3. Mose 23:6 - O Debleskro Drom 2021 (Sinte)

⁶ Un o 15. (deesh-te-pantchto) diwes ninna an ko tchon, hi ko ersto diwes kol diwessa, kai hunte chan kek maro dran shutlo jarro. Efta diwessa chan tumer kek maro, an koleste shutlo jarro hi.

O Debleskro Lab 2024 (Sinte-Manouche)

⁶ Oun o 15. (deesh-te-pančto) dives ninna an ko čon, hi ko ersto dives kol divessa, kay hounte rhan kek maro dran shoutlo yarro. Efta divessa rhan t'mer kek maro, an koleste shoutlo yarro hi.

3. Mose 23:6 Referans Kwoze

5. Mose 16:8

Palle chan shob diwessa sawo maro, an koleste kek shutlo jarro hi! Un ap o eftato diwes awenn khetne, te sharenn tumaro baro Debles! Ap ko diwes krenn kek budi!

2. Mose 34:18

Ma bistrenn kol bare diwessa, kai chan kek maro dran shutlo jarro. An o tchon Abib chan efta diwessa kek maro dran shutlo jarro jaake har me tumenge penom! An ko tchon djan tumer win dran o them Egiptia.

2. Mose 12:14

Bistrenn kau diwes gar! Krenn lestar i baro diwes, kai sharenn o baro Debles, tumer un tumare tchawe, kai wenna pal tumende! Hako bersh well kawa jaake pash tumende kerdo kanna un hako tsiro.

2. Mose 23:15

kol bare diwessa, kai chah tu efta diwessa ko maro, an koleste kek shutlo jarro dren hi. Kol diwessa rikress tu an o tchon Abib. Kowa kress tu, te bistress gar, te nashal an ko tchon dran o them Egiptia. Un ab gar an o Debleskro kheer, te hi tchi an tiro wast, hoi tu leske aneh!

5. Mose 16:3

Te chan tumer ko chapen, ma chan maro koi pashel, kai shutlo jarro dren hi. Har djan tumenge dran o them Egiptia win, hunte chan efta diwessa maro, an koleste kek shutlo jarro dren his, jaake sik hunte nashenn tumenge. Kanna chan ninna efta diwessa maro, kai kek shutlo jarro dren hi, te bistrenn gar ko diwes, kai djan dran o them Egiptia win, kai anan le jaake bud duka ap tumende. Doleske kharah mer kau maro ‘dukengro maro’.