3. Mose 26:15 - O Debleskro Drom 2021 (Sinte)

¹⁵ un krenn gar, hoi tumendar kamau, un djiwenn gar pal miro tchatchepen, un rikrenn jaake gar dren, hoi tumentsa win krom,

O Debleskro Lab 2024 (Sinte-Manouche)

¹⁵ oun krenn gar, hoy t'mendar kamau, oun djivenn gar pal miro čačepen, oun rikrenn yaake gar dren, hoy t'mentsa vin krom,

3. Mose 26:15 Referans Kwoze

2. Rajengro liil 17:15

Un jon rikran gar leskre laba. Un ko lab, hoi das lo lengre phurende, kai lo penas, te hi lo lengro Dewel un jon leskre menshe, ko lab his lenge tchi moldo. Jon mukan pen gar lestar trad te dell, un nashan kol deblen palla, hoi tchi molenna. Un jaake djiwan le tchitcheske. Jon kran sawo koowa har kol menshe an i themma trul lende, kolendar o baro Dewel lenge penas, te krenn le gar har jon krenna.

5. Mose 31:16

O baro Dewel penas ap o Mose: “Sik well o diwes, kai mereh. Un pal tiro merepen mukenn i Israelitarja miro drom, un nashenn kol deblenge palla ko themestar, an koleste wenna. Un jon djan penge mandar, un krenn buder gar, hoi lentsa win krom.

Ezekiel 16:59

Kawa penell o baro Dewel, maro rai: Awa, me krau tuke jaake, har tu kral: Tu dal tut sowel, te rikreh ap mande, un rikral koi sowel gar.

Jeremia 11:10

Jon krenn sawo tchilatcho koowa har lengre phure kran, kai glan lende his, un kaman ap mire laba witar gar te shunell, un nashan kol wawar deblen palla un mangan len an. Jaake rikran kol menshe dran o kheer Israel un dran o kheer Juda kol laba gar dren, hoi krom lengre phurentsa win.

Jesaja 24:5

I menshe ap i phub mukan o Debleskro drom, un rikran pen gar ap leskre laba, un djiwan gar jaake, har lo lentsa win kras, un hoi hako tsireske tchatcho hi. Jaake kran le i phub pale-tchiddo.

4. Mose 15:31

Job shunas gar ap o baro Debleskro lab. Un kowa, hoi o baro Dewel penas, kras job gar. Doleske well job infam, un leskri doosh atchell ap leste.

Hebrearja 8:9

Kau newo drom hi gar jaake, har ko phuro drom, hoi sikrom lende ap ko diwes, kai taprom lengre phuren ap i wasta, te anap len dran o them Egiptia win. Har atchan le gar ap miro drom, mukom len.

1. Tessalonikarja 4:8

Koon kamell kol laba gar te shunell, kowa tchiwell o Debles ap i rig, un gar i menshes. Un o Dewel hi kowa, kai das peskro Ducho an tumende.

Remarja 8:7

Koon kamell jaake te djiwell, har job kamella, kowa kamell gar o Debles. Job shunell gar ap kowa, hoi o Dewel penella. Job nai krell les witar gar.

Bičepangre 13:41

Jaake penas o Dewel: Tumer, kai rikrenn o Debles dineleske, krenn bare jaka i darjatar un merenn! Shunenn, me krau i baro koowa an tumaro tsiro. Kowa patsenn tumer gar, te penell tumenge kowa jek.”

Jeremia 31:32

Kowa hi gar har kowa, hoi lengre phurentsa win krom, har lom len pash o wast un lom len dran o them Egiptia. Kol laba, hoi lende dom, te rikrenn le pen ap lende, phagan le, ninna te hom me lenge i latcho rai.

Jeremia 6:19

I menshe ap i tseli phub hunte shunenn kowa. Me kamau bibacht pral kal menshende te anell. Ap mire laba denn le kek garda, un djan gar ap miro drom. Doleske lenn le pengri phagi.

Gosewe laba 5:12

un peneh: “Har dinelo homs, har dom gar jak, hoi mange penlo was. Hoske shunom gar ap koleste, kai das man trad?

Gosewe laba 1:30

Har penom lenge, hoi lenge latcho hi, kran le kowa gar. Har dom len trad, dikan le krik.

Gosewe laba 1:7

Glan halauter hunte djiwess o baro Debleha, te kameh gosewo te well. Koneske o goswepen tchi moldo hi, un koon kamell tchi te djinell, hi dinelo.

Debleskri gili 50:17

Kowa choirell tut, te hunte rikress tut ap mire laba. Kowa, hoi tuke penom, kameh tu gar te krell.

2. Familjakro liil 36:16

Jon sanan o Debleskre bitchepangren win. Un leskre laba his lenge tchi moldo, un jon rikran o Debleskre rakepangre dineleske. Doleske was o baro Debleskri choli jaake phares pral peskre menshende, te nai wan le gar win lino koi dran.

3. Mose 26:43

Glan kowa hunte djan le dran ko them win, te atchell o them tchiddo, un nai lell pale newi soor an jaake bud bersha, hoi leske gar dren rikedo wan. Un i Israelitarja hidjrenn pengri phagi tele. Jon djiwan gar pal miro tchatchepen, un kolestar, hoi lendar kamom, kaman le tchi te djinell.

2. Mose 24:7

Un job las o liil, kai job dren tchinas, hoi o baro Dewel peskre menshendar kamella, un draweras kau liil i menshenge glan. Un i tsele menshe penan: “Lauter, hoi o baro Dewel penas, kamah mer te krell, un ap leste shunell.”

2. Mose 19:5

Kanna shunenn: Te rikrenn tumer lauter, hoi me tumenge penau, un shunenn ap mire tsele laba, palle han tumer mange kutcheder har i tsele wawar menshe ap kai phub. Ninna te hi i tseli phub miro, han tumer kokres mire menshe,

1. Mose 17:14

Hako mursh, kai gar tchinlo hi ap peskro mass, kowa hunte atchell buder gar djido mashkral peskre menshende. Job rikras pes gar ap kowa, hoi mer win kram.”

3. Mose 26:9

Me dikau latches ap tumende, un krau, te lenn bud tchawe, jaake te wenn bud. Un hoi man sowel dom, te dap tumende, rikrau dren.

3. Mose 26:11

Un me djiwau mashkral tumende, un sikrau tumen gar miro dumo.

1. Samuel 12:15

Tumer te shunenn gar ap o baro Debleste un krenn gar, hoi lo tumenge penell, palle krell o baro Dewel, te djal tumenge djungeles, jaake har ninna tumare phurenge djas.