3. Mose 5:2 - O Debleskro Drom 2021 (Sinte)

² Te taprell jek tchomone an, hoi pale-tchiddo hi, nai well i mulo diwjo viecho, nai well i wawar mulo viecho, ninna i tikno mulo viecho, hoi djal pral i phub, palle hi lo pale-tchiddo, un anas doosh ap peste, ninna te haiwas lo gar, hoi lo kras.

O Debleskro Lab 2024 (Sinte-Manouche)

² Te taprell yek čomone an, hoy pale-čiddo hi, nay vell i moulo divyo firho, nay vell i vavar moulo firho, ninna i tikno moulo firho, hoy djal pral i phoub, palle hi lo pale-čiddo, oun anas doosh ap peste, ninna te hayvas lo gar, hoy lo kras.

3. Mose 5:2 Referans Kwoze

3. Mose 5:17

Te krell jek tchomone, kolestar o baro Dewel penas, te krell lo les gar, anas lo i doosh ap peste, ninna te djinas lo gar, te penas o baro Dewel: “Ma kre kowa!”

5. Mose 14:8

Un o bales hunte chan gar, ninna te hi les pre phagede pire. O balo chal o chapen gar dui kope. Pale-tchiddo well lo tumenge. O mass kek kal viechendar hunte chan. Witar gar taprenn len an, te hi le mulo.

Haggai 2:13

O Haggai putchas pale: “Te taprals jek i mules an un wals jaake pale-tchiddo, un palle taprals lo o chapen an, wals ko chapen ninna pale-tchiddo?” “Awa”, penan i rashaja, “ko chapen wals pale-tchiddo.”

3. Mose 11:11

Ma chan leskro massestar! Un te hi sau viecho mulo, well lo tumenge pale-tchiddo.

2. Korintarja 6:17

Doleske penell o Dewel: Djan kolendar krik, kai sharenn wawar koowa! Ma awenn lentsa khetne! Lenn tchi an tumare wasta, hoi hi pale-tchiddo glan mire jaka! Palle lau tumen kamles pash mande pre.

Louka 11:44

Tumer Farisarja, hoi tumer krenna, ko hi gar mishto. Tumer han har i handako, hoi tele an i phub hi. Un i menshe djan pral wergel, un djinenn gar, kai i mule koi paskedo hi.”

Jesaja 52:11

Djan win! Djan win! Djan kotar win, un taprenn tchi an, hoi pale-tchiddo hi! Tumer rashaja, kai hidjrenn o baro Debleskro koowa, djan dran Babilonia win, un thowenn tumen jaake har glan tchinlo hi, te han djudjo glan o Debleste!

Debleskri gili 19:12

Miro rai, me mukau tire laba ap miro dji te rakrell. Koon rikrell pes ap lende, koleske djal mishto.

3. Mose 7:21

Te taprell jek tchomone an, hoi pale-tchiddo hi, i menshestar oder i viechestar oder i wawar pale-tchiddo koowa, un palle chal lo kau mass, hoi glan o baro Debleste anlo was, kowa well infam un hi buder kek Israelitari.

3. Mose 5:4

Te dell jek pes sowel, jaake te rakrell leskro mui sik, un job haiwell pal i tsiro, hoi lo kras, – hi jek, te hi kowa, hoi lo penas, latcho oder tchilatcho leske – palle anas lo i doosh ap peste.

3. Mose 4:13

Te kran i tsele Israelitarja tchomone, hoi gar tchatcho his glan o Debleskre jaka, anan le doosh ap pende, ninna te djinan le gar, te penas o baro Dewel, te krenn le kowa gar.

3. Mose 5:3

Ninna te taprell lo ap i mensheste, kai hi pale-tchiddo, hoi kowa ninna hi, palle anas lo doosh ap peste, ninna te haiwas lo gar, hoi lo kras.

3. Mose 11:8

O mass kek kal viechendar hunte chan. Witar gar taprenn len an, te hi le mulo. Pale-tchiddo wenn le tumenge.

4. Mose 19:22

Un halauter, hoi ko pale-tchiddo an-tapella, well pale-tchiddo. Un koon koles an-tapella, kai pale-tchiddo hi, hunte well pale-tchiddo bis ap i rati.