4. Mose 14:8 - O Debleskro Drom 2021 (Sinte)

⁸ Te hi o baro Dewel kamlo ap mende, anell job men an ko them un dell les mende. Kowa hi i them, kai hi bud thud un gwin.

O Debleskro Lab 2024 (Sinte-Manouche)

⁸ Te hi o baro Devel kamlo ap mende, anell yob men an ko them oun dell les mende. Kova hi i them, kay hi boud thoud oun gvin.

4. Mose 14:8 Referans Kwoze

2. Samuel 22:20

Job las man win dran lengre wasta un anas man an i buchlo them. Job kamell man, doleske kras lo kowa.

Jesaja 62:4

Tu weh gar buder kharedo ‘muklo foro’ un tiro them ‘mulo them’. Tu weh gole dino ‘o Debleskri pirni’, un tiro them ‘bachteli romni’. O baro Dewel dikell latches ap tute, un romedinerell pes tiro themeha.

4. Mose 13:27

Un jon penan: “Mer wam an ko them, kai tu bitchral men. Un tchatchepah an ko them hi bud thud un gwin. Dikenn i drake, faige un phabja, hoi kote bares wan!

5. Mose 10:15

Tumare phuren kamas lo o djijestar. Un tumer, kai lendar wan, rodas lo peske win mank i menshende dran an i tsele wawar themma. Un ninna kau diwes han tumer leskre wi-rodede menshe.

Remarja 8:31

Hoi te penas mer budeder? O Dewel hi ap mari rig! Koon nai krell menge i tchilatchepen? Kek!

Debleskri gili 22:8

Hakeno, kai dikell man, sal pral mande, rissrell peskre jaka, un tchiwell peskro shero ap i rig un penell:

1. Rajengro liil 10:9

Sharedo well o baro Dewel, kai tiro Dewel hi, job, kai dikell latches ap tute, un kras te wal o rai pral o Israel! O baro Dewel kamell peskre menshen Israel an hako tsiro. Doleske tchiwas lo tut pral lende, te wess lengro rai, te aness o tchatchepen pash lende, un hakeno peskro tchatchepen lell.”

Zefanja 3:17

Tumaro baro Dewel hi pash tumende, job hi sorelo un hi ap tumari rig. Leskro dji giwell pral tumende, un job hi tumenge latcho. Tumari doosh lell lo tumendar krik an peskro baro kamlepen, un job dell gole i bachtjatar pral tumende,

Jeremia 32:41

Miro dji sala, te nai krau lenge latchepen. Un me mukau len soreles an kau them well, un jon hunte mukenn les buder gar. Tchatchepah, kowa krau miro tselo djijeha un miri tseli sorjah.

2. Mose 3:8

Me wom tele, te lap len dran o wast kol menshendar an o them Egiptia win, un anau len dran kau them win un dau len i latcho un baro them, kai hi bud thud un gwin. An ko them djiwenn kanna i Kanaanitarja, i Hetarja, i Amorarja, i Perisarja, i Hiwarja un i Jebusarja.

4. Mose 16:14

Hi kawa them i them, kai hi bud thud un gwin? Un dal tu men i hachetikri phub un drakengre themma, kai menge hi? Ma pande kol menshen i jaka! Mer wah gar.”

Josua 14:12

Un kanna de man kol berge, kolendar o baro Dewel an ko diwes rakras! Tu shunal an ko diwes, te djiwenn kol Anakarja koi an bare sorele forja. Te hi o baro Dewel mantsa, palle nai tradap len win, har o baro Dewel kowa penas.”

2. Rajengro liil 18:32

bis te me wau un lau tumen mantsa, un anau tumen an i wawar them, hoi hi jaake har tumaro them. An ko them hi doha djob, mool, maro, drakengre ruka, djeteskre ruka un gwin. Palle nai atchenn djides un hunte merenn gar. Shunenn gar ap o Hiskija! Job chochell tumen, te penell lo ap tumende: ‘O baro Dewel lell men dran lengre wasta win.’