4. Mose 2:10 - O Debleskro Drom 2021 (Sinte)

^10-11 Un kote, kai o kham tato hi, hunte tchiwenn kolla pengre plachtene khera pre pash pengri pre-tchiddi plachta, kai wenna dran o kheer Ruben. Pash lende hi ninna lengre lurde, 46.500 (star-deesh-shob-serja-pantch-sheel) mursha pengro pralstuneha, o Elizur, leskro dad hi o Shedehur.

O Debleskro Lab 2024 (Sinte-Manouche)

^10-11 Oun kote, kay o kham tato hi, hounte čivenn kolla pengre plarhtene khera pre pash pengri pre-čiddi plarhta, kay venna dran o kheer Ruben. Pash lende hi ninna lengre lourde, 46.500 (star-deesh-shob-zerya-panč-sheel) morsha pengro pralstuneha, o Elizour, leskro dad hi o Shedehour.

4. Mose 2:10 Referans Kwoze

4. Mose 1:5

Kalla hi kol laba kol murshendar, kai ap tumari rig wenn: Dran o kheer Ruben: o Elizur, leskro dad hi o Shedehur.

1. Familjakro liil 5:1

O Ruben his o Jakobeskro phureder tchawo. Doleske his les o tchatchepen, hoi o phureder tchaweske hi. Kowa nashras lo, har sowas lo peskro dadeskri romjah. Un o Rubeneskro tchatchepen was i tchawenge leskro phralestar Josef dino. Ninna te his kowa jaake, was gar tchinlo an i familjakro liil, te his o Josef o phureder.

4. Mose 10:18

Pal lende djan kol menshe dran o kheer Ruben. Lengro pralstuno his o Elizur, koleskro dad o Shedehur hi. Lentsa djan kol menshe dran o kheer Simeon un dran o kheer Gad. O pralstuno pral o kheer Simeon his o Shelumijel, koleskro dad o Zurishaddai hi. Un o pralstuno pral o kheer Gad his o Eljasaf, koleskro dad o Deguel hi.

4. Mose 10:6

Un te phurdenn tumer o duito kopo soreles ap i phurdepaskri, hunte stenn kolla pre, kai hi lengre platsa kote, kai i kham tato hi, te djan le dureder. Jaake djinenn le: Te well soreles phurdedo, hunte djan jon dureder.