4. Mose 1:4 - O Debleskro Drom 2021 (Sinte)

⁴ Lenn deesh-te-dui murshen, jek dran haki bari familja, hoi well kol deesh-te-dui Jakobeskre tchawendar, te wenn le ap tumari rig pash koi budi. Kal mursha hunte wenn i pralstune pral pengre menshende.

O Debleskro Lab 2024 (Sinte-Manouche)

⁴ Lenn deesh-te-douy morshen, yek dran haki bari familya, hoy vell kol deesh-te-douy Yakobeskre čavendar, te venn le ap t'mari rig pash koy boudi. Kal morsha hounte venn i pralstoune pral pengre menshende.

4. Mose 1:4 Referans Kwoze

4. Mose 1:16

Kolla wan wi-rodedo dran i tsele Israelitarja. Hakeno his o pralstuno pral peskre menshende. Un jon wan i pralstune pral kol bud serja menshende an Israel.

2. Mose 18:25

Jaake rodas o Mose peske tchatche murshen win un kras lendar pralstune pral i Israelitarja: Pralstune pral i serja un pralstune pral i sheel, ninna pral i paash-sheel un pral deesh.

Josua 22:14

Un khetne leha djan deesh pralstune, dran hako baro kheer jek. Hakeno lendar his i pralstuno pral peskri familja.

5. Mose 1:15

Un me lom i pralstune murshen dran tumare bare familjen, gosewe un an-dikle murshen un tchiwom len pral tumende, te wenn le tumare tchatchepangre mursha. Jon wan pralstune pral 1.000 (jek sero), pral 100 (jek sheel) un pral 50 (i paash-sheel) un pral 10 (deesh).

4. Mose 25:14

Ko mursh dran Israel, kai was mulo dino khetne koi Midianetsa, kharas Simri, leskro dad his o Salu. Kowa his i pralstuno i menshendar Simeon.

4. Mose 25:4

Un job penas ap o Moseste: “Le kol tsele pralstunen pral i Israelitarja un pande len glan mande pre, mashkral o diwes, te dikell len hakeno. Palle lau miri bari choli i menshendar Israel krik!”

2. Mose 18:21

Tu, rode tuke dran i tsele menshende tchatche murshen win, hoi ap o Debleste shunenna, sawe mursha, hoi pengro lab rikrenna, un kekes i lowenge chochenna! Un kolen tchip pral i Israelitarja! Kre pralstunen lendar pral i serja, wawaren pral i sheel, un pale pral i paash-sheel un pral deesh.

4. Mose 30:1

Un o Mose penas kol Israelenge halauter, hoi o baro Dewel leske penas.

1. Rajengro liil 8:1

Kote mukas o baro rai Salomo i phureden an Israel pash peste well an o foro Jerusalem: kolla, kai his i pralstune pral i deesh-te-dui bare khera o Jakobeskre deesh-te-dui tchawendar, un i pralstune pral lengre tsele familje. Khetne lentsa kamas job o baro Debleskro mochton, kai o Debleskre deesh laba dren tchiddo hi, an o Debleskro kheer te anell. Ko mochton his tchiddo an o Davideskro foro ap i berga Zion.

4. Mose 1:44

Kalla hi kol mursha, kolengre laba o Mose un o Aron un kol deesh-te-dui pralstune pre-tchinan. Hakeno kol deesh-te-dujendar his i pralstuno pral peskre menshende.

4. Mose 4:34

Un o Mose un o Aron khetne kol pralstunentsa tchinan i laba kol murshendar an i liil, kai wan pal o Kohat. Hakenestar tchinan le pre dran hawi familja job was un koon leskro dad his.

4. Mose 7:2

Koi wan kol pralstune pral i Israelitarja un anan kutch koowa o Debleske. Hakeno his o pralstuno pral jek kol deesh-te-dui bare familjendar, kai wan kol deesh-te-dui Jakobeskre tchawendar. Un jon his kolla, kai tchinan i laba kolendar pre, kai an lengre familje hi.