3. Mose 7:16 - O Debleskro Drom 2021 (Sinte)

¹⁶ Te das jek pes sowel te dell lo tchomone o Debleste, un anell doleske sau viecho o Debleske, well ko mass ko emligo diwes chalo. Te atchell tchomone pral, nai chan le les o wawar diwes ninna. Jaake hunte well ninna kerdo, te das jek i viecho pestar o baro Debleste.

O Debleskro Lab 2024 (Sinte-Manouche)

¹⁶ Te das yek pes sovel te dell lo čomone o Debleste, oun anell doleske sau firho o Debleske, vell ko mass ko emligo dives rhalo. Te ačell čomone pral, nay rhan le les o vavar dives ninna. Yaake hounte vell ninna kerdo, te das yek i firho pestar o baro Debleste.

3. Mose 7:16 Referans Kwoze

5. Mose 12:6

Un kote anenn kol viechen, hoi kamenn leske te marell, sawe, hoi wenn leske tseles chatchedo, un sawe, kolengro rat leske chatchedo well. Kote anenn ninna o deshto kotar kolestar, hoi tumenge dren anan, un ko wawar koowa, hoi glan tchinlo hi, un kowa hoi denna jaake, har tumen sowel dan, ninna kowa, hoi hakeno pestar della, un sawe bakre un gurma, kai i phureder lengre dajendar hi.

Ezekiel 46:12

Un te kamell o rai i viecho pestar o baro Debleske te anell, nai well sawo viecho, hoi well tseles chatchedo, nai well sawo viecho, hoi chan le khetne glan o baro Debleste, palle well leske o baro wudar pre kerdo, hoi ap koi rig hi, kai o kham pre djal, te nai well o dren, har lo ap o Debleskro diwes ninna dren well. Un palle djal lo pale koi win. Un o baro wudar hunte well pal leste pandlo.

Debleskri gili 116:18

Glan tire tsele menshende anau tuke, hoi dom man sowel glan tute,

Debleskri gili 116:14

Glan peskre tsele menshende anau o baro Debleske kowa, hoi dom man sowel glan leste.

Debleskri gili 66:13

Doleske kamau an tiro kheer te djal, te anap tuke viechen, hoi tuke chatchedo wenna. Kamau te dap tut, hoi dom man sowel glan tute.

5. Mose 12:26

Ko wawar koowa, hoi glan tchinlo hi, hoi hunte denn o Debleste, ninna koleske sowel dan, te denn les leste, kowa anenn ap koi platsa, hoi o baro Dewel peske win rodell.

5. Mose 12:17

Kolestar, hoi o baro Debleske hi, ma chan: ko deshto tumaro djobestar, moljatar un djetestar, witar gar kol grumja un bakre, hoi i phureder lengre dajendar hi, witar gar kowa koleske tumen sowel dan, un kowa hoi kamenn tumendar kokres te dell, un ko wawar koowa, hoi glan tchinlo hi.

5. Mose 12:11

Palle hi wawartchandes har kanna: Palle anenn kowa, hoi denn o baro Debleste, ap koi platsa, hoi job peske win rodas, te well lo kote an-mangedo. Kote anenn lauter, hoi me tumenge penau: kol viechen, hoi kamenn leske te marell, sawe, hoi wenn leske tseles chatchedo un sawe, hoi chan khetne. Kote anenn ninna o deshto kotar kolestar, hoi dren anan, un ko wawar koowa, hoi glan tchinlo hi, un kowa hoi denna jaake har tumen sowel dan.

4. Mose 15:3

un tumer anenn i vieches tumare grumjendar un bakrendar chatchepaske o baro Debleske, hunte denn tumer i chapen koi pashel. Krenn kowa pash hako viecho, hoi mange anenn: pash ko viecho, hoi well tseles chatchedo mange; pash ko viecho, hoi chan tumer khetne glan mande; pash ko viecho, koleha i mensho sikrell, te das lo pes sowel, te dell lo man tchomone; pash ko viecho, hoi kamell i mensho pestar mande te dell; pash ko viecho, hoi chatchrenn tumer mange ap tumare bare diwessa. O latcho sungepen kol viechendar hi mishto mange. Ko chapen, hoi anenn pashel, hunte well jek kilogrammi latcho jarro, un jek litari djet. Kowa well halauter khetne kerdo.

3. Mose 23:38

Ninna rikrenn tumer hako kurko o Debleskro diwes dren! Un anenn o baro Debleske ko wawar koowa, hoi glan tchinlo hi, un kowa, hoi tumer tumendar denn, un kowa, hoi tumer sowel dan, leske te dell.

3. Mose 22:29

Te marenn tumer i vieches o baro Debleske, te parkrenn tumen koleha pash leste, palle chan les ap ko emligo diwes, te dikell o baro Dewel latches ap tumende! Ma mukenn tchomone pral bis ap o wawar diwes! Me hom o baro Dewel.

3. Mose 22:23

Grumja un bakre, kolen i lengsteder heri hi oder i tikneder heri, sau vieches nai anell jek glan o baro Debleste, te dell lo les pestar kokres. Te anell lo les, te rikrell lo peskri sowel dren, hi kowa gar latcho glan o baro Debleskre jaka.

2. Mose 35:29

Jaake anan i Israelitarja, mursha un djuwja, kolengre djia chatchan, bud koowa pendar, te well koi tseli budi kerdo, hoi o baro Dewel o Moseske penas.

Gosewe laba 7:14

Kau diwes anom o Debleske i viecho, jaake har leske sowel dom. Ko mass hi khere pash mande.