3. Mose 22:11 - O Debleskro Drom 2021 (Sinte)

¹¹ I budepaskro, koles o rashai peskre lowentsa ginas, kowa nai chal kolestar. Ninna i budepaskres, kai an leskro kheer boldo was, kowa nai chal fun ko chapen.

O Debleskro Lab 2024 (Sinte-Manouche)

¹¹ I boudepaskro, koles o rashay peskre loventsa ginas, kova nay rhal kolestar. Ninna i boudepaskres, kay an leskro kheer boldo vas, kova nay rhal foun ko rhapen.

3. Mose 22:11 Referans Kwoze

1. Mose 17:13

Tchinlo hunte well hako budepaskro, kai pash tumende boldo was un tumendar ginlo was. Ap tumaro mass dikenn tumer, kai han mire menshe. Kau koowa atchell jaake hako tsiro.

2. Mose 12:44

Hako ginlo budepaskro well tchinlo ap peskro mass. Palle nai chal lo ko Passa.

1. Mose 12:5

Job las peskri romjat Sarai peha un peskro phraleskro tchawes Lot. Job las ninna pengro tselo koowa peha, pengre viechen un pengre budepangren, kai lengre an o foro Haran wan. Un jon tserdan win un wan an ko them Kanaan.

3. Mose 22:12

Te well o rashajeskri tchai i romni i murshestar, kai kek rashai hi, palle chal li gar buder fun ko chapen, hoi glan o baro Debleske anlo was.

3. Mose 21:22

Ko chapen, hoi o Debleske anlo was, nai chal lo, ninna ko chapen, hoi kokres i rashajenge hi.

4. Mose 18:9

Tuke hi kol tsele kotja, hoi wenn gar pre-chatchedo kol tsele viechendar, hoi denn le mande, te well lengri doosh krik lino un te well lauter pale mishto, ninna ko tselo chapen, hoi denn le pashel. Kowa halauter hi mange kutch, un me dau les tute un tire tchawende.