3. Mose 7:1 - O Debleskro Drom 2021 (Sinte)

¹ Jaake hunte well kerdo ko viecheha, hoi i menshe anenn, te well lengri doosh pale mishto kerdo. O mass sau viechestar nai chan kokres i rashaja un kek wawar.

O Debleskro Lab 2024 (Sinte-Manouche)

¹ Yaake hounte vell kerdo ko firheha, hoy i menshe anenn, te vell lengri doosh pale mishto kerdo. O mass sau firhestar nay rhan kokres i rashaya oun kek vavar.

3. Mose 7:1 Referans Kwoze

3. Mose 6:17

Un o baro Dewel penas ap o Moseste:

3. Mose 5:14

Un o baro Dewel penas ap o Mose:

Ezekiel 46:20

Un job penas ap mande: Kowa hi koi isema, kai kerenn i rashaja ko mass kol viechendar, hoi maredo wan, te well i doosh pale mishto, ninna kol viechendar, kai maredo wan, te well i doosh un o pale-tchiddo koowa krik lino, un kai le pengro maro pekenn dran ko djob un dran ko djet, hoi o Debleske dino was. Jon hunte hidjrenn kowa gar ap i bari glanstuni platsa, te taprenn gar i menshe kowa an, hoi o Debleske hi.

Ezekiel 44:29

Lengro chapen lenn le kolestar, hoi glan mande anlo well, ko djobestar un kol viechendar, hoi maredo wenn, te well i doosh un o pale-tchiddo koowa krik lino, un kol viechendar, hoi wenn maredo, te well lauter pale mishto. Ninna lenn le halauter, hoi i menshe mange ap i rig tchiwan.

Ezekiel 40:39

Un an i wudareskri halla fun kau wudar his star chapangre tardo, dui ap haki rig. Un ap lende wenn kol vieche maredo, hoi o Debleste dino wenn, kolla kai wenn tseles chatchedo, un kolla kai wenn maredo, te well i doosh krik lino, ninna kolla kai wenn maredo, te well lauter pale mishto.

4. Mose 6:12

te well lo newes o baro Debleske koi ko tsireske, kai das lo pes sowel. Un job hunte lell i bakro, hoi jek bersh phuro hi, un dell les o Debleste, te well halauter pale mishto. Kol diwessa glan te wan leskre balla pale-tchiddo, his tchitcheske.

3. Mose 21:22

Ko chapen, hoi o Debleske anlo was, nai chal lo, ninna ko chapen, hoi kokres i rashajenge hi.

3. Mose 5:11

Te hi kowa, kai doosh ap peste anas, jaake tchorwelo, te nai anell lo gar dui taube, palle anell lo jek kilogrammi latcho jarro o baro Debleske, te well leskri doosh krik lino. Job hunte tchiwell kek djet pre, witar kek sungepaskro koowa. Kawa hi i chapen, hoi o Debleske anlo well, te well i doosh krik lino.

3. Mose 5:8

Job anell len pash o rashajeste. Un kowa anell glanstunes koi tauba hoi i doshake anlo was, un phagell lake i meen, o shero tele tchinell lo lake gar.

3. Mose 5:7

Te hi ko mursh tchorwelo un nai anell kek bakri witar kek busni, nai anell lo dui taube. Kolla nai hi dui diwje taube oder dui wawar taube, jek, te well i doosh krik lino, un jek, hoi o baro Debleske tseles chatchedo well.

3. Mose 5:15

Te dals jek gar o baro Debleste, hoi hunte dals lo leste, chochras lo o baro Debles, ninna te djinas lo kowa gar. Job hunte anell o Debleske i bakro, hoi sasto hi, te well leskri doosh pale mishto. Kau bakro hunte well jaake bud rupene beme moldo, har tu peneh. Jek rupeni bema hi jaake pharo har i rupeni bema an o Debleskro kheer hi.

2. Familjakro liil 31:14

Un jek Levitari, o Kore, koleskro dad o Jimna his, job das jak ap o wudar ap koi rig, kai o kham pre djala, un was kanna dren tchiddo te dell lo garda ap ko koowa, hoi i menshe pendar o baro Debleske dan. Un job hunte das kowa ap i rashajende un i Levitarjen win, hoi lengro kotar hi, ninna kol kotja mass, hoi kokres i rashajenge his.