4. Mose 21:7 - O Debleskro Drom 2021 (Sinte)

⁷ Koi wan jon pash o Moseste un penan: “Mer anam doosh ap mende, har tchingram ap o baro Debleste un ap tute. Mange o Debles menge, te lell job kol sapa mendar!” Un o Mose mangas kol menshenge.

O Debleskro Lab 2024 (Sinte-Manouche)

⁷ Koy van yon pash o Moseste oun penan: “Mer anam doosh ap mende, har čingram ap o baro Debleste oun ap toute. Mange o Debles menge, te lell yob kol sapa mendar!” Oun o Mose mangas kol menshenge.

4. Mose 21:7 Referans Kwoze

Bičepangre 8:24

Koi penas o Simon ap lende: “Mangenn o Deblestar, te well kowa gar pral mande, hoi tumer penan!”

Debleskri gili 78:34

Te anas lo o merepen pral lende, rodan le o Debles, un putchan pale pal leste.

4. Mose 11:2

Koi dan i menshe ap o Moseste gole. Un o Mose mangas o baro Debles. Koi djas i jag krik.

2. Mose 8:8

Un o Mose un o Aron djan dran o Faraeskro kheer win. Un o Mose das o baro Debles gole un mangas les, te lell lo i djambe krik, hoi job pral o Farao anas.

1. Rajengro liil 13:6

Koi penas o baro rai ap ko Debleskro mursheste: “Mange tu o baro Deblestar, kai tiro Dewel hi, un mange lestar mange, te krell lo miro wast pale sasto!” Un o Debleskro mursh mangas o baro Debles, un o baro rajeskro wast was pale sasto – jaake har lo glan kowa his.

2. Mose 8:28

Un ninna kau kopo pandas o Farao peskro dji un mukas i Israelitarja gar te djal.

Jakobo 5:16

Doleske penenn tumenge tumari doosh, un mangenn o Debles jek o wawareske, te wenn tumer sasto. I mensho, kai djiwell jaake, har o Dewel kamella, job te mangell i tselo djijeha tchomone o Deblestar, nai krell o Dewel bud leske.

Remarja 10:1

Mire phrala, miro tselo djijeha kamoms, te wenn i bibolde dran o Debleskri choli win. Un kowa mangau o Deblestar soreles.

Mateo 27:4

Un job penas ap lende: “Me anom doosh ap mande. Me phukrom ap koleste, kai kek doosh ap peste anas.” Penan le: “Kowa hi gar maro koowa. Kowa hi tiro koowa.”

Hosea 5:15

Me djau mange pale kote, kai khere hom, bis te dikenn le pengri doosh dren un rodenn man. Te djal lenge gar mishto, palle putchenn le pale pal mande.

Jeremia 37:3

Un o baro rai Zedekja bitchras o Juchal, koleskro dad o Shelemja his, ninna o rashajes Zefanja, koleskro dad o Maaseja his, pash o Jeremia un mukas leske te penell: Mange maro baro Debles menge, i Israelitarja!

Jeremia 15:1

Un o baro Dewel penas ap mande: Ninna te wals o Mose un o Samuel glan mande tardo, kroms me kal menshenge miro dji gar pre. Trade len krik mandar, un muk len te djal!

Debleskri gili 106:23

Doleske kamas lo len mulo te dell, te wals kote gar o Mose, koles job peske wi-rodas. Kowa stas pre, te rikrell lo o Debles leskri choljatar tele, jaake te dell lo len gar mulo.

Hiob 42:10

Un har o Hiob peskre malenge mangas, las o baro Dewel koi bibacht o Hiobestar krik, un kras les pale brawelo, un das les dui kope jaake bud, har les his.

Hiob 42:8

Kanna lenn efta terne gurma un efta bakre un djan pash o Hiob, un marenn kol viechen kote, un chatchrenn len mange! Un o Hiob, koles miro tchatcho wast hi, hunte mangell man tumenge. Ap koleste shunau un krau tumentsa gar, har hunte kroms. Tumer rakran gar o tchatchepen pral mande har job kras.”

1. Samuel 15:30

“Me lom doosh ap mande”, penas o Saul pale. “Ninna te hi jaake, mangau tut, hade man glan i phurende mire menshendar un glan o Israel, un dja mantsa pale, te nai sharap tiro baro Debles.”

1. Samuel 15:24

Koi penas o Saul ap o Samuel: “Me lom doosh ap mande, har shunom gar ap o baro Debleste, un krom gar, hoi tu penal. Me darom i menshendar un shunom ap lende.

5. Mose 9:20

Ninna ap o Aron his o baro Debles i bari choli, un job kamas les te marell. Un me mangom an ko tsiro ninna o Aroneske.

2. Mose 32:30

O wawar diwes rakras o Mose ap i Israelitarja: “Tumer anan bari doosh un ladj ap tumende. Kanna kamau pale pash o baro Debleste ap i berga te djal, te mangap lestar, te bistrell lo tumari doosh.”

2. Mose 32:11

O Mose mangas o baro Debles, kai leskro Dewel his, un penas: “Baro Dewel, tiro sorelo wasteha anal tu tire menshen dran o them Egiptia win, un sikral tiri tseli soor. Hoske kameh tu len kanna an tiri choli temerl te dell?

1. Mose 20:7

Un kanna, de koi romjat pale o romeste! Job hi i Debleskro rakepaskro. Un te mangell o Abraham tuke, atcheh tu djido. Te deh lat gar pale, hunte meress un lauter, hoi tiro hi.”

1. Mose 20:17

Har o Abimelech o Abrahameskri romjat las, kras o baro Dewel, kai kek djuwel an o Abimelecheskro kheer i ternepen lella. Un kanna mangas o Abraham o Debles lenge. Un o Dewel kras o Abimeleches sasto un leskri romjat un i djuwjen, kai leske budran, jaake, te lan le pale tchawe.

2. Rajengro liil 13:4

Palle mangas o Joahas o baro Debles i ropaskri goljah, un o baro Dewel shunas les. Job dikas, har o Israel tele rikedo was, un har o baro rai pral o them Syria lenge o djipen phares kras.

Jesaja 26:16

Baro Dewel, an o pharo tsiro rodan tire menshe tut. Har dal len i phagi, dan le darenes ap tute gole.

2. Mose 8:4

Kote mukas o Farao o Moses un o Arones pash peste gole te dell un penas: “Mangenn o baro Debles, te lell lo i djambe mandar un mire menshendar krik! Palle mukau i Israelitarjen te djal, te nai denn le o baro Debleske viechen temerl.”

2. Mose 10:17

Jaake mangau tumen, bistrenn miri doosh kokres kau jek kopo, un mangenn tumaro baro Debles, te lell lo kau merepen mandar krik.”