4. Mose 24:10 - O Debleskro Drom 2021 (Sinte)

¹⁰ Koi was o Balak chojedo ap o Bileam. Un job das i wasta khetne, un penas ap leste: “Me dom tut gole, te rakress i bibacht win pral kolende, kai man pre chana. Un dik, tu rakral triin kope i bacht pral lende win.

O Debleskro Lab 2024 (Sinte-Manouche)

¹⁰ Koy vas o Balak rhoyedo ap o Bileam. Oun yob das i vasta khetne, oun penas ap leste: “Me dom tout gole, te rakress i bibarht vin pral kolende, kay man pre rhana. Oun dik, tou rakral triin kope i barht pral lende vin.

4. Mose 24:10 Referans Kwoze

Ezekiel 21:14

Tu, mensho, pen glan-wi, hoi wella! Pen lenge: Kawa penell o baro Dewel: Dik o charo, o charo, hoi latches tchinell, un djudjo kerdo hi.

4. Mose 23:11

Koi penas o Balak ap o Bileam: “Hoi kre tu mantsa? Me mukom tut kate te anell, te rakress i bibacht win pral kolende, kai man pre chana. Tu rakreh i bacht pral lende win.”

Ezekiel 22:13

Me dau mire wasta khetne kol lowenge, hoi tumer chochepah khetne anan, un ko rateske kolendar, kai pash tumende maredo wan.

Ezekiel 21:17

De gole un rob, tu mensho! Mire menshe hi, kolen o charo marell. I pralstunen an Israel dell miro charo mulo, un lentsa khetne mire tsele menshen! Doleske de ap tiro betch o ropastar!

Hiob 27:23

Ko ducho hi har jek, kai dell i wasta pral leste khetne, un dell shol har te sals lo pral leste, kai lo ninna djal.

Nehemia 13:2

Glan i rah tsiro dan i Ammonarja un i Moabarja i Israelende kek maro un kek pani, har kolla ap o drom his. Un i Moabarja plaissran o Bileames, te rakrell lo i bibacht pral i Israelitarja win. Maro Dewel kras dran i bibacht i bacht.

4. Mose 22:17

Me kamau tuke brawlepen te dell. Un hoi tu mange peneh, kamau me te krell. Am ap miri rig un rake i bibacht win pral kal menshende!”

4. Mose 22:11

‘I bari natsjona was dran o them Egiptia kate, un hi an o tselo them. Am ap miri rig un rake i bibacht win pral kal menshende! Nashte well jaake, kai kurau man lentsa, un tradau len.’”

4. Mose 22:6

Un jon hi sorleder har mer. Am kanna ap miri rig! Rake i bibacht win pral kal menshende! Nai well jaake, kai marau len, un tradau len dran kau them win. Me djinau: Pral koneste tu rakreh i bacht win, ap koleste hi i bacht tchiddo. Un pral koneste tu rakreh i bibacht win, ap koleste hi i bibacht tchiddo.”

4. Mose 24:9

O Israel tchiwas pes tele har i bari margodja, awa, har i terni bari margodja. Kek kamell lat pre djangrell. Bacht un soor well koles, kai rakrell i bacht pral tute win, Israel! Un bibacht well ap koleste, kai rakrell i bibacht win pral tute.

4. Mose 24:11

Dja kanna tuke! Dja an tiro them! Me kamom te dap tut bud brawlepen. O baro Dewel kamas gar te dap tut brawlepen.”

5. Mose 23:6

Tumaro baro Dewel kamas gar ap o Bileam te shunell. Job kamas tumen o djijestar. Doleske kras lo, te rakras o Bileam i bacht pral tumende win, un kek bibacht.

Bičepangre 11:10

Kowa djas triin kope. Un halauter djas pale an o bolepen.