4. Mose 32:1 - O Debleskro Drom 2021 (Sinte)

¹ I menshen dran o kheer Ruben un dran o kheer Gad his bud vieche. Un jon dikan, te hi latcho senlepen i viechenge an ko them Jaser un Gilead.

O Debleskro Lab 2024 (Sinte-Manouche)

¹ I menshen dran o kheer Ruben oun dran o kheer Gad his boud firhe. Oun yon dikan, te hi lačo zenlepen i firhenge an ko them Yaser oun Gilead.

4. Mose 32:1 Referans Kwoze

4. Mose 21:32

Un o Mose bitchras murshen win pash o foro Jaser, te hatsenn le win, har sorelo ko foro hi. Un i Israelitarja lan ko fores penge dren, ninna kol gaba, hoi koi pashel hi. Un jon tradan kol Amorarja krik, kai koi dren his.

4. Mose 32:35

Atrot-Shofan, Jaser, Jogboha

4. Mose 32:3

“Ko them pash kol forja Atarot, Dibon, Jaser, Nimra, Heshbon, Elale, Sibma, Nebo, un Beon,

1. Johanni 2:16

Pash i menshende ap kai phub djal lauter pal jek koowa: chapen un pipen, romedinepen un khelepen, brawlepen un sharepen. Kowa lauter well gar o Deblestar, maro dadestar. Kowa lauter hi phubjakro koowa.

Micha 7:14

Baro Dewel, de jak ap tire menshende, har i bakrengro jak dell ap peskre bakre! Tu rodal tuke tire menshen win, te wenn le tiro. Jon djiwenn kokres an o weesh. Trul lende hi bud them latcho senlepah. Muk len pale an i themma Bashan un Gilead te djal, te hatsenn le kote latcho senlepen har an o phuro tsiro.

Jeremia 50:19

O Israel anau me pale khere, te djiwenn le pale ap i berga Karmel un an o them Bashan, un hatsenn doha chapen, un wenn tchalo ap i berge Efrajim un an o them Gilead.

2. Samuel 24:5

Un jon djan wergel o pani Jordan un wan pash o foro Aroer un pash ko foro, hoi mashkral an i panjeskri tala tchiddo hi an o them Gad. Un kotar djan le pash o foro Jaser,

Josua 13:25

Ko foro Jaser un i tsele forja an o them Gilead un o paash them Ammon bis pash o foro Aroer, hoi ap koi rig o forestar Rabba tchiddo hi, kai o kham pre djal.

4. Mose 32:26

“Mare tchawe un djuwja, halauter hoi men hi, un mare tsele vieche atchenn an kol forja an o them Gilead.

2. Mose 12:38

Lentsa djan ninna bud menshe, kai his kek Israelitarja, ninna bud bud bakre, busja un grumja.

1. Mose 47:4

Un jon penan ninna: “I bok hi baro an o them Kanaan. Hi kek senlepen chapaske mare bakrenge. Doleske wam mer, te atchas i tsiro kai. Kanna mangah tut, miro rai, muk men te djiwell an o them Gosen.”

1. Mose 29:32

Un i Lea was an wawar koowa un anas i tchawes ap i phub. Koles das joi ko lab Ruben un penas: “O baro Dewel dikas miri bibacht. Tchatchepah, kanna kamell man miro rom.”

1. Mose 13:5

O Lot, kai djal o Abrameha, koles his ninna bakre, grumja un plachtene khera.

1. Mose 13:2

O Abram his brawelo: Les his bud vieche, rup un sonakai.

4. Mose 32:2

Koi wan le pash o Moseste un ko rashajeste Eleasar un pash kol pralstunende pral i Israelitarja, un penan ap lende:

5. Mose 33:21

Job rodas peske o feteder kotar them win. Har i pralstune pral Israel khetne wan, dan le leste ko kotar them, hoi i pralstuneske hi. Un khetne i pralstunentsa pral Israel kras job o tchatchepen jaake win, har o baro Dewel kowa kamas, te djiwenn i Israelitarja pal o baro Debleskre laba.

Josua 22:9

Kote djan i mursha dran i familja Ruben un dran i familja Gad un dran i paash familja Manasse penge pengre phralendar, kol wawar Israelitarjen. An o foro Shilo, hoi an o them Kanaan tchiddo hi, kran le pen ap o drom, te djan le khere an o them Gilead. Kote his ko kotar them, hoi lenge dino was, te well lo lengro, jaake har o baro Dewel ap o Moseste penas.

Čačepangre 5:16

Hoske atchal tu pash tire bakre? Kamal tu i bashepen te shunell, hoi i bakrengre kran? Awa, pash o Ruben rakran le bud un rah.

Jeremia 22:6

Un kowa hi, hoi o baro Dewel penell pral o kheer o baro rajestar pral o them Juda: Ninna te kamau kau kheer jaake har i wesha an o them Gilead un i berge Libanon, krau kau foro har i mulo foro, kai kek buder djiwell.

Josua 22:13

Un jon bitchran i bitchepaskres pash lende an o them Gilead. Kowa his o Pinhas, koleskro dad o rashai Eleasar his.

2. Samuel 24:6

un dureder an o them Gilead, un an ko them, kai kol Hetarja djiwan pash o foro Kadesh. Un koi pal wan le an Dan-Jaan, un kotar dureder ap o drom, kai djal an Sidon.

1. Familjakro liil 4:41

Un an ko tsiro, kai o Hiskija o baro rai pral Juda his, wan kolla, kai o labeha pre tchinlo his, un djan ap kol menshende Ham pre, kai kote an pengre plachtene khera djiwan, un ninna pral i Meunarja, kai kote djiwan. Un jon maran len lauteren. Jaake djiwenn jon kote bis ap kau diwes. Kote his bud senlepen lengre bakrenge un busjenge.

Jeremia 8:22

Hi an o them Gilead kek dukepaskro djet? Hi kek dramaskro koi? Hoske dell kek sastepen mire menshenge?

Jeremia 48:32

Tumer menshe an o foro Sibma, rowau budeder pral tumende har rowom pral o foro Jaser. Tu hal har i drakengro ruk; tire lengste kashta djan pral o baro pani, un wan bis pash o foro Jaser. An ko tsiro, kai i drake un i wawar rukengre dren anlo wenn, wenn kolla pral lende, kai lauter paash krenna. Tchi atchell pral.