3. Mose 23:2 - O Debleskro Drom 2021 (Sinte)

² Pen ap i Israelitarja: Kalla hi i bare diwessa, kai wenn tumer khetne, te well o baro Dewel sharedo.

O Debleskro Lab 2024 (Sinte-Manouche)

² Pen ap i Israelitarya: Kalla hi i bare divessa, kay venn t'mer khetne, te vell o baro Devel sharedo.

3. Mose 23:2 Referans Kwoze

3. Mose 23:37

Kalla hi kol bare diwessa, kai hunte wenn tumer khetne glan o baro Debleste, te anenn leske viechen un chapen, jaake har hako diweske glan tchinlo hi: sawe vieche, kai tseles chatchedo wenn, un sawe, kolen chan tumer khetne glan o baro Debleste, ninna chapen dran djob, un mool, hoi glan leste win tchoredo well.

3. Mose 23:4

Kalla hi i bare diwessa, kai wenn tumer khetne, te well o baro Dewel sharedo. Denn kal diwessa win gole ap pengro tsiro.

Joel 2:15

Phurdenn i phurdepaskri ap i berga Zion! Denn i menshen khetne gole! Penenn lenge, te chan le tchi, un sikrenn jaake, te khaitell lenge lengri doosh.

Hosea 2:11

Doleske kamau miro djob un mire drake pale te lell an ko tsiro, kai le baro wan, un dren anlo wans. Ninna lau latar mire bakrengre balla, un miro laintikre thaba lakre ripjenge.

Debleskri gili 81:3

Giwenn leske Debleskre gilja! Denn ap i pauka! Bashrenn ap i dorjengre bashepangre!

4. Mose 29:39

Kowa halauter hunte anenn tumer o baro Debleske ap kol bare diwessa, kai wenn khetne glan leste. Koi pashel well kowa, hoi denn leste hakeno pestar, ninna kowa, hoi dan tumen sowel, te denn les kowa: vieche, hoi wenn leske tseles chatchedo, djob un mool, ninna vieche, hoi chan tumer khetne glan leste.

4. Mose 10:10

Phurdenn ninna an i phurdepangre ap kol bare diwessa, kai han tumer bachtelo, un ap ko diwes, kai well i newo tchon, un kai tumer o baro Debleske viechen anenn, sawe, hoi tumer leske tseles chatchrenna un sawe, hoi chan tumer glan leste khetne. Palle wenn tumer mange, tumaro Debleske, an o shero. Me hom tumaro baro Dewel.

Johanni 5:1

Pal kowa his i baro Debleskro diwes i biboldenge. Un o Jesus djas an o foro Jerusalem.

Joel 1:14

Denn i menshen khetne gole! Penenn, te chan le tchi, te sikrenn le, kai lengri doosh len khaitell. Mukenn i phureden un i tsele menshen an kau them pash o baro Debleskro kheer te well! Job hi tumaro Dewel. Denn ap leste gole!

Ropaskre gilja 1:4

I dromma pash i berga Zion hi muklo. Kek well an o foro an kol bare diwessa. I tsele foreskre wudja hi pre, i rashajenge hi ropaske, i terne tcha rowenna. Har pharo hi kowa lauter o foreske!

Jesaja 33:20

Dik ap ko foro Zion, kai mer khetne wah ap i bare diwessa. Dik, har i Jerusalem i foro hi, kai djiwenn i menshe kek darjah. Ko foro hi har i plachteno kheer, hoi buder gar tele phagedo well. Kol saster, hoi les rikrenn, wenn gar buder win tserdedo, un lengre shelle djan gar buder paash.

2. Familjakro liil 30:5

Un jaake kran le win, te well win gole dino an o tselo them Israel, fun Beersheba bis Dan, te wenn le an o foro Jerusalem, un rikrenn o Passa o baro Debleske, kai o Israeleskro Dewel hi. An kol wawar bersha nai rikran bud lendar les gar jaake har glan-tchinlo was.

2. Rajengro liil 10:20

Un o Jehu penas: “Denn win gole, te well i baro diwes, kai wenn vieche maredo o debleske Baal, te well job sharedo!” Un kau lab was win gole dino.

3. Mose 23:44

Kal tsele laba penas o Mose i Israelenge, te djinenn le har te rikrenn le kol bare diwessa dren, te well o baro Dewel sharedo.

3. Mose 23:21

Denn win gole, te wenn khetne ap kau diwes o baro Debleske. Kek budi hunte krenn tumer ap ko diwes. Kau lab hi tumenge un tumare tchawenge, kai pal tumende wenna, kanna un hako tsireske, kai tumer ninna djiwenna.

2. Mose 32:5

Har dikas kowa o Aron, kras job i chatchepaskri glan ko gurum, te chatchrenn le viechen leske koi pre, un mukas wi-gole te dell: “Taissar hi i baro diwes, kai sharah o baro Debles!”

Kolossarja 2:1

Me kamau, te djinenn tumer, har me marau man tele tumenge un kol patslenge an o foro Laodicea, ninna kolenge, kai prindjrenn man gar.

Kolossarja 2:16

Ma shunenn ap kolende, kai penenn tumenge: “Hi gar mishto, te chan un pijenn tumer kawa te kowa!” Ma shunenn ap lende, te penenn le tumenge, te denn jak ap bare diwessa an o tchon un an o bersh, ninna ap o diwes, kai i bibolde gar budrenna.

3. Mose 23:1

O baro Dewel penas ap o Mose:

1. Familjakro liil 23:31

Ninna hunte wenn le glan o baro Debleste tardo, an kol diwessa, kai marenn i rashaja o baro Debleske viechen, hoi leske tseles chatchedo wenn. Kowa his ap o Debleskro diwes, un ap ko diwes, kai o newo tchon diklo well, un ap i tsele wawar bare diwessa. Hako diwes hunte wenn jaake bud Levitarja glan o baro Debleste, har glan tchinlo hi.

Ezekiel 44:24

Te well i tchingepen glan lende anlo, hi jon i tchatchepangre mursha un hunte penenn o tchatchepen win, un hunte djan pal mire tchatchepaskre laba. Un jon hunte krenn, te wenn mire bare diwessa ap o tchatcho tsiro jaake dren rikedo, har me penom, te well kowa kerdo. Ninna denn le jak, te well o Debleskro diwes dren rikedo.

2. Familjakro liil 2:3

Dik, kanna kamau me i kheer miro baro Debleske te krell, – i kheer, hoi leske hi, kai nai mangah les an, un nai chatchrah latcho sungepaskro koowa glan leste, un tchiwah hako tsiro maro glan leste win, un chatchrah viechen leske taissarlake un rati, ninna ap o Debleskro diwes, un ap ko diwes, kai o newo tchon diklo well, un ap wawar bare diwessa, te sharas maro baro Debles. Job penas menge, te kras mer kowa hako tsiro.

Esra 3:5

Pal ko tsiro anan le hako diwes kol viechen, kai wan taissarlake un ratsjake chatchedo o baro Debleske. Un ninna ap hako newo tchon un ap i wawar bare diwessa anan le viechen o baro Debleske. Un dan ninna kowa, hoi jek pestar kamas te dell o baro Debleste.