3. Mose 26:4 - O Debleskro Drom 2021 (Sinte)

⁴ palle mukau me brishin te dell an ko tsiro, kai hunte well. Un o them mukell tumenge lauter bares te well, un i ruka hidjrenn pengre rukengre.

O Debleskro Lab 2024 (Sinte-Manouche)

⁴ palle moukau me brishin te dell an ko tsiro, kay hounte vell. Oun o them moukell t'menge lauter bares te vell, oun i rouka hidjrenn pengre roukengre.

3. Mose 26:4 Referans Kwoze

Zakarie 8:12

Na-a, kanna nai witsrenn le djob an i phub kek darjah. I drakengre ruka hidjrenn drake, i phub anell senlepen win, un o bolepen dell brishin. Un kolenge, kai pral atchan kal menshendar, dau kowa lauter, te atchell kowa lenge.

Debleskri gili 67:6

Maro Dewel, mu parkrenn pen pash tute i menshe dran hake themma, mu sharenn le tut halauter!

Ezekiel 36:30

Me krau, te anenn i ruka bud rukengre. Un kowa hoi ap i phub pre djal, well bud un budeder. I menshe dran wawar themma nai san buder gar pral tumende, doleske, kai hi tumen tchi te chal.

Jesaja 30:23

Palle dell o baro Dewel brishin ap o djob, hoi tu ap tiro kotar phub win witsral. Un tiri phub anell jaake bud djob win, te well tut budeder har doha maro. Un tire viechen well doha senlepen te chal ap i buchlo senelo them.

Hiob 5:10

Job dell brishin ap i phub, un mukell pani ap o them te perell.

5. Mose 28:12

Job krell tumenge o bolepen pre un dell brishin an o tchatcho tsiro ap tumaro them, un tchiwell peskri bacht ap halauter, hoi tumer krenna. Un tumer patsenn i menshenge an bud themma. Lendar hunte patsenn tumenge tchi.

5. Mose 11:14

Palle dell job o brishin ap tumaro them an peskro tsiro, an o nijal un an o wend, te nai anenn tumaro djob dren, ninna tumari mool un djet.

3. Mose 25:21

Palle penau me: Me tchiwau miri bacht ap tumari phub an o shobto bersh, te anell i phub jaake bud djob win, te rikrell kowa triin bersha.

Bičepangre 14:17

Ninna te djinans tumer tchi lestar, hunte dikans, kai o Dewel djiwella. Job kras bud latcho koowa tumenge. Job dell tumen brishino dran o bolepen, te well lauter ap i phub baro. Job dell tumende te chal, un i bacht an tumaro dji.”

Mateo 5:45

Jaake han tumer tchatchepah tchawe o baro Deblestar, kai hi tumaro dad an o bolepen. Job mukella o kham pre te djal kol tchilatchenge un kol latchenge. Un job dell brishin ap kolende, kai pal o tchatchepen djiwenna, ninna ap kolende, kai tchilatcho koowa krenna.

Debleskri gili 85:12

Kate ap kai phub rikrah mer soreles ap o Debleste. Un dran o bolepen well o Debleskro tchatchepen ap mende.

Debleskri gili 68:9

kote trissas i phub, un o bolepen das baro brishin glan tute, o Debleste ap i berga Sinai, awa, glan o Debleste pral o Israel.

Debleskro tsiro 11:6

Len hi i soor, te rikrenn le o brishin pale, jaake te dell kek brishin ap ko tsiro, kai jon o Debleskro lab penenna. Un len hi i soor pral o pani, te nai krenn le dran kol tsele panja rat. Ninna hi len i soor, te nai anenn le haki bibacht pral i phub, jaake bud kope, har jon kamenna.

Jakobo 5:7

Mire phrala, dikenn ap o diwes, kai well maro rai Jesus pale, un awenn gar khino an tumare djia, jaake har i hacho dikell ap ko diwes, kai peskro kutch djob bares was. Job djinell, o brishin hunte well un krell i phub sapeno, un pal i tsiro hunte dell pale brishin, te well o djob bares. O tselo tsiro well o hacho gar khino an peskro dji.

Jeremia 14:22

Kek dewel, koles i menshe an wawar themma an-mangenna, nai bitchrell brishin! Witar gar dell o bolepen dran peste brishin! Na-a, maro baro Dewel, tu hal kowa, kai krell sawo koowa. Doleske dikah ap tute.

Jesaja 5:6

Un me mukau ko them tchiddo, har lo hi. I ruka wenn gar pale tchinlo, un i phub gar trujel witsedo. Palle wenna subjengre burra un subjengro senlepen bares koi pre. Un me penau o brishineske, te perell lo gar koi tele.

Debleskri gili 104:13

Dran o bolepen deh tu brishin ap i berge, un kreh te well i phubjat doha pani.

1. Rajengro liil 17:1

O Elija dran o gab Tishbe an o them Gilead penas ap o Ahab: “Me penau tuke an o lab o baro Deblestar, kai o Israeleskro djido Dewel hi, glan koleste hom me tardo: An kol bersha, hoi kanna wenna, dell kek brishin, witar gar djal i sapeno ducho pre dran i phub, bis te penau me kowa.”

3. Mose 25:19

Un o them anell tumenge jaake bud win, te hi tumen doha chapaske. Un tumer nai djiwenn an kau them, un tumen hunte well kek daar.

5. Mose 11:13

Jaake shunenn ap kol laba, hoi tumenge kau diwes penau, te kamenn tumaro baro Debles o tselo djijestar un wenn leske koi tumari tseli sorjah.

Debleskri gili 67:7

I phub mukas latcho chapen bares te well; o Dewel, maro Dewel das men bacht.

Debleskri gili 85:13

Awa, o baro Dewel mukell menge mishto te djal, un mari phub anell menge bud chapen.

Joel 2:22

Tumer diwje vieche, ma darenn! I phub well senelo, un i ruka hidjrenn pengre rukengre. Dell bud faige un drake.