4. Mose 20:4 - O Debleskro Drom 2021 (Sinte)

⁴ Hoske anan tumer o baro Debleskre menshen an kau mulo tato them, te meras mer kate mare viechentsa?

O Debleskro Lab 2024 (Sinte-Manouche)

⁴ Hoske anan t'mer o baro Debleskre menshen an kava moulo tato them, te meras mer kate mare firhentsa?

4. Mose 20:4 Referans Kwoze

2. Mose 17:3

Un lengri trush was jaake baro, te penan le i choljatar ap leste: “Hoske lal tu men dran o them Egiptia win? Kameh, te meras mer kate i trushatar, mer un mare tchawe un mare vieche?”

Bičepangre 7:35

O Dewel bitchras kau Moses, kai pash peskre menshende tchi moldo his. Kowa dikah mer koi pre, har jon penan: Koon kras tut pral mende tchatchepaskro un rai, te hunte shunas mer ap tute? O Dewel bitchras les, te well lo rai pral lende, un te anell lo len dran ko them win, kai jon pandle budepangre his. Kowa penas leske ko bolepaskro, kai dran i subjengro bur ap leste rakras.

Debleskri gili 106:21

Jon bistran ko Debles, kai lengro djipen dran o merepen win las, un baro koowa an o them Egiptia kras,

4. Mose 11:5

Har shukar his an o them Egiptia, kai men matche tchitcheske chapaske his. Men his kürbisse, melone, senlepen, purma un sirja.

2. Mose 16:3

Un jon penan: “Wals feteder, te dals men o baro Dewel mulo an o them Egiptia, har hams beshdo pash i pirja pherdo mass, un kai his men doha maro, te nai cham men tchalo. Tumer anan men kate an o mulo tato them, te meras halauter i bokatar.”

2. Mose 5:21

“O baro Debleskri choli well ap tumende! Tumer kran, te ham o Faraeske un leskre pralstunenge har djukle. Kanna hi an lengre wasta, te nai marenn le men.”

4. Mose 14:2

Un i tsele Israelitarja his chojedo ap o Mose un o Aron un penan: “Ach, te merams mer an ko them Egiptia! Te merams kate an o mulo tato them!

Čačepangre 11:16

Kowa his jaake: Har djan jon dran Egiptia win, djas o Israel mank o mulo them, bis pash o Baro Lolo Pani, un was bis pash o foro Kadesh.

4. Mose 11:20

Kowa djal jek tchon, bis te nai sungenn les buder gar, un kowa dran tumaro nak win well. Tumer tchiwan o baro Debles ap i rig, koles, kai mashkral tumende hi. Un tumer rowan glan leste un penan: ‘Hoske djam mer dran o them Egiptia?’ Doleske well kau koowa kanna ap tumende.”