4. Mose 18:2 - O Debleskro Drom 2021 (Sinte)

² I Levitarja hi tire phrala, kolen less tu pash tute, te atchenn jon pash tute un budrenn tuke. Tu kokres tire tchawentsa han mire rashaja un budrenn glan o Debleskro kheer, kai o Debleskre deesh laba dren hi.

O Debleskro Lab 2024 (Sinte-Manouche)

² I Levitarya hi tire phrala, kolen less tou pash toute, te ačenn yon pash toute oun boudrenn touke. Tou kokres tire čaventsa han mire rashaya oun boudrenn glan o Debleskro kheer, kay o Debleskre deesh laba dren hi.

4. Mose 18:2 Referans Kwoze

1. Mose 29:34

Un joi was pale an wawar koowa un anas i tchawes ap i phub. Un joi penas: “Kau kopo djal miro romeskro dji ap mande. Me anom leske triin tchawen ap i phub.” Doleske dan le kau tchawes ko lab Levi.

Ezekiel 44:15

Kol rashaja dran o kheer Levi, kolengro phuro dad o Zadok his, jon atchenn mire rashaja, un nai budrenn mange. Har i Israelitarja mandar tele peran, kran jon pengri budi mishto an miro kheer. Doleske nai atchenn le mire rashaja un nai anenn o thulepen un o rat kol marede viechendar glan mande. Kawa penell o baro Dewel, maro rai.

2. Familjakro liil 30:16

Un jon his tardo ap pengri platsa, jaake har tchinlo hi an i lila, hoi o Debleskro mursh, o Mose, tchinas. Un i Levitarja dan i rashajende o rat kol marede viechendar, un kolla witsran les ap i chatchepaskri.

4. Mose 18:4

I Levitarja hunte wenn tumenge pash o wast pash i tseli budi ap o Debleskro kheer. Mukenn kek wawares tumenge pash o wast te well!

4. Mose 17:7

Un har kol tsele menshe trul o Mose un o Aron tardo his, dikan jon pash o Debleskro plachteno kheer. Un ap jek kopo was koi wolka pral o kheer. Un o baro Debleskro railepen was diklo.

4. Mose 8:22

Koi pal djan jon kote, te krenn jon pengri budi an o Debleskro kheer glan o Aroneste un leskre tchawende. Lauter was jaake kerdo, har o baro Dewel o Moseske penas, te krenn le kolentsa dran o kheer Levi.

4. Mose 8:19

Un me dom kol Levitarjen o Aroneste un leskre tchawende, te krenn le koi budi an o Debleskro kheer. Jaake krenn le, hoi i budi lauterendar an Israel wals. Un jaake well kek bibacht ap i Israelitarja, hoi hunte wals ap lende, te wans jon ap i Debleskri platsa.

4. Mose 4:15

Ap ko tsiro, kai djan i Israelitarja dureder, hunte krenn o Aron un leskre tchawe kawa halauter un hunte tchakrenn kol tsele kotja o Debleskro plachteno khereske un halauter, hoi koi pashel hi. Pal kowa wenn kol Kohatarja un hidjrenn kowa. Kaja hi lengre budi. Jon taprenn kokres kol plachte an, hoi trul ko tselo koowa tchiddo hi, un gar ko Debleskro koowa, te merenn jon gar.

Hebrearja 9:6

Kanna sikrau tumende, hoi an o Debleskro tikno kheer kerdo was. Hako diwes djan i rashaja an i glanstuni isema, te krenn le pengri budi o Debleske.

4. Mose 1:53

Kol Levitarja hunte tchiwenn pengre plachtene khera trul o Debleskro plachteno kheer, kai o Debleskre deesh laba dren hi, te denn le garda, te well kek pash o kheer, jaake te well gar miri choli pral i Israelitarja.

4. Mose 3:5

Un o baro Dewel penas ap o Moseste:

Ezekiel 44:11

Lengri budi an miro kheer hi kanna, te denn le jak an i bare wudja glan miro kheer. Ninna hunte marenn le kol viechen, hoi i menshe mange anenn, sawe vieche, kai wenn tseles chatchedo un sawe, hoi chan le khetne glan mande. Jaake budrenn le mire tsele menshenge.

Maleachi 2:4

Palle haiwenn, kai kowa, hoi pral tumende was, mandar was, jaake har me tumenge penom. Kowa, hoi win krom kolentsa dran o kheer Levi, hunte atchell tardo, penell o baro Dewel, ko rai pral o bolepen un i phub.