4. Mose 19:10 - O Debleskro Drom 2021 (Sinte)

¹⁰ Un ko mursh, kai koi jagakri tchik koi grumjatar khetne las, hunte thowell peskre koola, un atchell pale-tchiddo bis ap i rati. Kowa, hoi kanna penau, atchell jaake tumenge, i Israelitarja, un ninna i wawar menshenge, kai mank tumende djiwenna, hako tsireske:

O Debleskro Lab 2024 (Sinte-Manouche)

¹⁰ Oun ko morsh, kay koy yagakri čik koy groumyatar khetne las, hounte thovell peskre koola, oun ačell pale-čiddo bis ap i rati. Kova, hoy kanna penau, ačell yaake t'menge, i Israelitarya, oun ninna i vavar menshenge, kay mank t'mende djivenna, hako tsireske:

4. Mose 19:10 Referans Kwoze

Kolossarja 3:11

Kote, kai o Dewel i menshen newes kras, kote hi jek jaake bud moldo har o wawar: I bibolde un kolla, kai kek bibolde hi; kolla, kai ap o mass tchinlo hi un kolla, kai gar ap o mass tchinlo hi; wi-themarja un diwje; raja un budepangre. O Jesus Kristo djiwell an hakeneste mendar.

4. Mose 19:19

Jek, kai gar pale-tchiddo hi, hunte witsrell ko pani ap koleste, kai pale-tchiddo hi ap o triinto diwes un ap o eftato diwes. Un ko pale-tchiddo hunte thowell pes an ko pani un peskre koola. Palle well job ap i rati djudjo un erligo.

2. Mose 12:49

Ko lab hi tumenge un kolenge dran wawar themma, kai mashkral tumende djiwenna.”

3. Mose 14:46

Kowa, kai djal dren an ko kheer, jaake rah har kowa tele pandlo hi, kowa well pale-tchiddo, bis te well rati.

3. Mose 11:25

Koon sau mulo vieches hidjrell, hunte thowell peskre koola, un well pale-tchiddo, bis te well rati.

3. Mose 16:28

Ko mursh, kai kowa lauter chatchras, kowa hunte thowell pes un peskre koola. Pal kowa nai well lo pale ap i platsa, kai i menshe djiwenn.

4. Mose 19:21

Jaake well kowa pash tumende kerdo hako tsireske. Un ninna kowa, kai witsras ko pani ap ko pale-tchiddo, hunte thowell peskre koola. Un koon taprell ko pani an, hoi lell o pale-tchiddo koowa krik, kowa hunte atchell pale-tchiddo bis ap i rati.