3. Mose 24:2 - O Debleskro Drom 2021 (Sinte)

^2-3 Pen ap i Israelitarja, te anenn le tuke o latcheder olivtikro djet, te nai chatchenn le haki rat i tikne momlia ap i momelengri an o Debleskro plachteno kheer. Kai momelengri well tardo win glan ko kutch kotar than, hoi glan ko mochton pandlo hi, kai o Debleskre deesh laba dren hi. Kote dell o Aron jak, te chatchell i momelengri i tseli rat. Kawa te well jaake kerdo hako tsireske pash i Israelitarja un lengre tchawende, kai pal lende wenna.

O Debleskro Lab 2024 (Sinte-Manouche)

^2-3 Pen ap i Israelitarya, te anenn le touke o lačeder olivtikro djet, te nay rhačenn le haki rat i tikne momlia ap i momelengri an o Debleskro plarhteno kheer. Kay momelengri vell tardo vin glan ko kouč kotar than, hoy glan ko morhton pandlo hi, kay o Debleskre deesh laba dren hi. Kote dell o Aron yak, te rhačell i momelengri i tseli rat. Kava te vell yaake kerdo hako tsireske pash i Israelitarya oun lengre čavende, kay pal lende venna.

3. Mose 24:2 Referans Kwoze

2. Korintarja 4:6

An o phuro tsiro, kai his halauter kali rat, penas o Dewel, te well diwes. Un koi was diwes. Jaake kras lo ninna mare djia pre, te atchas gar tamlo an mare djia, te haiwas mer o Debleskro railepen. Kowa dikah, te dikah ap o Jesus Kristeste.

Johanni 8:12

Pale rakras o Jesus i menshentsa un penas: “Me hom koi momeli i menshenge. Koon mange palla djala, djal gar an o tamlepen. Me hom koi momeli, kai o djipen della.”

Bičepangre 26:18

Tu kress lenge i jaka pre, te wenn jon dran o tamlepen pash i momeli, te less len dran o bengeskro wast win, un te aness len pash o Debleste. Te patsenn le ap mande, palle lell o Dewel lengri doosh lendar krik. Un jon wenn o Debleskre tchawe, un djiwenn leha an o bolepen khetne lauterentsa, kai Debleskre tchawe hi.

Johanni 5:35

O Johanni his i momeli, kai chatchas. Un i tikno tsiro hans tumer bachtelo pral kowa, hoi job penas un kras.

Johanni 1:9

Koi tchatchi momeli was ap i phub, te chatchell li hakeneske.

Johanni 1:4

An leste his o djipen. Un ko djipen his i bari momeli i menshenge.

Louka 12:35

“Awenn hako tsiro mange koi! Un mukenn gar tumari momeli win te djal!

Louka 1:79

un well diklo kolendar, kai hi len traash o merepastar. Kai bari momeli anell men ap o drom, kai wella o Debleskri bacht ap mende.”

Mateo 5:16

Jaake hunte wenn tumer har i momeli, hoi chatchell glan i menshende, te dikenn le, hawo latcho koowa tumer lauter krenna, un te sharenn le o Debles, kai hi tumaro dad an o bolepen.

Mateo 4:16

Tumenge hi ko lab, hoi o Debleskro rakepaskro penas: Tumer djiwenna an i rati, un dikenna i bari momeli. Jaake har o kham pre djala, wella i momeli pash kolende, kai hi len traash o merepastar.

Jesaja 11:2

Un ap koleste well o ducho o baro Deblestar tchiddo, un dell les o goswepen, te haiwell lo bud koowa, un djinell, hoi te krell lo. Ko Debleskro ducho dell les ninna i soor koleske, un sikrell les, har o baro Dewel hi, un har te djiwell lo leha.

Jesaja 8:20

Rikrenn tumen ap o Debleskro drom, un ap kowa, hoi job tumende sikrell! Te penenn i menshe tumenge wawar koowa, palle well lenge kek momeli ap lengro drom.

Gosewe laba 6:23

Kowa, hoi tiro dad un tiri dai tuke pashel anan, hi har i momeli ap tiro drom. Te denn le tut trad, rikrenn le tut ap o drom, hoi o djipen anell.

Debleskri gili 119:130

Te haiwah tiro lab, palle krell men kowa bachtelo, un ninna kolla, kai tchi djinenn, wenn gosewo.

Debleskri gili 119:105

Tiro lab hi har i momeli, hoi sikrell, kai te djap, awa, i momeli ap miro drom.

2. Familjakro liil 13:11

Haki taissarla un haki rat chatchrenn le viechen o baro Debleske, un koi pashel latcho sungepaskro koowa, un tchiwenn leske mare ap i chapaskri dran djudjo sonakai. Un haki rati chatchenn le i momlia an ap koi sonakaskri momelengri. Jaake rikrah men ap o baro Debleskre laba. Maro Dewel hi lo, koles tumer mukan.

2. Mose 40:24

Ap i tchatchi rig an o kheer, wergel i chapaskri, tchiwas lo i momelengri,

2. Mose 39:37

koi momelengri dran latcho sonakai un lakre momlia un lauter, hoi pashel hi, un lakro djet;

3. Mose 24:1

O baro Dewel penas ap o Mose: