3. Mose 26:13 - O Debleskro Drom 2021 (Sinte)

¹³ Me, o baro Dewel, hom tumaro Dewel, un anom tumen dran o them Egiptia win, te atchenn gar buder lengre pandle budepangre. Kote hans har grumja, kai hunte budrenn i kashteha trul lengri meen. Ko kashtes phagom me, te nai djan pale pre hadede sherja.

O Debleskro Lab 2024 (Sinte-Manouche)

¹³ Me, o baro Devel, hom t'maro Devel, oun anom t'men dran o them Egiptia vin, te ačenn gar bouder lengre pandle boudepangre. Kote hans har groumya, kay hounte boudrenn i kashteha troul lengri meen. Ko kashtes phagom me, te nay djan pale pre hadede sherya.

3. Mose 26:13 Referans Kwoze

Ezekiel 34:27

te hidjrenn i ruka latche rukengre, un te well bud djob bares ap i hachetikri phub. Un mire menshe djiwenn an pengro them kek darjah. Me phagau kol shelle, kolentsa jon pandlo his. Un lau len win dran i wasta kolendar, kolenge jon hunte budran. Palle dikenn un haiwenn le, te hom me o baro Dewel.

Debleskri gili 116:16

Ach, baro Dewel, me hom jek kolendar, kai tuke budrenn. Awa, tiro budepaskro hom un budrau tuke har miri dai kras. Tu kral i shelle pre, hoi pandan man.

3. Mose 25:38

Me, o baro Dewel, hom tumaro Dewel, un anom tumen dran o them Egiptia win, te dap tumen o them Kanaan, te wap tumaro Dewel.

2. Mose 20:2

Me, o baro Dewel, hom tiro Dewel, koon tut win las dran o them Egiptia, kai tu i pandlo budepaskro hals.

Jeremia 2:20

O baro Dewel penell: Hako tsiro hadal tut pral mande, un kamal mange gar palla te djal. Tu penal: Me kamau kek rai pral mande. Un tchiwal tut koi har i lubni ap i berga tel hako senelo ruk.

3. Mose 25:55

Tumer Israelitarja han mange. Mire budepangre han tumer, kolen anom me dran o them Egiptia win. Me, o baro Dewel hom tumaro Dewel.

Jesaja 51:23

Me dau les kanna an o wast kolendar, kai tiro djipen jaake phares kran, kolla, kai ap tute penan: “Witse tut tele, te djap pral tute wergel!” Un tu kral tiro dumo jaake, te hals jek i phubjah, un hals lenge har o drom, pral koleste jon pral wergel djan.

3. Mose 25:42

I tsele Israelitarja hi mire budepangre, kolen me dran o them Egiptia win anom. Jon nai wenn gar bikedo, te wenn le ginle budepangre.

2. Mose 6:7

Kamau, te wenn tumer mire menshe, un me kamau tumaro Dewel te well. Un tumer dikenn un haiwenn, te hom me, o baro Dewel, tumaro Dewel, kai las tumen win dran i phari budi, hoi i Egiptarja ap tumende tchiwan.

Ezekiel 30:18

An o foro Tachpanes well ko diwes kalo, kai phagau kote koi soor, hoi o themes Egiptia pral wawar themma hi. Leskre bud sorele lurde, ap kolende i Egiptarja jaake bachtelo un pre-phurdo his, wenn krik lino. Kale wolke tchakrenn o foro. Un i menshe dran i gaba trujel wenn an o pandepen anlo.

Hosea 11:4

Latchepah tserdom len, un kamlepah sikrom lenge lengro drom, un hidjrom khetne lentsa ko pharepen ap lengre phika, un me djom ap mire tchanga, te dap len te chal.

2. Mose 14:8

Un o baro Dewel pandas o Faraeskro dji, jaake te las job i Israelitarja palla, har jon i hadede wastentsa bachteles win djan.

Jesaja 9:3

Tu kral, te hi le buder gar pandle budepangre, un phagal ko kasht, koleha jon ap i budi tradedo wan, jaake har ap ko diwes, kai lal i menshen win dran i wasta kol Midianendar.

Jeremia 28:2

“Kowa penell o baro Dewel, ko rai pral o bolepen un i phub, kai o Israeleskro Dewel hi: Me phagom koi soor o baro rajestar dran Babilonia.

Jeremia 28:4

Ninna anau o baro rajes pral Juda pale an kau foro, o Jekonja, koleskro dad o Jojakim his, khetne kol tsele menshentsa, kai dran o them Juda an o them Babilonia pandles anlo wan. Awa, phagau i soor o baro rajestar dran Babilonia. Kowa penell o baro Dewel.”

Nahum 1:13

Kanna phagau koi soor, hoi i Assirjen pral tumende hi, – koi soor, hoi har ko kasht hi, hoi i grumjat trul peskri meen hi. Un kol shelle, hoi pandenn tumen, tchinau paash.