4. Mose 19:12 - O Debleskro Drom 2021 (Sinte)

¹² Job hunte thowell pes ap o triinto diwes un ap o eftato diwes ko panjeha, hoi lell i pale-tchiddo koowa i menshestar krik. Palle well lo djudjo un erligo. Te thowell lo pes gar jaake ap o triinto diwes un ap o eftato diwes, atchell lo pale-tchiddo.

O Debleskro Lab 2024 (Sinte-Manouche)

¹² Yob hounte thovell pes ap o triinto dives oun ap o eftato dives ko panyeha, hoy lell i pale-čiddo koova i menshestar krik. Palle vell lo djoudjo oun erligo. Te thovell lo pes gar yaake ap o triinto dives oun ap o eftato dives, ačell lo pale-čiddo.

4. Mose 19:12 Referans Kwoze

4. Mose 31:19

Un tumer halauter, kai dan jekes mulo oder kai tapran i mules an, atchenn efta diwessa glan koi platsa, kai tumare plachtene khera hi. Ap o triinto diwes un ap o eftato diwes thowenn tumen jaake har glan tchinlo hi, te wenn pale djudjo un erligo. Ninna kol tcha, kai lan tumenge pandlo, hunte thowenn pen jaake.

Debleskro tsiro 7:14

Un me penom ap leste: “Miro rai, tu djineh les.” Un job penas ap mande: “Kolla wan soreles palla lino, un wan win dran ko pharo tsiro. Un jon thowan pengre ripja, un kran len parno an o terno bakreskro rat.”

Bičepangre 15:9

Leske hi jon gar wawartchandes har mer, i bibolde. Jon te patsenn ap leste, palle krell lo lengro dji djudjo.

Hosea 6:2

Pal dui diwessa dell lo men newo djipen, un ap o triinto diwes mukell lo men pale ap i pire tardo te well, te nai djiwas glan leste.

Ezekiel 36:25

Me witsrau djudjo pani ap tumende, te wenn djudjo halauterestar, hoi kras tumen pale-tchiddo. Ko tselo tchilatchepen, hoi ap tumende anan, har mangan i chochene deblen an, thowau tumendar tele.

Debleskri gili 51:7

Doosh hi ap mande, jaake rah har hom ap kai phub, ninna har boldo wom, his o tchilatchepen ap mande.

3. Mose 7:17

Hi gomme o triinto diwes tchomone pral, hunte well kowa an i jag chatchedo.

2. Mose 19:15

Un job penas: “Rikrenn tumen djudjo o triinto diweske! Un kek mursh taprell an kau tsiro peskri romjat an!”

2. Mose 19:11

Jaake te wenn le djudjes mange koi tardo o triinto diwes. Ap o triinto diwes wau me, o baro Dewel, glan i tsele menshende tele ap i berga Sinai.

3. Mose 14:7

un witsrell ko ratlo panjestar efta kope ap koleste, kai pale-tchiddo his, te well lo erligo. Un mukell ko djido tchirkles krik te djal.