4. Mose 18:21 - O Debleskro Drom 2021 (Sinte)

²¹ Kol Levitarjen dau me ko deshto kotar lauterestar, hoi an o them Israel bares wella. Jon budrenn ap miro kheer. Doleske lenn jon kowa.

O Debleskro Lab 2024 (Sinte-Manouche)

²¹ Kol Levitaryen dau me ko deshto kotar lauterestar, hoy an o them Israel bares vella. Yon boudrenn ap miro kheer. Doleske lenn yon kova.

4. Mose 18:21 Referans Kwoze

Nehemia 12:44

An ko tsiro wan mursha win rodedo, kai jak hunte dan ap kol khera, kai o chapen dren anlo was, hoi i Israelitarja jaake hunte dan, har an o Moseskro liil tchinlo his: newo djob un newe rukengre, un o deshto kotar lauterestar, hoi le ap pengri phub trul i forja dren anan. Kowa lauter his i rashajenge un i Levitarenge. Un kol menshe an Juda his bachtelo pral pengre rashaja un Levitarja,

Nehemia 10:37

Mer anah hako phureder mursh tchawes un hako vieches, hoi o phureder peskri datar hi, an maro Debleskro kheer. Ninna i grumjendar un i bakrendar anah ko phureder pash kol rashajende, kai budrenn an maro Debleskro kheer.

Hebrearja 7:5

Ninna an o them Israel lan i rashaja o deshto kotar lauterestar, hoi i Israelitarja penge khetne anan. Jaake his tchinlo an o Moseskre lila. Kol rashaja, – lengro dad his o Levi, – lan o deshto kotar kolendar, kai lengre phrala his. Kolla lauter wan pal o Abraham.

Galatarja 6:6

Jek te penell tumenge o Debleskro lab, palle hunte denn tumer les kowa, hoi les hunte well djipaske.

Nehemia 13:12

Un i tsele menshe dran Juda anan pale o deshto kotar pengro djobestar un djetestar un pengri moljatar an kol chapangre khera.

Nehemia 10:29

I tsele Israelitarja, i rashaja, un i Levitarja, un kolla, kai jak denn ap o foreskre wudja, un i gipangre, un i budepangre an o Debleskro kheer, un kolla i wawar menshendar, kai mukan pengre menshen un djan kanna o Debleskro drom, ninna lengre romja, lengre tchawe un tcha, kai haiwenn kowa,

2. Familjakro liil 31:12

Kote tchiwan le kowa lauter kotar fer kotar dren: o chapen, hoi dan le har glan-tchinlo hi, un kowa, hoi o deshto kotar kolestar hi, hoi jon dren anan, un kowa hoi dan le pendar o baro Debleske. Un o pralstuno koi pral his ko Levitari, o Konanja. Un o duito his leskro phraal o Shimi.

4. Mose 18:6

Un me lom tumare phralen, i Levitarja, dran i wawar Israelitarja win, te dap len tumende, te wenn le mange koi, o baro Debleske, un krenn koi budi ap o Debleskro plachteno kheer.

1. Mose 14:20

Un sharedo well o Dewel pral halauter, kai das kolen an tire wasta, kai tuha kuran pen.” Un o Abram das les o deshto kotar halauterestar, hoi job pale anas.

4. Mose 31:28

Un kolla, kai his an o kurepen, hunte denn tchomone o baro Debleske. Kolestar, hoi jon pandles lan, le jek menshes hake pantch-shelendar un jek viecho hake pantch-shelendar, i grumjendar, i bakrendar un fun i burike. Un de les o rashajeste Eleasar, te dell job kowa o baro Debleste.

5. Mose 18:8

Palle lell job ninna jaake bud chapen har kol wawar ninna lenn. Un kowa, hoi lo peskro dadestar las, hi les gomme pral pre.

Nehemia 12:47

Un kau tsiro, kai o Serubbabel un o Nehemia i pralstune pral o them Juda his, dan i tsele Israelitarja i gipangren un kolen, kai jak ap i foreskre wudja dan, kowa, hoi len hako diwes o djipaske hunte well. I menshe anan kowa, hoi le o Debleske dan, pash i Levitarja. Un kolla dan palle i rashajen jaake bud kolestar, har glan tchinlo his.

Nehemia 13:5

Koles das lo ko baro kheer, kai glan kowa o djob tchiddo his, hoi o Debleske chatchedo was, ninna o sungepaskro koowa un kol tsele koola, hoi i budjake koi his, un ninna o djob un i mool, un o djet, hoi o deshto kotar kolestar his, hoi ap i Israelengri phub bares was. Kowa lauter his i Levitarenge un i gipangrenge un kolenge, kai ap o foreskre wudja jak dan un ninna i rashajenge.

Maleachi 2:4

Palle haiwenn, kai kowa, hoi pral tumende was, mandar was, jaake har me tumenge penom. Kowa, hoi win krom kolentsa dran o kheer Levi, hunte atchell tardo, penell o baro Dewel, ko rai pral o bolepen un i phub.

Maleachi 3:10

Anenn o deshto kotar halauterestar, hoi dren lan, an miro kheer, te well doha chapen an miro kheer. Un dikenn, hoi me palle tumenge krau: Me krau miri wochni an o bolepen pre, un dau tumen bud latcho koowa, budeder har tumen hunte well. Ko penell o baro Dewel, ko rai pral o bolepen un i phub.

1. Mose 47:24

Un te hi tumen newo djob, denn o pantchto kotar o baro rajeste! Kol wawar star kotja mu atchenn tumenge, jaake te hi tumen doha, kai nai witsrenn an i phub. Ninna hi tumen chapaske tumenge un tumare tchawenge, un kolenge, kai djiwenn an tumare khera.”

1. Mose 47:26

Jaake rakras o Josef i lab, hoi hunte rikrenn le: I tsele menshen an o them Egiptia hunte denn o pantchto kotar o baro rajeste. O rashajengro them las o baro rai gar. Jaake hi kowa gomme kau diwes.

4. Mose 3:6

“An kol menshen dran o kheer Levi kai! An len glan o rashajeste Aron, te wenn le leske koi.

Nehemia 10:38

Mer dah len ninna fun o newo jarro un kol newe rukengre, hoi ap mare ruka bares wan, ninna fun i newi mool un o newo djet un tchiwenn kowa lauter an i iseme pash maro Debleskro kheer. Ninna i Levitarjen te well, hoi lenge hi: o deshto kotar lauterestar, hoi ap maro phub baro was. Kolla te wenn un lenn penge o deshto kotar an hako gab un hako foro, kai mari hachetikri phub hi.