4. Mose 13:21 - O Debleskro Drom 2021 (Sinte)

²¹ Un jon djan koi, un dikan, har ko them hi an o mulo tato them Zin un dureder pre, o tselo drom bis pash o foro Rehob pash Lebo-Hamat.

O Debleskro Lab 2024 (Sinte-Manouche)

²¹ Oun yon djan koy, oun dikan, har ko them hi an o moulo tato them Tsin oun doureder pre, o tselo drom bis pash o foro Rehob pash Lebo-Hamat.

4. Mose 13:21 Referans Kwoze

4. Mose 33:36

an Kadesh, hoi hi tchiddo an o mulo tato them Zin.

4. Mose 20:1

Un kol tsele Israelitarja wan an o mulo tato them Zin, an o ersto tchon. Un i menshe tchiwan pengre plachtene khera pre pash o foro Kadesh. Un i Mirjam meras koi un was paskedo.

4. Mose 27:14

Kowa well doleske, kai shunan gar ap miro lab an o mulo tato them Zin, har i Israelitarja chojedo his un pal pani gole dan, un tumer mukan man gar te sikrap, te hom tchatchepah o baro un sorelo Dewel, kai nai dell len pani.” Kowa his pash o foro Kadesh an o mulo tato them Zin. Ko pani was kharedo ‘tchingepaskro pani’.

Josua 15:1

Un i barra peran o khereske Juda jaake, te lan le ko kotar them, hoi djas bis pash o them Edom, bis an o mulo them Zin, kote kai o kham pralstunes tardo hi.

Josua 13:5

un ko tselo them, kai i Gebalarja djiwenn, un kote, kai o kham pre-djal kol tsele berge, kai kharenn Libanon, fun o foro Baal-Gad, hoi tella pash i berga Hermon tchiddo hi, bis tele ap o drom, hoi an Lebo-Hamat djal;

Amos 6:2

[Tumer penenn ap i menshende:] Djan an o foro Kalne! Un dikenn, har ko foro hi! Un kotar djan dureder pash o baro foro Hamat! Palle djan tele pash i Filistarja an o foro Gat! Hi le sorleder har kal themma Juda un Israel? Hi lengro them bareder har tumaro them? Na-a!

2. Samuel 8:9

Ko rai pral o foro Hamat – leskro lab his Toi, – his an o kurepen o rajeha Hadad-Eser. Har o Toi kanna shunas, kai maras o David koleskre tsele lurden, bitchras lo peskro tchawes, o Joram, pash o baro rajeste David, un parkras pes pash leste un mukas les te penell, te well les bud bacht, un anas peha rupene koola un sonakangre koola un sawe dran lolo saster.

5. Mose 32:51

Tumer dui nai djan gar an o them dren doleske, kai shunan gar ap mande, har hans pash ko pani, hoi kharell Meriba-Kadesh an o mulo them Zin. Un i Israelitarja dikan, har hadan tumer man gar, un mukan man gar te sikrell, te hom me o tchatcho Dewel.

5. Mose 1:24

Kolla kran pen ap o drom, un djan pre an o pralstuno them, un wan bis pash i tala Eshkol, un dikan pen kote trujel.

Jeremia 49:23

Laba pral o foro Damaskus. I menshe an i forja Hamat un Arpad shunan tchilatcho koowa. Jon lan bari daar un djinenn gar, hoi te krenn. I traash well pral lende har o baro pani, hoi gar tardo atchell.

Jeremia 52:9

I lurde dran o them Babilonia lan o baro rajes Zedekja, un pandan les un anan les pash o baro rajeste pral o them Babilonia an o foro Ribla, hoi an o them Hamat tchiddo hi. Un job rakras i phagi pral leste win.

Ezekiel 47:16

un dureder bis pash i forja Berota un Sibrajim, hoi kote tchiddo hi, kai o them trul Damaskus khetne well ko themeha trul Hamat. Fun kotar djal o them Israel dureder bis pash o foro Hazar-Enan, hoi pash o them tchiddo hi, hoi trul i berga Hauran hi.

4. Mose 34:8

Un kotar dureder bis kote, kai djal an Hamat, un dureder pash Zedad,

Čačepangre 18:28

Un kek his koi, kai len nai dran lengre wasta win las. Ko foro Lajish his dur krik o forestar Sidon, un his tchiddo an o telstuno them pash Bet-Rehob. Un i menshe djiwan peske kokres. Un i Danarja kran ko foro pale newes un djiwan koi.