3. Mose 6:21 - O Debleskro Drom 2021 (Sinte)

²¹ Te was ko mass keredo an i piri, hoi dran tchik kerdo was, hunte well koi piri an kotja phagedo. Te was ko mass an i sasterni piri keredo, palle well li sorjah un panjeha win thodo.

O Debleskro Lab 2024 (Sinte-Manouche)

²¹ Te vas ko mass keredo an i piri, hoy dran čik kerdo vas, hounte vell koy piri an kotya phagedo. Te vas ko mass an i sasterni piri keredo, palle vell li zoryah oun panyeha vin thodo.

3. Mose 6:21 Referans Kwoze

3. Mose 2:5

Te kameh i merkli te anell, hoi peklo hi ap i sasterno tcharo, palle le jarro, kai kek shutlo jarro dren hi, un hoi kerdo hi o djeteha.

3. Mose 7:9

Un o tselo chapen dran djob, hoi an o bob peklo was, an i piri keredo was, oder an i sasterno tcharo peklo was, kowa hi ko rashajeske, kai ko chapen glan o baro Debleste anas.

1. Familjakro liil 9:31

Un o Mattitja, jek kol Levitarendar, – job his o phureder tchawo o murshestar Shallum dran o kheer Korach – kowa das garda, te was hako tsiro o maro peklo, hoi was o Debleske dino un chatchedo.

3. Mose 6:22

I tsele mursha un mursh tchawe an i rashajengre familje nai chan kau mass. Jon kokres doleske, kai kau mass ko viechestar was, hoi o baro Debleske anlo was.

3. Mose 7:12

Te anell jek les, te kamell lo pes pash o baro Debleste te parkrell, palle hunte anell lo ninna merklia kerdo djeteha, an kolende kek shutlo jarro hi, un sane mare an kolende kek shutlo jarro hi, kai djet pral maklo was, ninna merklia kerdo dran latcho djob un djet.

1. Familjakro liil 23:29

Lengri budi his, te dikenn le pal o Debleskre mare, pal ko latcho jarro, hoi leske chatchedo well, un pal o maro, hoi kek shutlo jarro dren hi, un pal o peklo chapen, kai djet dren hi. Ninna hunte dikenn le, kai kol barra, hoi ap waga tchiddo wenn, o tchatcho pharepen sikrenn, un kol kashta, hoi o lengstepen sikrenn, kowa tchatches krenna.

3. Mose 11:33

Te perell sau mulo viecho an i piri, hoi dran tchik kerdo was, palle well lauter, hoi an koi piri hi, pale-tchiddo. Sawi piri hunte phagenn tumer paash.

3. Mose 15:12

Kol tchare, hoi dran tchik kerdo hi, un kolen ko nasselo an-tapras, hunte wenn paash dino. Halauter, hoi dran kasht kerdo was, un kolestar an-tapedo was, hunte well an pani tele thodo.