4. Mose 14:5 - O Debleskro Drom 2021 (Sinte)

⁵ Un o Mose un o Aron witsran pen glan i tsele Israelitarja ap pengro mui.

O Debleskro Lab 2024 (Sinte-Manouche)

⁵ Oun o Mose oun o Aron vitsran pen glan i tsele Israelitarya ap pengro mouy.

4. Mose 14:5 Referans Kwoze

4. Mose 16:4

Har o Mose kowa shunas, witsras lo pes ap peskro mui,

4. Mose 16:22

Kol dui mukan pen ap pengro mui te perell, un penan: “Ach Dewel, tu hal o Dewel, kai das hakenes o djipen! Te kras jek mursh i tchilatcho koowa, kameh tu doleske tiri choli pral i tsele menshende te tchiwell?”

Ezekiel 9:8

Un har le kowa kran, atchom me kokres ap i platsa glan o Debleskro kheer pale. Un mukom man ap i phub te perell, un dom pre gole un penom: Baro Dewel, miro rai! Hal tu jaake chojedo pral Jerusalem, te mukess halauteren mulo te dell, kai i Israelendar pral atchan?

1. Familjakro liil 21:16

Un o David dikas pral un dikas ko bolepaskres o baro Deblestar tardo mashkral i phub un o bolepen. An leskro wast his i charo, koleha sikras lo pral o foro Jerusalem. Kote peras o David un i phureder ap pengro mui. Halauter his le an gone an-rido.

Josua 5:14

Un job penas: “Kek kol dujendar! Me hom o pralstuno pral o baro Debleskre lurdende. Un kanna wom kai.” Kote peras o Josua ap peskro mui ap i phub, un mangas les an, un penas ap leste: “Me hom tiro budepaskro. Hoi penell miro rai ap mande, te krap?”

3. Mose 9:24

I jag djas win o baro Deblestar, un chatchras ko mass pre kol viechendar, koleskro tselo mass chatchedo well, ninna kol thulle kotja, hoi ap o Debleskri chatchepaskri tchiddo his. Har kowa i tsele menshe dikan, dan le i bachtjatar gole, un tchiwan pen tele glan o baro Debleste ap i phub.

1. Mose 17:3

Koi mukas pes o Abram ap i phub te perell. Un o Dewel rakras leha un penas:

Debleskro tsiro 7:11

Un i tsele bolepangre his tardo trul o rajeskro beshepaskro un trul i tchatchepangre phurende un trul i star sorele bolepangre. Un jon witsran pen glan o rajeskro beshepaskro tele o mujeha ap i phub, un sharan o Debles.

Debleskro tsiro 5:14

Un kol star sorele bolepangre penan: Amen! Un kol tchatchepangre phure witsran pen glan o Debleste un glan o bakro tele, un sharan len.

Debleskro tsiro 4:10

Hako kopo, kai krenn le kowa, witsrenn pen kol biish-te-star tchatchepangre phure glan koleste tele, kai ap o rajeskro beshepaskro beshdo hi, un sharenn koles, koleskro djipen gar pre-herella. Un jon tchiwenn pengro sherengro sonakai glan o rajeskro beshepaskro tele, un penenna:

Mateo 26:39

Un job djas i kotar drom dureder, witsras pes ap i phub, un mangas o Debles: “Mo dad, te kameh tu, muk kek duka un merepen ap mande te well! Mangau tut: Ma kre, har me kamau! Kre jaake, har tu kameh!”

Daniel 10:9

Un me shunom i laba, hoi job rakras. Un har shunom len, perom har mulo ap miro mui ap i phub.

1. Rajengro liil 18:39

Har i tsele menshe kowa dikan, peran le ap pengre muja un dan gole: “O baro Dewel, job hi o Dewel! O baro Dewel, job hi o Dewel!”

Josua 7:10

Kote rakras o baro Dewel ap o Josua: “Ste pre! Hoske hal tu jaake tiro mujeha ap i phub tchiddo?

4. Mose 14:6

Un o Josua, koleskro dad o Nun his, un o Kaleb, koleskro dad o Jefunne his, his dui kolendar, kai pen an o them trujel dikan. Jon kran pengre koola an kotja i choljatar,

4. Mose 20:6

Koi djas o Mose un o Aron i tsele menshendar krik, pash o wudar glan o Debleskro kheer, un jon witsran pen ap pengro mui. Un o Debleskro railepen mukas pes lendar te dikell.

4. Mose 17:10

“Djan win kol menshendar. Me kamau len ap jek kopo te marell.” Un kol dui witsran pen ap pengro mui.