakro liil 23:24

Kolla hi i tchawe o murshestar Levi, kai his biish bersh un phureder. Lengre laba his pre tchinlo pal lengre familjende, kolengre pralstune jon his. Jon wan win rodedo, te krenn le i budi an o baro Debleskro kheer.

1. Familjakro liil 23:3

Un job mukas pal te dikell, har bud mursha mank i Levitarjen his, kai hi trijanda bersha un phureder. Un kolla his khetne 38.000 (trijanda-te-ochta serja) mursha.

4. Mose 4:22

Tchin ninna i laba kol murshendar an i liil, kai wenna pal o Gershon! Tchin pre dran hawi familja hakeno wella, un koon leskro dad hi.

4. Mose 4:24

Kaja hi koi budi, hoi kol Gershonarja hunte krenna:

4. Mose 8:25

Te wenn jon paash-sheel bersh, hunte budrenn le buder gar.