3. Mose 8:23 - O Debleskro Drom 2021 (Sinte)

²³ Un o Mose maras les, las leskro ratestar un makas les tella ap o Aroneskro tchatcho kand, ninna ap o pesso gushto ap leskro tchatcho wast, un ap o baro tsebo leskro tchatcho pirestar.

O Debleskro Lab 2024 (Sinte-Manouche)

²³ Oun o Mose maras les, las leskro ratestar oun makas les tella ap o Aroneskro čačo kand, ninna ap o pesso goushto ap leskro čačo vast, oun ap o baro tsebo leskro čačo pirestar.

3. Mose 8:23 Referans Kwoze

2. Mose 29:20

Palle mare les, le leskro ratestar un tchip les tella ap o Aroneskro tchatcho kand, ninna ap i tchatche kanda leskre tchawenge! Ninna ap o pesso gushto ap lengro tchatcho wast, un ap o baro tsebo ap lengro tchatcho piro tchiwess tu o rat. O tselo wawar rat tchoress tu trul o Debleskri chatchepaskri win.

3. Mose 14:17

Palle makell lo ko djetestar, hoi an leskro serwo wast pral atchas, tchomone tella ap o tchatcho kand un ap o tchatcho pesso gushto un ap o tchatcho tsebo kolestar, kai sasto was, ap ko rat hoi lo glan kowa kote pre makas.

3. Mose 14:14

O rashai lell o ratestar ko viechestar, hoi maredo was, te well o mensho pale erligo glan o Debleste, un makell tchomone tella ap o tchatcho kand kolestar, kai sasto was, ninna ap leskro tchatcho pesso gushto un ap o tchatcho pesso tsebo.

Filiparja 2:17

Me anom tumen ap o Debleskro drom. Doleske hom me glan leste tardo har i rashai, kai anell leske tumaro patsepen. Ninna te meroms pash miri budi o Jesus Kristeske, hom me kanna bachtelo tumentsa khetne pral tumaro patsepen.

Filiparja 1:20

Me patsau te rikrell man o Dewel an o wast, un kamau o tselo djijestar te krap tchi, kai hunte ladjap man glan leste. Kamau gar, te trashap i menshendar. Jaake har rakrom hako tsiro o Jesus Kristestar, un trashom lendar gar, jaake kamau les ninna kanna an o stilepen te krell, ninna te hunte merap, te dikenn i menshe ap miro djipen un ap miro merepen, har baro un railo o Jesus Kristo hi.

1. Korintarja 6:20

O Dewel plaissras tumenge peskro tchaweskro rateha. Doleske sharenn les tumaro tselo djipah!

1. Korintarja 1:30

O Dewel kras, te wan tumer ap o Jesus Kristeskro drom. Kanna djinah, hoi tchatchepah goswepen hi. O Jesus Kristo kras men tchatcho glan o Debleste. Job rodas men win, te was leske koi, un las mari doosh mendar krik.

1. Korintarja 1:2

ap i patslende, kai wenn khetne an o Debleskro lab an o foro Korint. Kolen rodas o Dewel win, te wenn le leskre tchawe, un te djiwenn o Jesus Kristeha khetne. Kau liil hi ninna kol tsele wawarenge, kai o Jesus Kristes an hake gaba un forja an-mangenna. Job hi lengro un maro rai.

Remarja 12:1

Mire phrala, o Dewel hi kamlo ap tumende. Doleske mangau tumen o tselo djijestar: Djiwenn tumaro djipen o Debleske, un wenn leske kokres koi, jaake te well o Dewel bachtelo pral tumende. Te djiwenn tumer jaake, sharenn tumer les. Un kowa hi tumari budi.

Remarja 6:19

Me penom tumenge kowa jaake, te haiwenn man nai. Har hans gomme gar patslo, kran tumer djungelo un tchilatcho koowa. Un o tchilatchepen an tumende was baro un bareder. Kanna hi kowa wawartchandes. Doleske krenn kowa, hoi latcho un tchatcho hi! Jaake djiwenn tumer o Debleskro djipen.

Remarja 6:13

Denn jak, te krenn tchi tumare wastentsa, herjentsa, jakentsa un mujentsa, hoi krell o tchilatchepen ap kai phub sorleder! Djiwenn o tselo djijeha o Debleske, har sawe, kai his mulo, un wan pale djido. Krenn kowa lauter, hoi krell o latchepen sorleder!

3. Mose 14:28

Palle makell lo ko djetestar, hoi an leskro serwo wast pral atchas, tella ap o tchatcho kand un ap o tchatcho pesso gushto un ap o tchatcho tsebo kolestar, kai sasto was, ap ko rat, hoi lo glan kowa kote pre makas.

Hebrearja 5:8

Ninna te his lo o Debleskro tchawo, hunte las job duka ap peste, te krell lo kowa, hoi o Dewel lestar kamas.

Hebrearja 2:10

O Dewel kamas, te wenn bud menshe peskre tchawe, un lenn leskro railepen. Doleske hunte las peskro tchawo duka un merepen ap peste, te nai anell lo len ap ko drom, kai lenn le o Debleskro djipen. Jaake his kowa mishto glan o Debleskre jaka, kai lauter kras, un koleske lauter kerdo was.

1. Tessalonikarja 5:22

Rikrenn tumen pale dran hako tchilatcho koowa!

2. Mose 29:21

Le ko ratestar, hoi ap o Debleskri chatchepaskri hi, un tchip les an o makepaskro djet un witse les ap o Aron un leskre koola un ap leskre tchawende un lengre koola, te well job un leskre koola o Debleske, ninna leskre tchawe un lengre koola, te wenn le o Debleske.

3. Mose 7:37

Kawa hi hoi glan tchinlo was: pral ko viecho, koleskro tselo mass chatchedo well; pral o chapen dran djob, hoi o Debleske anlo well; pral ko viecho, hoi maredo well, te well i doosh un o pale-tchiddo koowa krik lino; pral ko viecho, hoi maredo well, te well o mensheskri doosh pale mishto kerdo; pral ko viecho, hoi maredo well ap ko diwes, kai well o rashai an peskri budi dren tchiddo; pral ko viecho, hoi chan le khetne, koleskre feteder kotja o Debleske chatchedo wan.

3. Mose 14:25

Palle marell lo ko terno bakro un makell o ratestar tella ap o tchatcho kand kolestar, kai sasto was, ninna ap leskro tchatcho pesso gushto un ap o tchatcho pesso tsebo.