4. Mose 3:15 - O Debleskro Drom 2021 (Sinte)

¹⁵ “Tchin i laba kol murshendar dran o kheer Levi an i liil! Tchin ninna pre dran hawi familja jon wenna un koon lengro dad hi! Tchin kolen pre, kai hi jek tchon phuro un phureder!”

O Debleskro Lab 2024 (Sinte-Manouche)

¹⁵ “Čin i laba kol morshendar dran o kheer Levi an i liil! Čin ninna pre dran havi familya yon venna oun koon lengro dad hi! Čin kolen pre, kay hi yek čon phouro oun phoureder!”

4. Mose 3:15 Referans Kwoze

4. Mose 26:62

Un i tsele mursh Levitarja, kai his jek tchon un phureder, his khetne 23.000 (biish-te-triin-serja). Jon lan kek them har i wawar Israelitarja. Doleske wan le gar lentsa khetne ginlo.

2. Timoteo 3:15

Tu prindjreh o Debleskro lab fun tiknes pre. Un ko lab das tut o goswepen, te hatsal o drom pash o Jesus Kristeste un haiwal, tu hunte patsess ap o Jesus Kristeste, te less ko djipen, hoi gar pre-herella.

Markus 10:14

Har o Jesus kowa dikas, was lo chojedo, un penas ap lende: “Mukenn kol tchawen pash mande te well! Ma rikrenn len pale! Sawe har jon, kolen das o Dewel gole, te djiwenn le khetne leha an o bolepen.

Jeremia 31:3

O baro Dewel sikras pes mande fun dural: Me kamom tut hako tsiro, doleske tserdom tut pash mande dran miro latchepen.

Jeremia 2:2

Dja koi, un rake glan i tsele menshende an o foro Jerusalem, un pen: Kowa penell o baro Dewel: Israel, me djinau, har ap mande rikral har terno hals, un har kamal man har i pirni peskro pirnes, un har tu mantsa djal an o mulo tato them, an ko them, kai tchi bares well an i phub.

Gosewe laba 8:17

Me kamau kolen, kai man kamenn. Un kolla, kai rodenn man o djijestar, kolla hatsenn man ninna.

4. Mose 3:43

Un halauter, hoi jek tchon hi un phureder, his khetne 22.273 (biish-te-dui-serja-dui-sheel-efta-deesh-te-triin).

4. Mose 3:34

Khetne his le 6.200 (shob-serja-dui-sheel) mursha, halauter, hoi hi jek tchon phuro un phureder.

4. Mose 3:28

Khetne his le 8.600 (ochta-serja-shob-sheel) mursha, halauter, hoi hi jek tchon phuro un phureder. Lengri budi hi, te budrenn le ap ko koowa an o Debleskro kheer.

4. Mose 3:22

Khetne his le 7.500 (efta-serja-pantch-sheel) mursha, halauter, kai hi jek tchon phuro un phureder.

4. Mose 1:47

Kolla, kai wan dran o kheer Levi, kolengre laba wan gar kol wawarentsa pre-tchinlo.

4. Mose 3:16

Un o Mose kras jaake har o baro Dewel leske penas.

4. Mose 26:57

O kheer Levi: Lengre laba wan pre tchinlo pal kol triin tchawende o murshestar Levi: o Gershon, o Kohat un o Merari. Lendar wenna kol Gershonarja, kol Kohatarja un kol Merarja.

2. Familjakro liil 31:17

Un i laba i rashajendar his an i liil tchinlo pal pengre dadengre khera. Un i Levitarja his ninna an lila dren tchinlo, hakeno kai biish bersh un phureder his. Jon wan jaake dren tchinlo, har jon pengri budjake khetne tchiddo wan.