4. Mose 22:5 - O Debleskro Drom 2021 (Sinte)

⁵ Un job bitchras murshen pash o Bileam, koleskro dad o Beor hi. O Bileam djiwas mank peskre menshende an o foro Petor, kai pash ko pani Eufrat tchiddo hi. O baro rai mukas leske te penell: “Am pash mande! I bari natsjona djas dran o them Egiptia win un hi kate an o tselo them. Kal menshe tchiwan pengre plachtene khera pre ap i wawar rig mandar.

O Debleskro Lab 2024 (Sinte-Manouche)

⁵ Oun yob bičras morshen pash o Bileam, koleskro dad o Beor hi. O Bileam djivas mank peskre menshende an o foro Petor, kay pash ko pani Eufrat čiddo hi. O baro ray moukas leske te penell: “Am pash mande! I bari natsyona djas dran o them Egiptia vin oun hi kate an o tselo them. Kal menshe čivan pengre plarhtene khera pre ap i vavar rig mandar.

4. Mose 22:5 Referans Kwoze

5. Mose 23:4

Kek Ammonari un kek Moabari well kote tumentsa khetne, kai o baro Debleskre menshe khetne wenn, jaake rah har deesh familje jek pal i wawar djiwenna. An kek tsiro nai wenn le kote.

Micha 6:5

Tumer mire menshe, mukenn tumenge an o shero te well, hoi kamas o Balak – ko baro rai pral o them Moab – tumenge te krell, un hoi penas leske o Bileam, koleskro dad o Beor his! Mukenn tumenge an o shero te well, har djan tumare phure pral wergel o pani Jordan ap lengro drom dran Shittim dureder an Gilgal. Palle haiwenn tumer, hawo bud latchepen tumenge krom.

Josua 24:9

Ninna o baro rai pral o them Moab, o Balak, koleskro dad o Zippor his, kamas pes tumentsa te kurell. Un job bitchras pal o Bileam, koleskro dad o Beor his, te well lo, un te rakrell lo bibacht pral tumende win.

Judas 1:11

Bibacht well ap lende! Jon djan ap o tchilatcho drom, kai ninna o Kain djas. Un i lowenge anenn le doosh ap pende, jaake har o Bileam kras. Un jaake har o Korach merenn le. O Korach hadas pes peskre menshentsa pral o Debleskre murshende.

Debleskro tsiro 2:14

I tikno koowa pash tumende hi gar mishto. Mashkral tumende hi sawe menshe, kai djan ap ko drom, koles o Bileam glan i rah tsiro i menshende sikras. Job sikras o baro rajeste pral o them Moab, – leskro lab his Balak, – har te anell lo nai i Israelitarja ap i tchilatcho drom. Jaake chan i Israelitarja ko mass kol viechendar, hoi kol wawar menshe glan pengro debleste anan. Ninna djan le pash wawar djuwjende.

Josua 13:22

Mank kolende, kolen i Israelitarja o chareha maran, his ninna ko durkepaskro, o Bileam, koleskro dad o Beor his.

4. Mose 23:7

Koi penas o Bileam kal laba: O Balak, ko baro rai pral i Moabarja, mukas man te anell dran o them Aram, dran kol berge, kai o kham pre djala. Un job penas ap mande: Am ap miri rig, un rake i bibacht pral o Jakobeskre menshende win! Awa, am un praasse i Israeleskre menshen!

Debleskri gili 105:24

O baro Dewel mukas peskre menshen bud un budeder te well. Jaake wan le bareder un sorleder har kolla, kai len tikno rikrenn.

1. Mose 13:16

Un me dau tut bud tchawen, kai pal tute wenna, – jaake bud har i tchik ap i phub. Kek mensho nai djinell, har bud tchik ap i phub hi. Jaake djinell nai kek, kitse menshe tutar wenna.

2. Mose 10:15

un tchakran i phub, jaake te was o tselo them kales. Un jon chan o tselo senlepen un lauter, hoi ap i ruka baro was, hoi pral atchas, har o barrengro brishin ap o them peras. Kek senlepen atchas pral ap i ruka un ap i hachetikri phub an o tselo them Egiptia.

4. Mose 31:8

Ninna maran le kol pantch bare rajen pral i Midianarja. Jon kharan Ewi, Rekem, Zur, Hur, un Reba. Ninna dan le o Bileames o chareha mulo, koleskro dad o Beor his.

5. Mose 23:5

Jon wan gar pash tumende mareha un panjeha, har hans ap drom dran o them Egiptia. Un jon plaissran lowe o mursheske Bileam, koleskro dad o Beor his, dran o foro Petor an o them Mesopotamia, te rakrell lo bibacht pral tumende win.