4. Mose 30:2 - O Debleskro Drom 2021 (Sinte)

² Un o Mose rakras lengre pralstunentsa, un penas: Kawa hi kowa, hoi o baro Dewel kamell, te krenn tumer kowa.

O Debleskro Lab 2024 (Sinte-Manouche)

² Oun o Mose rakras lengre pralstunentsa, oun penas: Kava hi kova, hoy o baro Devel kamell, te krenn t'mer kova.

4. Mose 30:2 Referans Kwoze

Debleskri gili 50:14

Kowa, hoi tutar kamau, hi, te parkress tut pash mande, tiro Debleste, un te rikress tiri sowel, hoi dal tu mande, o pralstuneste.

Debleskri gili 116:14

Glan peskre tsele menshende anau o baro Debleske kowa, hoi dom man sowel glan leste.

Hiob 22:27

Tu mangeh les an, un job shunell ap tute. Un tu aneh leste kowa, hoi tu leske sowel dal.

Bičepangre 23:12

Taissarlake wan budeder har star-deesh bibolde khetne, un dan pen sowel, te chan le un te pijenn le tchi jaake rah, bis te jon o Paules maran.

Bičepangre 23:21

Tu patsess len gar. Budeder har star-deesh mursha lurenn ap leste ap o drom. Kolla dan pen sowel, te chan le tchi, te pijenn le tchi, bis te maran le les. Jon hi koi khatedo te nai marenn le les jaake sik, har tu mukeh les win te anell.”

Gosewe laba 20:25

Kowa, kai sik penell: “Me dau man sowel pash o baro Debleste, te dap les kawa te kowa”, un mukell les peske gar glan kowa an o shero trujel te djal, har nai rikrell lo peskro lab, koleske hi peskre laba har dorja, an kolende job dren stakrell un perell.

Debleskri gili 116:18

Glan tire tsele menshende anau tuke, hoi dom man sowel glan tute,

Debleskri gili 55:20

O Dewel, kai hako tsiro o Dewel hi, kowa shunell miro mangepen un stakrell len tele, kolen, kai kamenn pal pengro shero te djiwell, un kamenn lestar tchi te djinell.

Debleskri gili 22:25

Job dikas gar krik o tchorwelestar un leskre duka, un khatras gar peskro mui lestar, Na-a, har job ap leste gole das, shunas lo les.

3. Mose 5:4

Te dell jek pes sowel, jaake te rakrell leskro mui sik, un job haiwell pal i tsiro, hoi lo kras, – hi jek, te hi kowa, hoi lo penas, latcho oder tchilatcho leske – palle anas lo i doosh ap peste.

2. Korintarja 1:23

Kanna penau tumenge, hoske djom gar pash tumende. Me kamom tumen gar pale te dukrell. Glan o Debleste penau tumenge kawa pash mo djipen.

Debleskri gili 76:11

Te hadenn pen chojede menshe pral tute, maro Debleste, well diklo, har baro tu hal. Un kowa, hoi pral atchell lengri choljatar, hi tuke har i shukar ripen, hoi riweh.

Bičepangre 23:14

Kolla djan pash kol bare rashajende un pash kol biboldengre phureder, un penan lenge: “Mer dam men sowel, kai chah un pijah tchi, bis te maram o Paules.

Mateo 23:18

Tumer penenn i menshenge ninna: Te dell jek pes ap o Debleskri chatchepaskri sowel, palle hi kau sowel tchi moldo. Te dell jek chapen sowel, hoi ap late tchiddo hi, palle hunte krell lo kowa, hoi job penas.

Mateo 23:16

Kowa, hoi tumer krenna, ko hi gar mishto. Tumer kamenn i wawaren o tchatcho drom te sikrell, un han kokres har i korele, kai tchi dikenna. Tumer penenn i menshenge: “Te dell jek pes ap o Debleskro baro kheer sowel, jaake hi kau sowel tchi moldo. Te dell jek pes ap o sonakai sowel, hoi an o Debleskro baro kheer hi, palle hunte krell lo kowa, hoi job penas.”

Debleskri gili 119:106

Me dom man sowel, un me kamau lat te rikrell: Kamau te djap pal tire tchatchepaskre laba.

Debleskri gili 56:12

Ap leste dikau un rikrau man, un darau gar. Hoi nashte krenn man i menshe?

Čačepangre 11:39

Un har kol dui tchon trujel his, was li pale pash peskro dadeste. Un job kras lah, har job pes sowel das. Un lat his kek mursh, kai lat an-tapras. Un kolestar was kowa an Israel,

Čačepangre 11:11

Kote djas o Jefta i phurentsa, kai wan dran Gilead. Un i tsele menshe tchiwan les pral pende, te well lo lengro rai un pralstuno. Un kote an o foro Mizpa penas o Jefta lenge glan o baro Debleste, hoi job un i pralstune win kran.

4. Mose 30:10

Koi sowel, hoi das i romni, kolakro rom meras, ninna i djuwel, kai muklo was, halauter, hoi joi ap peste las, hunte rikrell joi.

4. Mose 21:2

Koi das pes o Israel sowel glan o baro Debleste, un jon penan: “Te deh tu kal menshen an mare wasta, kamah mer lengre forja paash te krell.”

2. Mose 20:7

Ma le miro lab ‘baro Dewel’ tchitcheske an tiro mui! Me, o baro Dewel, hom tiro Dewel un dau i phagi hakenes, koon kowa krella.

Debleskri gili 15:3

witar kek djunglepen pral jekeste penella. Kowa, kai peskro maleske kek tchilatchepen krella, un kolen gar praassella, kai pash leste djiwenna.

4. Mose 32:24

Tchiwenn kanna forja pre tumare tchawenge un barra trul kol platse, kai tumare vieche hi, un krenn, hoi tumer penan.”