4. Mose 28:4 - O Debleskro Drom 2021 (Sinte)

⁴ Jek bakro taissarlakro, ko wawar ap i rati.

O Debleskro Lab 2024 (Sinte-Manouche)

⁴ Yek bakro taysarlakro, ko vavar ap i rati.

4. Mose 28:4 Referans Kwoze

Daniel 9:21

koi was ap jek kopo ko mursh Gabrijel ap tchirklengre mussja pash mande dren. Koles dikom an o dikepen ap ko tsiro, kai rati o Debleske i viecho anlo well.

1. Rajengro liil 18:36

Un har ko tsiro was, kai rati o Debleskro chapen anlo was, djas o Elija pash koi chatchepaskri un kharas: “Baro Dewel, tu o Dewel o Abrahamestar, o Isaakestar un o Israelestar, kau diwes mu well diklo, kai tu hal o Dewel an Israel, un me hom tiro budepaskro, un krom kau tselo koowa jaake, har tu mange penal.

1. Rajengro liil 18:29

Har o mashkral-diwes trujel djas, his jon buder gar pash pende, un khelan bis ap ko tsiro, kai rati o Debleskro chapen anlo well. Kek rakepen was, kek lab, witar kek sikepen.

4. Mose 9:3

Ap o deesh-te-starto diwes, an kai tchon, ap i rati, ap i tchatcho tsiro hunte chan le ko chapen Passa jaake har tumenge penom, un hunte krenn pal mire tsele laba.”

2. Mose 12:6

Un rikrenn les pash tumende bis ap o deesh-te-starto diwes. Rati ap ko diwes, hunte marell haki Israeltikri familja peskro bakro.

Debleskri gili 141:2

Muk miro mangepen tuke jaake shukar te well, har chatchroms me tuke sungepaskro koowa. Dik ap mire pre-hadede wasta jaake har ap i viecho, hoi mukoms tuke rati te chatchrell.

3. Mose 3:7

Te kamell lo i bakro te anell glan o baro Debleste,

4. Mose 28:3

Un pen ap lende: Kalla hi kol vieche, hoi hunte chatchrenn tseles o baro Debleske: hako diwes dui bakre, kai jek bersh phuro un gar nasselo hi.

4. Mose 28:5

Koi pashel jaake jek kilogrammi latcho jarro, hoi was khetne dino jek litari djeteha.

1. Familjakro liil 16:40

Jon hunte anan o baro Debleske hako diwes viechen, kai leske tseles chatchedo wenn ap i sasterni chatchepaskri, taissarlakro un ratsjakro. Jaake his glan tchinlo an o Moseskre lila, kai tardo hi, hoi o baro Dewel peskre menshendar Israel kamella.

Joel 1:13

Tumer rashaja, kai han tardo pash o Debleskri chatchepaskri, riwenn tumen an gone, un denn gole i bibachtjatar! Ninna ratsjake riwenn ko gono gar win, tumer, kai budrenn miro Debleske! Hi kek djob koi un kek mool, hoi nai anans tumaro Debleske an leskro kheer.