4. Mose 23:10 - O Debleskro Drom 2021 (Sinte)

¹⁰ Kek djinell, har bud menshe o Jakobeskre menshe hi. Awa, kek nai hatsell win, har bud serja i Israelitarja hi? Me kamau, te merap jaake har jek lendar, kol tchatche menshendar. Miro merepen mu well har lengro merepen!

O Debleskro Lab 2024 (Sinte-Manouche)

¹⁰ Kek djinell, har boud menshe o Yakobeskre menshe hi. Ava, kek nay hatsell vin, har boud zerya i Israelitarya hi? Me kamau, te merap yaake har yek lendar, kol čače menshendar. Miro merepen mou vell har lengro merepen!

4. Mose 23:10 Referans Kwoze

Debleskri gili 37:37

Kre jaake har kowa, kai shunell ap o Debleste peskro tselo djijeha! Un djib jaake har kowa, kai well kek doosh ap leste hatslo. Sawo mensheske djal mishto an ko tsiro, hoi wella.

1. Mose 13:16

Un me dau tut bud tchawen, kai pal tute wenna, – jaake bud har i tchik ap i phub. Kek mensho nai djinell, har bud tchik ap i phub hi. Jaake djinell nai kek, kitse menshe tutar wenna.

Debleskri gili 116:15

O baro Dewel dikell i dukentsa ap o merepen peskre menshendar.

Debleskro tsiro 14:13

Un me shunom, har i rakepen dran o bolepen penas: “Tchin kowa an i liil dren: Kanna un an ko tsiro, hoi wella, hi kolla bachtele, kai merenna un rikran soreles pengro patsepen ap o rajeste, o Jesuseste.” “Awa,” penell o Debleskro Ducho, “lenge djal latches, un jon bistrenn pengri tseli phari budi. Kowa, hoi jon kran o Debleske hi gar bistedo an o bolepen.”

2. Korintarja 5:1

Mer djinah, maro djipen ap kai phub atchell gar. Pal maro merepen lah i newo trupo. Ko newo trupo hi har i kheer, hoi kras o Dewel un kek mensho. Ko kheer atchell hako tsiro an o bolepen.

Gosewe laba 14:32

O tchilatcho well tele witsedo dran leskro tchilatchepen. Kowa, kai an o tchatchepen tardo hi, koleskro patsepen rikrell les ninna gomme an o merepen.

4. Mose 2:31

Kol tsele lurde, kai dran kal triin bare familje wenn, hi halauter khetne: 157.600 (sheel-pantch-deesh-te-efta-serja-shob-sheel) mursha. Jon djan pal kol wawarende.

4. Mose 2:24

Kol tsele lurde, kai wenn dran kal triin bare familje, hi halauter khetne 108.100 (sheel-te-ochta-serja-jek-sheel) mursha. Un kolla hunte wenn kol triinte, kai djan glan kol wawarende.

4. Mose 2:9

Kol tsele lurde, kai dran kal triin bare familje wenn, hi halauter khetne 186.400 (sheel-ochta-deesh-te-shob-serja-star-sheel) mursha. Un kolla hunte djan glan kol wawarende.

1. Mose 28:14

Jon wenna jaake bud har i tchik, hoi ap i phub hi. Un krau lengro them baro un buchlo ap hake rigja. Un koi bacht, hoi dau tute un tire tchawende, djal dureder ap i tsele menshende, kai ap i phub hi.

4. Mose 2:16

Kol tsele lurde, kai wenn dran kal triin bare familje, hi halauter khetne 151.450 (sheel-pantch-deesh-te-jek-serja-star-sheel-te-pantch-deesh) mursha. Un kolla hunte wenn kol duite, kai djan glan kol wawarende.

4. Mose 31:8

Ninna maran le kol pantch bare rajen pral i Midianarja. Jon kharan Ewi, Rekem, Zur, Hur, un Reba. Ninna dan le o Bileames o chareha mulo, koleskro dad o Beor his.