3. Mose 3:6 - O Debleskro Drom 2021 (Sinte)

⁶ Te kamell jek o baro Debleske i bakro oder i busni te anell, hoi chan i menshe khetne glan leste, palle nai well ko viecho i murshengro viecho har ninna i djuwjengro viecho. Kau viecho hunte well sasto.

O Debleskro Lab 2024 (Sinte-Manouche)

⁶ Te kamell yek o baro Debleske i bakro oder i bouzni te anell, hoy rhan i menshe khetne glan leste, palle nay vell ko firho i morshengro firho har ninna i djouvyengro firho. Kava firho hounte vell sasto.

3. Mose 3:6 Referans Kwoze

Efesarja 1:10

Te well o tchatcho tsiro, anell lo halauter khetne, hoi hi an o bolepen un ap i phub. Un o Jesus Kristo well o rai pral halauter.

Galatarja 4:4

Har ko tchatcho tsiro was, bitchras o Dewel peskro tchawes. Kowa was i mensho, un pandlo ap o Moseskre laba.

Galatarja 3:28

Jaake djiwah lauter o Jesuseha khetne. Kanna hi jek, koon tumer han: bibolde un kolla, kai kek bibolde hi, budepangre un raja, mursha un djuwja. An o Jesus Kristeste hi jek har o wawar.

Bičepangre 4:27

Tchatchepah, jon wan lauter an kau foro khetne: O Pilato, o Herodes, i Remarja, un i tsele bibolde dran bud themma. Jon hi chojemen ap tiro budepaskro Jesus, kai tutar was. Koles rodal tu win, maro Dewel, te well lo baro rai.

Jesaja 60:7

I tsele bakre dran Kedar un Nebajot wenn anlo pash tute, te wenn le maredo un chatchedo o baro Debleske, te dikell lo latches ap tute. Un jaake krell o baro Dewel peskro railo kheer gomme shukeder.

3. Mose 1:10

Te kamell jek i bakro oder i busni o baro Debleske te anell, te well ko viecho tseles leske chatchedo, palle anell lo i murshkano viecho, hoi gar nasselo hi.

3. Mose 1:2

Rake i Israelentsa un pen lenge: Te kamell i mensho tumendar i vieches o baro Debleske te anell, palle lell lo jekes peskre grumjendar, peskre bakrendar oder peskre busjendar.

3. Mose 22:20

Te anenn tumer leske i vieches, hoi gar sasto hi, dikell lo gar latches ap tumende.

4. Mose 15:5

Anenn ninna mool koi pashel! Pash hako terno bakro, hoi well tseles chatchedo, tchorenn jek litari mool, ninna pash hako terno bakro, hoi chan tumer khetne glan o Debleste.

3. Mose 19:5

Te anenn tumer i viecho o baro Debleske, te chan les khetne glan leste, palle krenn kowa jaake, te dikap latches ap tumende!

3. Mose 23:19

Koi pashel anenn leske i mursh busni, te well tumari doosh un tumaro pale-tchiddo koowa krik lino. Marenn ninna dui bakre, hoi jek bersh phuro hi, te chan len khetne glan o baro Debleste.

4. Mose 6:14

Un job hunte dell o baro Debles i bakro, jek bersh phuro un sasto, te well kowa tseles chatchedo o Debleske. Ninna dell job o Debles i bakri, jek bersh phuro un sasto, te well leskri doosh krik lino. Un pale anell lo leske i wawar sasto mursh bakro, hoi chan le khetne glan o Debleste.