3. Mose 24:8 - O Debleskro Drom 2021 (Sinte)

⁸ Hako kurko ap o Debleskro diwes tchiwell o Aron newe mare glan o baro Debleste. Jaake hunte krenn i Israelitarja hako tsiro, hoi wella.

O Debleskro Lab 2024 (Sinte-Manouche)

⁸ Hako kourko ap o Debleskro dives čivell o Aron neve mare glan o baro Debleste. Yaake hounte krenn i Israelitarya hako tsiro, hoy vella.

3. Mose 24:8 Referans Kwoze

2. Familjakro liil 2:4

Un ko kheer, hoi me kamau te krell, hunte well baro; maro Dewel hi bareder har hako wawar dewel.

4. Mose 4:7

Un pral i chapaskri, kai o Debleskro maro pre tchiddo well, hunte tchiwenn le ninna i blaueti plachta. Un koi pre tchiwenn le kol pirja un roja, kol tchare un khore, kai i mool o Debleske dren wella. Ninna o Debleskro maro hunte well koi pre tchiddo.

1. Familjakro liil 9:32

Lengre phrala, kolla kai wan dran o kheer Kohat, lendar his sawe koi, kai hunte dan jak, te wan hako Debleskro diwes newe mare ap i chapaskri tchiddo an o Debleskro kheer.

Nehemia 10:33

Koi budjake an o Debleskro kheer dell hakeno mendar star gramme rup.

1. Familjakro liil 23:29

Lengri budi his, te dikenn le pal o Debleskre mare, pal ko latcho jarro, hoi leske chatchedo well, un pal o maro, hoi kek shutlo jarro dren hi, un pal o peklo chapen, kai djet dren hi. Ninna hunte dikenn le, kai kol barra, hoi ap waga tchiddo wenn, o tchatcho pharepen sikrenn, un kol kashta, hoi o lengstepen sikrenn, kowa tchatches krenna.

2. Mose 25:30

Ap i chapaskri wenn hako tsiro i Debleskre mare tchiddo, te dikap len.

1. Samuel 21:7

Koi das les o rashai kol Debleskre mare. Kek wawar maro his koi. Kol Debleskre mare his o baro Debleste dino, pale krik lino, har was newo maro koi tchiddo.

2. Familjakro liil 13:11

Haki taissarla un haki rat chatchrenn le viechen o baro Debleske, un koi pashel latcho sungepaskro koowa, un tchiwenn leske mare ap i chapaskri dran djudjo sonakai. Un haki rati chatchenn le i momlia an ap koi sonakaskri momelengri. Jaake rikrah men ap o baro Debleskre laba. Maro Dewel hi lo, koles tumer mukan.