3. Mose 23:4 - O Debleskro Drom 2021 (Sinte)

⁴ Kalla hi i bare diwessa, kai wenn tumer khetne, te well o baro Dewel sharedo. Denn kal diwessa win gole ap pengro tsiro.

O Debleskro Lab 2024 (Sinte-Manouche)

⁴ Kalla hi i bare divessa, kay venn t'mer khetne, te vell o baro Devel sharedo. Denn kal divessa vin gole ap pengro tsiro.

3. Mose 23:4 Referans Kwoze

3. Mose 23:2

Pen ap i Israelitarja: Kalla hi i bare diwessa, kai wenn tumer khetne, te well o baro Dewel sharedo.

2. Mose 23:14

Triin kope an o bersh rikress tu mange bare diwessa dren:

3. Mose 23:37

Kalla hi kol bare diwessa, kai hunte wenn tumer khetne glan o baro Debleste, te anenn leske viechen un chapen, jaake har hako diweske glan tchinlo hi: sawe vieche, kai tseles chatchedo wenn, un sawe, kolen chan tumer khetne glan o baro Debleste, ninna chapen dran djob, un mool, hoi glan leste win tchoredo well.

2. Mose 12:14

Bistrenn kau diwes gar! Krenn lestar i baro diwes, kai sharenn o baro Debles, tumer un tumare tchawe, kai wenna pal tumende! Hako bersh well kawa jaake pash tumende kerdo kanna un hako tsiro.

3. Mose 23:21

Denn win gole, te wenn khetne ap kau diwes o baro Debleske. Kek budi hunte krenn tumer ap ko diwes. Kau lab hi tumenge un tumare tchawenge, kai pal tumende wenna, kanna un hako tsireske, kai tumer ninna djiwenna.

Nehemia 8:15

Jaake dan le win gole an pengre tsele forja, ninna an Jerusalem, un penan: “Djan win ap i berge un anenn kashta i djeteskre rukendar, ninna i diwje djeteskre rukendar, un i mirtetikre rukendar un i palmtikre rukendar un wawar rukendar, kolen bud patria hi. Un krenn kolendar tikne khera dran patria, jaake har an o Moseskro liil tchinlo hi.”

Ezekiel 44:24

Te well i tchingepen glan lende anlo, hi jon i tchatchepangre mursha un hunte penenn o tchatchepen win, un hunte djan pal mire tchatchepaskre laba. Un jon hunte krenn, te wenn mire bare diwessa ap o tchatcho tsiro jaake dren rikedo, har me penom, te well kowa kerdo. Ninna denn le jak, te well o Debleskro diwes dren rikedo.

Jesaja 29:1

Djungeles djal tumenge an o foro Arijel, ko foro, kai o David djiwas! Djungeles djal tumenge, ninna te mukenn gar tele un wenn hako bersh, te rikrenn tumare bare diwessa!