4. Mose 20:11 - O Debleskro Drom 2021 (Sinte)

¹¹ Un o Mose hadas peskro wast, un das ko lengsto kashteha dui kope ap ko baro bar. Koi was jaake bud pani dran win, kai pijan i tsele menshe un lengre vieche.

O Debleskro Lab 2024 (Sinte-Manouche)

¹¹ Oun o Mose hadas peskro vast, oun das ko lengsto kashteha douy kope ap ko baro bar. Koy vas yaake boud pani dran vin, kay piyan i tsele menshe oun lengre firhe.

4. Mose 20:11 Referans Kwoze

1. Korintarja 10:4

Un jon pijan lauter ko jek pipen, kai was o Deblestar. Jon pijan ko pani, kai was dran i baro bar win, kai lentsa djas. Ko bar his o Jesus Kristo.

2. Mose 17:6

Un me tchiwau man glan tute tardo ap o baro bar pash i berga Horeb. Un palle dess tu ap o baro bar, un dran leste nashella pani, jaake te well len te pijell.” Un o Mose kras kowa jaake glan i jaka kol phurendar.

5. Mose 8:15

Job sikras tumen o drom an ko baro mulo tato them, kai tumen daar his, an koleste tchilatche sapa un skorpione hi. Kote, kai o kham lauter pre chatchras, un kek pani dell, mukas lo tumenge pani dran i baro sorelo bar te nashell,

4. Mose 20:8

“Le ko lengsto kasht un le i tsele menshen khetne, tu un tiro phraal, o Aron, un rakrenn ap ko baro bar glan lengre jaka! Kowa dell tumen pani. Jaake aness tu lenge pani dran ko baro bar, un dess i tsele menshende te pijell un lengre viechen ninna.”

Jakobo 1:20

Kek krell an i choli kowa, hoi o Dewel kamella.

Mateo 28:20

Penenn lenge, te rikrenn le ap lauter, hoi me tumenge penom! Tchatchepah, me hom pash tumende hako diwes jaake rah, har i phub koi hi.”

Hosea 13:5

Me hom, kai dom garda ap tumare phurende an o mulo tato them, kote kai kek senlepen hi.

Debleskri gili 78:16

Job mukas panja te well dran i bare barra, te nashan le tele har bare lengste panja.

1. Familjakro liil 15:13

Ko wawar kopo hans tumer gar koi pashel. Doleske das men o baro Dewel i pharo dap. Mer putcham lestar gar jaake har hunte wals.”

1. Samuel 15:24

Koi penas o Saul ap o Samuel: “Me lom doosh ap mande, har shunom gar ap o baro Debleste, un krom gar, hoi tu penal. Me darom i menshendar un shunom ap lende.

1. Familjakro liil 15:2

An ko tsiro penas o David: “Kek hunte hidjrell o mochton o Debleskre deesh labentsa, har kokres i Levitarja, kolen rodas o baro Dewel win, te hidjrenn jon ko mochton, un te budrenn jon leske hako tsiro.”

1. Samuel 15:19

Hoske shunal tu gar ap o baro Debleste, un lal tuke, hoi lendar his. Kowa his djungeles glan o baro Debleskre jaka.”

3. Mose 10:1

Dui mursh tchawe o Aronestar, o Nadab un o Abihu, lan hakeno peskro sasterno tcharo an o wast, tchiwan jag dren un sungepaskro koowa, un djan koleha an o Debleskro plachteno kheer, te anenn le kowa glan o baro Debleste. Kowa kran le pestar. O baro Dewel penas lenge gar, te krenn le kowa.

Debleskri gili 74:15

Tu mukal pani te nashell, kai kek his. Un kote, kai sorele panja nashan, hi le kanna buder gar koi.

Debleskri gili 78:15

An o mulo tato them phagas lo bare barra, un das len pani te pijell, budeder har doha hakeneske.

Debleskri gili 78:20

Kowa hi tchatcho: Job phagas o baro bar, un bud pani was win un nashas tele kate te kote pral o them. Nai dell lo men ninna maro? Haiwell lo peskre menshenge mass te anell?”

Debleskri gili 105:41

Job phagas i baro bar, un pani nashas win, un nashas an o mulo them har i lengsto baro pani.

Debleskri gili 114:8

Job hi kowa, kai kras pani dran i baro bar, un mukas dran barra tikne panja te nashell.

Jesaja 43:19

Dik, me krau newo koowa! Kanna well kowa! Haiwenn un dikenn les gar? Awa, me krau i drom an o mulo them, un mukau bare sorele panja te nashell an o tato them.

Jesaja 48:21

O baro Dewel anas len ap o drom an o mulo them, un jon trushan gar. Dran i baro bar mukas lo lenge pani te well. Job phagas ko bar an dui kotja, un mukas dran leste pani te nashell.

Čačepangre 15:19

Kote phagas o Dewel o baro bar pash o foro Lehi, un dran kotar was pani. Un job pijas, un leskri soor was pale, un job was pale pherdo djipen. Doleske dan le ko pani, hoi kote dran i phub was, o lab: ‘Pani kolestar, kai gole das’. Ninna gomme kau diwes hi kau pani kote pash o foro Lehi.