4. Mose 34:12 - O Debleskro Drom 2021 (Sinte)

¹² un dureder tele bis pash o pani Jordan un bis pash o Londo Baro Pani. Kowa hi tumaro them peskre rigjentsa koi trujel.

O Debleskro Lab 2024 (Sinte-Manouche)

¹² oun doureder tele bis pash o pani Yordan oun bis pash o Londo Baro Pani. Kova hi t'maro them peskre rigyentsa koy trouyel.

4. Mose 34:12 Referans Kwoze

4. Mose 34:3

Ap i tchatchi rig djal tumaro them bis pash o mulo them Zin un bis pash o them Edom. I tchatchi rig djal fun o Londo Baro Pani, kotar, kai o kham pre djal,

1. Mose 14:3

Kol pantch raja kran win, te rikrenn jon khetne un wan an i tala Siddim. Kowa hi kanna o Londo Baro Pani.

1. Mose 13:10

O Lot dikas ap o tselo them pash o pani Jordan. Kowa his halauter sapeno. Bis pash o foro Zoar his ko them har o baro Debleskri baar un har o them Egiptia. Kowa his glan ko tsiro, kai kol forja Sodom un Gomorra chatchedo wan.

4. Mose 34:11

Un dureder tele fun Shefam bis Ribla. Kowa hi ap kai rig o forestar Ajin, kai o kham pre djal. Pal kowa djal tele kol tikne berge pash o pani Kinneret, kote, kai o kham pre djal,

4. Mose 34:13

Palle penas o Mose ap kol Israelitarja: “Kol menshe dran o kheer Ruben, dran o kheer Gad, un ko paash kol menshendar dran o kheer Manasse lan pengro kotar them ap kai rig o panjestar Jordan, wergel o forestar Jericho, ap koi rig, kai o kham pre djala. Kawa kate hi ko them, kai lenn tumer wawar. Jaake kamell kowa o baro Dewel. Witsrenn bachtjakre barra te hatsenn win, koon hawo kotar lella.”

2. Mose 23:31

Un me penau, har bares tiro them wella. Job djal fun ko Baro Lolo Pani bis pash ko baro pani, kai i Filistarja djiwenn, un fun o mulo tato them bis pash o lengsto pani Eufrat. Kolla, hoi kote djiwenna, dau an tiro wast, te tradenn tumer len dran o them win.

Josua 13:1

Un o Josua was phuro. Les his i lengsto djipen. Kote penas o baro Dewel ap leste. Tu wal phuro, un tut his i lengsto djipen. Un koi hi gomme bud them, hoi gar dren lino hi:

Josua 15:5

Ap koi rig, kai o kham pre djal, djas o them bis pash o Londo Baro Pani, un pral bis kote, kai o Jordan dren nashell. Koi nordetikri rig o themestar his ko drom, hoi djas fun kotar, kai o Jordan an o Londo Baro Pani nashell,

Ezekiel 47:13

Kawa penell o baro Dewel, maro rai: Kanna penau tuke, har baro kau them hi, un hawo kotar lestar lell hakeno kol deesh-te-dui tchawendar o Jakobestar. Denn hakeneste leskro kotar them, te atchell kowa leske hako tsireske! Kal deesh-te-dui kotja hi emliges baro. O kheer Josef lell dui kotja. Me dom man sowel, te dap kau them tumare phurende. Un jaake well lo tumenge, te atchell lo an tumare familje.